Pimpari Beaten : दहिहंडीसाठी 500 रुपये वर्गणी दिली नाही म्हणून दुकानदाराला मारहाण, आरोपी अटक

पिंपरी : दहिहंडी उत्सवासाठी 500 रुपये वर्गणी (Subscription) दिली नाही म्हणून स्वीट मार्ट (Sweet Mart) दुकानदाराला मारहाण (Beating) केल्याची धक्कादायक घटना पिंपरी चिंचवडमधील वाकडमध्ये उघडकीस आली आहे. याप्रकरणी वाकड पोलिस ठाण्यात गुन्हा दाखल करण्यात आला आहे. आरोपींनी दुकानाची तोडफोड करत गल्ल्यातील पैसे काढून नेले. दुकानमालकाने पोलिसांनी सहा आरोपींना अटक केले आहे. तर दोन अल्पवयीन आरोपींना ताब्यात घेतले आहे. प्रसाद राऊत, मनीष उर्फ मन्या कदम, माऊली उपल्ले, यश रसाळ, रोहित शिंदे उर्फ बॉण्ड, सुनील शेट्टी, विजय तलवारे अशी अटक करण्यात आलेल्या आरोपींची नावे आहेत.

दुकानाची तोडफोड करत गल्ल्यातील रोकड नेली

वाकड परिसरातील तरुणांचा एक ग्रुप मंगळवारी दहिहंडी उत्सवासाठी वर्गणी गोळा करत होता. यावेळी हा ग्रुप स्वीट मार्टच्या दुकानात वर्गणी मागण्यासाठी गेला. यावेळी त्यांनी दुकानदाराकडे 500 रुपये वर्गणी मागितली. मात्र दुकानदाराने 200 रुपयेच दिले. यामुळे या 10 ते 12 जणांच्या टोळक्याला राग आला. तुम्हाला माहित नाही का आम्ही एरियातील भाई आहोत, असे दुकानदाराला मारहाण करत दुकानाची तोडफोड केली. त्यानंतर दुकानातील गल्ल्यातील 10 ते 12 हजार रुपयांची रोकड घेऊन पसार झाले. याप्रकरणी काल रात्री उशिरा वाकड पोलिस स्थानकात गुन्हा दाखल करण्यात आला. पोलिसांनी सहा आरोपींना अटक केले आहे तर अन्य दोन अल्पवयीन आरोपींना ताब्यात घेतले आहे. जर कुठल्याही मंडळ कार्यकर्त्यांनी दुकानदार किंवा व्यवसायिकांकडे बळजबरीने वर्गणी मागण्याचा प्रयत्न केला तर कायदेशीर कारवाई केली जाणार असल्याचा इशारा पोलिसांनी दिला आहे. (A shopkeeper was beaten up for not paying a subscription of Rs 500 for Dahihandi in Pimpri Chinchwad)