Nashik Youth Collapse : नाशिकच्या बागलाणच्या साल्हेर किल्ल्यावरुन दोन पर्यटक दरीत कोसळले, एकाचा मृत्यू तर दुसरा गंभीर

मनोहर शेवाळे

मनोहर शेवाळे | Edited By: वैजंता गोगावले, Tv9 मराठी

Updated on: Jul 15, 2022 | 10:34 PM

राज्यात सध्या पावसाचे थैमान सुरु आहे. जिल्ह्यात सर्वदूर पावसाचे आगमन झाल्यामुळे निसर्ग पर्यटन वाढले आहे. बागलाण तालुक्यातील साल्हेर किल्ल्यावर मालेगाव येथील 12 तरुणांचा एक ग्रुप पर्यटनासाठी आलेला होता.

Nashik Youth Collapse : नाशिकच्या बागलाणच्या साल्हेर किल्ल्यावरुन दोन पर्यटक दरीत कोसळले, एकाचा मृत्यू तर दुसरा गंभीर
नाशिकच्या बागलाणच्या साल्हेर किल्ल्यावरुन दोन पर्यटक दरीत कोसळले
Image Credit source: TV9

मालेगाव : नाशिकच्या बागलाण तालुक्यातील शिवकालीन साल्हेर किल्ल्यावरुन दोन पर्यटक (Tourist) पाय घसरुन पडल्याची घटना आज दुपारी घडली. या दुर्घटनेत एका पर्यटकाचा मृत्यू (Death) झाला तर दुसरा गंभीर जखमी (Injured) झाला आहे. त्याच्या पायाला फ्रॅक्चर झाले आहे. जखमी तरुणाला उपचारासाठी रुग्णालयात दाखल करण्यात आले आहे. भावेश शेखर अहिरे (21) असे मयत तरुणाचे नाव आहे. तर मनिष सुनील मुठेकर (21) असे जखमी तरुणाचे नाव आहे. पावसामुळे वाटा निसरड्या झाल्या आहेत. त्यामुळे चढताना पाय घसरला. पावसाळ्यातील दुर्घटनांच्या पार्श्वभूमीवर प्रशासनाकडून पर्यटन स्थळांवर मनाई आदेश जारी करण्यात आले असतानाही पर्यटक आदेश झुगारुन जात आहेत.

मालेगाव येथील तरुणांचा ग्रुप पिकनिकसाठी आला होता

राज्यात सध्या पावसाचे थैमान सुरु आहे. जिल्ह्यात सर्वदूर पावसाचे आगमन झाल्यामुळे निसर्ग पर्यटन वाढले आहे. बागलाण तालुक्यातील साल्हेर किल्ल्यावर मालेगाव येथील 12 तरुणांचा एक ग्रुप पर्यटनासाठी आलेला होता. या ग्रुपने अवघड समजल्या जाणाऱ्या साल्हेर वाडीकडून उघड्या दरवाजाकडून किल्ल्याच्या चढाईला सुरुवात केली होती. येथील अतिशय अवघड अशा 65 पायऱ्या आहेत. याच ठिकाणाहून भावेश अहिरे आणि मनिष मुठेकर हे दोन तरुण पाय घसरुन दरीत पडले. यात भावेशचा जागीच मृत्यू झाला तर मनिषला गंभीर दुखापत झाली असून त्याचा पाय फ्रॅक्चर झाला आहे. त्याला उपचारासाठी रुग्णालयात दाखल करण्यात आले आहे. प्रशासनाचे मनाई आदेश झुगारुन हे तरुण अशा अवघड ठिकाणी पिकनिकसाठी आले होते. (Two tourists fell into the valley from Salher Fort in Baglan Nashik)

हे सुद्धा वाचा


Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI