Pune Crime | किरण गोसावीच्या अडचणीत वाढ; दुबईवरून आलेल्या महिला साथीदाराला अटक

कुसुम गायकवाड दुबईहून परत येताच मोठ्या शिताफीने लष्कर पोलिसांनी तिला अटक केली. किरण गोसावीची सहकारी असलेल्या कुसुम यांच्यावरही शिवराज जामदार या तरुणांकडून 1 लाख30 हजार रुपये घेण्यात आल्याचा आरोप आहे. अटक करण्यात आलेल्या कुसुम यांच्याकडून महत्त्वाचाही माहिती समोर येणाची शक्यता पोलिसांनी वर्तवली आहे.

परदेशात नोकरीचे आमिष दाखवून फसवणूक केल्याप्रकरणी किरण गोसावीला अटक

TV9 मराठी डिजीटल टीम | Edited By: प्राजक्ता ढेकळे | Updated on: Nov 13, 2021 | 10:33 AM

पुणे- स्टारकिड्स आर्यन खान (Aryan Khan)ड्रग्स पार्टी प्रकरणी अटकेत असलेल्या किरण गोसावी (kiran Gosavi) आणखी गोत्यात आला आहे. काल पिंपरी- चिंचवड येथे नोकरीचे अमिष दाखवून फसवणूक केल्याचा गुन्हा दाखल झाला असतानाच, दुसरीकडं या फसवणूक प्रकरणात त्याची साथीदार असलेल्या कुसुम गायकवाडला लष्कर पोलिसांनी अटक केली आहे.

कुसुम गायकवाड दुबईहून परत येताच मोठ्या शिताफीने लष्कर पोलिसांनी तिला अटक केली. किरण गोसावीची सहकारी असलेल्या कुसुम यांच्यावरही शिवराज जामदार या तरुणांकडून 1 लाख 30 हजार रुपये घेण्यात आल्याचा आरोप आहे. अटक करण्यात आलेल्या कुसुम यांच्याकडून महत्त्वाचाही माहिती समोर येणाची शक्यता पोलिसांनी वर्तवली आहे. लष्कर पोलिसांनी यापूर्वीही गोसावीची महिला साथीदार शेरबानो कुराशीला अटक केली आहे.

गोसावीवर फसवणुकीचे 10 गुन्हे दाखल

किरण गोसावीवर नोकरीचे आमिष दाखवत आर्थिक फसवणूक केल्याचे पुण्यात चार , पिंपरी चिंचवडमध्ये एक गुन्हा दाखल झाला आहे. राज्याच्या इतर भागातून पाच गुन्हे दाखल झाले आहेत. पुण्यातील फरासखाना पोलीस स्थानकात तीन वर्षांपूर्वी गोसावीवर फसवणुकीचा पहिला गुन्हा नोंद झाला होता. ज्या ज्या नागरिकांची किरण गोसावीने फसवणूक केली आहे त्यांनी न घाबरता पुढं येऊन तक्रारी दाखल करव्यात असं आवाहन पोलिसांनी केलं आहे.

के. पी. गोसावी नेमका कोण? कथित एनसीबी अधिकारी म्हवणारा किरण गोसावी हे देशभरात, परदेशात नोकरी मिळवून देणाऱ्या के.पी.जी. ड्रीम्ज रिक्रूटमेंट कंपनीचे मालक आहे. विशेष म्हणजे के. पी. जी. ड्रीम्ज कंपनीचं मुंबई आणि नवी मुंबईत कार्यालय आहे. बड्या पोलीस अधिकाऱ्यांच्या संपर्कात, खासगी गुप्तहेर अशीही के. पी. गोसावी यांची ओळख आहे.