Video : गरीब रिक्षावाल्यासोबत महिला ज्या क्रूरतेनं वागली, ते पाहून तळपायाची आग मस्तकात जाईल!
गरिब रिक्षावाला आपण घाईत असल्याचं म्हणत हात जोडतो, संतापलेल्या महिलेला समजावण्याचा केविलवाणा प्रयत्न करतो. पण महिला जराही ऐकून न घेता गरीब रिक्षावाल्याला जबर मारहाण करते.
नोएडामध्ये शिविगाळ करणारा श्रीकांत त्यागीचा (Shrikant Tyadi Case) व्हिडीओ प्रचंड व्हायरल (Video Viral) झाला होता. इतका की त्याला अंडरग्राऊंड व्हावं लागलं होतं. अखेर त्याला अटकही करण्यात आली होती. महिलेला घाणेरड्या शिव्या देण्यासोबत धमकावण्याचा आरोप श्रीकांत त्यागीवर करण्यात आला होता. ही घटना ताजी असतानाच आता आणखी एक व्हिडीओ समोर आला आहे. नोएडामध्ये एका महिलेनं गरीब रिक्षा चालकाला शिविगाळ करत त्याला मारहाण केली आहे. या घटनेचा व्हिडीओ व्हायरल झाला असून महिलेनं केलेल्या मारहाणीविरोधात तीव्र संताप व्यक्त केला जातोय. याप्रकरणी आता महिलेवर कठोर कारवाई करावी, अशी मागणी जोर धरतेय. अर्वाच्च शिविगाळ करत रिक्षाचालकाला (Auto Rikshaw Driver) मारहाण करणाऱ्या महिलेचं कृती समर्थनीय कशी काय असू शकते, असा सवाल सोशल मीडियातून उपस्थित केला जातोय. अखेर या प्रकरणी पोलिसात तक्रार दाखल करण्यात आली आहे. त्यानंतर पोलिसांनी पुढील कारवाई केली जात असल्याचं म्हटलंय.
नेमकं काय झालं?
गरीब रिक्षा चालकाचं आणि महिलेच्या गाडीचा धडक झाली. त्यामुळे संतापलेल्या महिलेनं ई-रिक्षा चालकाना अक्षरशः फरफटत आणलं आणि त्याला शिविगाळ करत जाब विचारला. गाडीला झालेल्या नुकसानीवरुन ही महिला रिक्षा वाल्यावर राग काढत असल्याचं व्हिडीओमध्ये दिसून आलंय. गरिब रिक्षावाला आपण घाईत असल्याचं म्हणत हात जोडतो, संतापलेल्या महिलेला समजावण्याचा केविलवाणा प्रयत्न करतो. पण महिला जराही ऐकून न घेता गरीब रिक्षावाल्याला जबर मारहाण करते. त्याला शिविगाळ करतो. या घटनेचा व्हिडीओ समोर आल्यानंतर महिलेविरोधात संताप व्यक्त केला जातोय.
पाहा व्हिडीओ :
एक गरीब को इस तरह पीटना कहा का इंसाफ है एक महिला बीच सड़क पर रिक्शे वाले को पीट रही है भद्दी भद्दी गालिया दे रही है हो सकता है रिक्शे वाले की गलती रही हो लेकिन एक महिला का दिल तो ममता से भरा होता है फिर वो इस कैसे कर सकती है @noidapolice संज्ञान लीजिए ये गरीब भी इंसान है pic.twitter.com/fGP9HPTsFZ
— दानिश अज़ीज़ (@uptvnoida) August 13, 2022
सोशल मीडियामध्ये या महिलेचा व्हिडीओ व्हायरल जाल्यानंतर अखेर महिलेविरोधात पोलिसात तक्रा नोंदवण्यात आली आहे. आश्चर्याची गोष्ट म्हणजे ही घटना त्याच पोलिस ठाण्याच्या हद्दीतील आहे, जिथं श्रीकांत त्यागी प्रकरण घडलं होतं. नोएडा फेज टू पोलिस ठाण्याच्या हद्दी घडलेल्या या घटनेनं महिलेविरोधात तक्रार नोंदवून घेण्यात आली असून पुढील कारवाई केली जाते आहे, असं पोलिसांनी म्हटलंय.
