CA Topper : सीए परीक्षेत भाऊ-बहिणीचे अव्वल यश, नंदिनी अग्रवाल 614 गुण मिळवून बनली AIR 1

CA Topper नवी दिल्ली : इन्स्टिट्युट ऑफ चार्टर्ड अकाउंटंट्स ऑफ इंडिया (ICAI) द्वारे सीए अंतिम आणि सीए फाउंडेशनचे निकाल जाहीर झाल्यानंतर टॉपरची यादी जाहीर करण्यात आली. टॉपर्सच्या यादीने सर्वांना आश्चर्यचकित केले. या वर्षी नंदिनी अग्रवालने नवीन अभ्यासक्रमामध्ये अखिल भारतीय रँक, AIR 1, तर रुथ डिसिल्वाने जुन्या अभ्यासक्रमाच्या परीक्षेत अव्वल स्थान मिळवले आहे. विशेष गोष्ट म्हणजे नंदिनीचा भाऊ सचिन अग्रवालनेही अखिल भारतीय 18 व्या क्रमांकावर स्थान मिळवले आहे. (Brother and sister top in CA exam, Nandini Agarwal became AIR 1 with 614 marks)

सीए फायनल(CA Final Topper)मध्ये अव्वल आलेल्या नंदिनी अग्रवाल 19 वर्षांची आहे. नंदिनीचे वडील टॅक्स सल्लागार आहेत आणि आई गृहिणी आहे. टॉपर नंदिनीचे हे पहिले यश नाही. यापूर्वी तिने बारावीच्या परीक्षेतही अव्वल स्थान मिळवले होते. नंदिनी अग्रवालला सीए परीक्षेत 800 पैकी 614 गुण मिळाले आहेत. त्याचबरोबर भाऊ सचिन अग्रवालला 568 गुण मिळाले आहेत. भावंडांच्या यशावर संपूर्ण कुटुंब आनंदात आहे.

13 ते 15 तासांचा अभ्यास

नंदिनी अग्रवालने सांगितले की, तिला लहानपणापासूनच सीए व्हायचे होते. तिचे वडील टॅक्स सल्लागार आहेत आणि आई अकाऊंट ग्रॅज्युएट असल्याने त्यांना लहानपणापासूनच या विषयात रस होता. तिने सांगितले की ती तिचे स्वप्न पूर्ण करण्यासाठी दिवसातून 13 ते 15 तास अभ्यास करत असे.

मुख्यमंत्री शिवराज सिंह यांनी अभिनंदन केले

मध्य प्रदेशचे मुख्यमंत्री शिवराज सिंह चौहान यांनी त्यांच्या यशाबद्दल ट्विट करून दोघांचेही अभिनंदन केले आहे. त्याने म्हटले आहे की, तुम्हा दोघांचाही अभिमान आहे. वास्तविक, दोन्ही भावंडांना टॉपर असण्याची सवय आहे. 2017 मध्ये मोरेना येथील व्हिक्टर कॉन्व्हेंट स्कूलमध्ये शिकत असताना, दोघांनी संयुक्तपणे 94.5 टक्के गुणांसह 12 वीला टॉप केले. या यशाबद्दल राज्यातील सर्व नेत्यांनी नंदिनी आणि तिच्या भावाला शुभेच्छा दिल्या आहेत.

विद्यार्थ्यांना दिलेल्या या टिप्स

सध्या CA ची तयारी करणाऱ्या उमेदवारांना सल्ला देताना नंदिनी अग्रवाल म्हणाल्या की त्यांनी ICI चे स्टडी मटेरियल नीट वाचावे. त्यांनी सांगितले की जरी सीएची अनेक पुस्तके असली, तरी गणितामुळे त्यांच्यामध्ये फरक आहे. अशा परिस्थितीत चांगले गुण मिळवण्यासाठी स्टडी मॅथद्वारे अभ्यास करणे अत्यंत आवश्यक आहे. तिने पुढे सांगितले की, जर सुरुवातीपासून चांगली तयारी केली गेली असेल तर 11 ते 12 तास अभ्यास करणे चालेल, परंतु जर चार-पाच महिने शिल्लक असतील तर उमेदवारांना 14-15 तास अभ्यास करावा लागेल. (Brother and sister top in CA exam, Nandini Agarwal became AIR 1 with 614 marks)

34 तास कॉलिंग बॅटरी बॅकअप, 64GB स्टोरेजसह दमदार स्मार्टफोन बाजारात, किंमत 8 हजारांहून कमी#Smartphone #BudgetSmarphonehttps://t.co/ioxPUszQNs

— TV9 Marathi (@TV9Marathi) September 15, 2021

इतर बातम्या

साकीनाका बलात्कार प्रकरण, पीडितेच्या कुटुंबियांची सरकारी वकील बदलण्याची मागणी, कोण हवं तेही सांगितलं, भीम आर्मीही आक्रमक

MG Astor ची पहिली झलक सादर, अशी असेल देशातील पहिली आर्टिफिशियल इंटेलीजन्सवाली कार