पुण्यात निवृत्त एअरफोर्स अधिकारी ‘हॅनी ट्रॅप’च्या जाळ्यात, 50 लाखांची खंडणी मागितली, पोलिसांकडून रॅकेट उद्ध्वस्त

कोंढव्यात पनवेलच्या एका व्यावसायिकाला हॅनी ट्रॅपमध्ये अडकवून लुबाडल्याची घटना ताजी असतानाच आता चंदननगर इथल्या एका एअरफोर्समधल्या एका निवृत्त अधिकाऱ्यालाही हॅनी ट्रॅप केल्याचा धक्कादायक प्रकार समोर आला आहे. याप्रकरणी विमानतळ पोलिसांनी पाच जणांविरोधात गुन्हा दाखल केला आहे आणि चौघांना अटक केली आहे.

पुण्यात निवृत्त एअरफोर्स अधिकारी 'हॅनी ट्रॅप'च्या जाळ्यात, 50 लाखांची खंडणी मागितली, पोलिसांकडून रॅकेट उद्ध्वस्त
प्रातिनिधिक फोटो

पुणे : कोंढव्यात पनवेलच्या एका व्यावसायिकाला हॅनी ट्रॅपमध्ये अडकवून लुबाडल्याची घटना ताजी असतानाच आता चंदननगर इथल्या एका एअरफोर्समधल्या एका निवृत्त अधिकाऱ्यालाही हॅनी ट्रॅप केल्याचा धक्कादायक प्रकार समोर आला आहे. याप्रकरणी विमानतळ पोलिसांनी पाच जणांविरोधात गुन्हा दाखल केला आहे आणि चौघांना अटक केली आहे. (Honey trapped and robbed a retired Air Force officer in Pune)

तरूणीकडून प्रेमाचं नाटक

चंदननगर परिसरात राहणारे 59 वर्षीय फिर्यादी एअरफोर्समधून निवृत्त झाले आहेत. ते विमाननगर इथल्या युनियन बँक ऑफ इंडिया इथं गेले असताना आरती चौधरी या तरूणीने त्यांनी फोन केला आणि नोकरीची चौकशी केली. त्यावेळी फिर्यादींनी आपण व्यवसाय करत असून आपल्याकडे नोकरी नसल्याचं सांगितलं. तरीही तरूणीने फिर्यादीशी बोलणं सुरूच ठेवलं. व्हॉट्सअपवर त्यांच्याशी संपर्क साधला. त्यांची सर्व माहिती घेऊन त्यांच्याशी प्रेमाचे नाटक केले.

50 लाखांच्या खंडणीची मागणी, 10 लाखांचे चेक घेतले

12 ऑगस्टला या तरूणीने फिर्यादींना नारायणगाव इथं बोलावलं. तिथून ती त्यांना एका ठिकाणी घेऊन गेली आणि त्यांच्याबरोबर जवळीक साधण्याचा प्रयत्न केला. त्याचवेळी तरूणीचे नातेवाईक तिथे आल्याचं दाखवलं आणि फिर्यादीने आपल्याबरोबर जबरदस्तीने शरीरसंबंध ठेवल्याचं खोटं सांगितलं. त्यावर त्यांच्यातल्या एकाने फिर्यादीच्या गळ्याला कुऱ्हाड लावून ठार मारण्याची धमकी दिली. यासोबतच हे प्रकरण मिटवून घेण्यासाठी 50 लाख रुपयांची खंडणी मागितली. त्यानंतर तडजोडीनंतर फिर्यादीकडून युनियन बँक ऑफ इंडियाचे 10 लाख रूपयांचे चेक जबरदस्तीने लिहून घेतले आणि त्यांना सोडून देण्यात आलं.

चार आरोपींना अटक, महिला आरोपीचा शोध सुरू

हा प्रकार घडल्यानंतर सोमवारी पुन्हा फिर्यादीला आरोपींनी पैशांची मागणी केली. तेव्हा त्यांनी थेट पोलिसांत धाव घेतली. विमानतळ पोलिसांनी तात्काळ तपासाची चक्र फिरवली आणि सापळा लावून या प्रकरणातल्या चार आरोपींना अटक केली. या प्रकरणातल्या महिला आरोपीच्या शोधासाठी पथकं रवाना करण्यात आली आहेत.

संबंधित बातम्या :

आधी इन्स्टाग्रामवर ओळख, मग शारीरिक संबंध; हनी ट्रॅप करून व्यावसायिकाला लुटणारी टोळी पुण्यात जेरबंद

मुंबईत सेक्सटॉर्शनचे मोठे रॅकेट उद्ध्वस्त, सामान्यांपासून बॉलिवूडचे 100 सेलिब्रिटीज अडकल्याचा अंदाज

पत्नीला सिगरेटचे चटके, अघोरी प्रयोगाने छळ, अखेर पुण्याचे प्रसिद्ध उद्योजक गायकवाड पिता-पुत्रांना बेड्या, पोलिसांची मोठी कारवाई

Read Full Article

Click on your DTH Provider to Add TV9 MARATHI