ठाण्यातील मॉल शेजारी रात्री लागायची तरुणांची रांग… पोलिसांना सत्य कळताच सरकली पायाखालची जमीन

ठाणे येथील घोडबंदर रोडवरील एका मॉलजवळ एक धक्कादायक घटना समोर आली आहे. पोलिसांनी येथे एका स्पा सेंटरमध्ये चालणाऱ्या सेक्स रॅकेटचा पर्दाफाश केला आहे. या प्रकरणी पोलिसांनी विविध कलमांखाली गुन्हा दाखल करत दोन महिलांसह एका पुरुषाला ताब्यात घेतले आहे. या प्रकरणात सात महिलांना वाचवण्यात आले आहे. या घटनेचा पुढील तपास सुरू आहे.

1 महिला 2 पुरुषांना अटक

सामाजिक संस्था हार्मनी फाउंडेशनने पोलिसांना ठाणे येथील घोडबंदर रोडवरील एका मॉलजवळील वेलनेस अँड हिलिंग स्पा सेंटरमध्ये चालणाऱ्या सेक्स रॅकेटची माहिती दिली होती. या माहितीच्या आधारावर ठाणे पोलिसांच्या गुन्हे शाखेने गुरुवारी छापेमारी केली. यावेळी पोलिसांना आढळले की, घटनास्थळी वेश्याव्यवसायाचा धंदा चालत होता. या प्रकरणी पोलिसांनी स्पा सेंटर चालवणाऱ्या दोन महिलांसह एका पुरुष एजंटलाही अटक केली आहे.

वाचा: मुस्लीम अभिनेत्याने केले दोन हिंदू मुलींशी लग्न, १२ वर्षांनी मोठ्या मुलीवर प्रेम; आता आहे १२०० कोटींचा मालक

अल्पवयीन मुलीचा देखील समावेश

हे तिन्ही आरोपी येथे सात महिलांकडून वेश्याव्यवसायाचा धंदा चालवत होते. पोलिसांनी छापा मारला तेव्हा काही ग्राहक या महिलांसोबत नग्न अवस्थेत आढळले. या घटनेनंतर पोलिसांनी सात महिलांना वाचवले. पोलिसांना माहिती मिळाली आहे की, यापैकी एक मुलगी अल्पवयीन आहे. यासंदर्भात पोलिस आता पुरावे गोळा करत आहेत. याशिवाय, वरिष्ठ पोलिस अधिकाऱ्यांनी आश्वासन दिले आहे की, या प्रकरणात आणखी कोणी सामील असेल तर त्यालाही लवकरच शोधून अटक केली जाईल.

पोलिसांनी या प्रकरणी बीएनएस आणि मानव तस्करी प्रतिबंधक कायदा, १९५६ अंतर्गत गुन्हा दाखल केला आहे. ठाण्यातील एका मॉलच्या अत्यंत गर्दीच्या परिसरात सेक्स रॅकेट चालवले जात असल्याची माहिती समोर आल्यानंतर परिसरात खळबळ उडाली आहे. या घटनेचा पुढील तपास सुरू आहे.