‘क्लर्क’ नाव झालं इतिहासजमा, मिळालं नवीन नाव; आता म्हणा…
भारतीय बँकिंग क्षेत्रासाठी एक मोठी बातमी समोर आली आहे. आता "क्लर्क" या पदाचे नाव बदलत आहे. आयबीपीएसने आपल्या अधिकृत वेबसाईट ibps.in वर प्रकाशित केलेल्या नोटिशीनुसार, प्राधिकरणाने सार्वजनिक क्षेत्रातील बँकांमध्ये लिपिक संवर्गासाठी नामकरण बदलण्यास मान्यता दिली आहे. त्यानुसार 'कस्टमर सर्व्हिस असोसिएट' (CSA) हे नवे पद 1 एप्रिल 2024 पासून लागू होणार आहे.
सार्वजनिक क्षेत्रातील बँकांमध्ये लिपिक पदाचे नाव बदलण्यात आले आहे. लिपिकाचे सध्याचे पदनाम बदलून “कस्टमर सर्व्हिस असोसिएट” (CSA) करण्यात आले असून पदनामातील हा बदल 1 एप्रिल 2024 पासून लागू होणार आहे. मूळ अधिसूचनेच्या सर्व अटी आणि शर्ती सारख्याच राहतील आणि पुढील अपडेट IBPS च्या वेबसाईटवर दिले जातील, असं नोटिसमध्ये म्हटलं आहे.
अधिकृत अधिसूचनेत म्हटले आहे की, सक्षम प्राधिकरणाच्या निर्णयानुसार सार्वजनिक क्षेत्रातील बँकांमधील लिपिक संवर्गाच्या पदनामात बदल करण्यात आला आहे. लिपिकाचे सध्याचे पदनाम बदलून “कस्टमर सर्व्हिस असोसिएट” (CSA) करण्यात आले आहे.
पदनामातील हा बदल दिनांक 01.04.2024 पासून लागू होणार आहे. त्यानंतर, CRP CLERK-XIV ला CRP-CSA-XIV (कस्टमर सर्व्हिस असोसिएट्स (CSA) भरतीसाठी सामायिक भरती प्रक्रिया) म्हणून समजून घेतले जाईल आणि वाचले जाईल.”याशिवाय 1 जुलै 2024 च्या नोटिशीमध्ये इतर सर्व माहितीत कोणताही बदल करण्यात आलेला नाही, असेही नोटीसमध्ये कळविण्यात आले आहे. बाकीची माहिती तशीच राहील.
आयबीपीएसने 1 जुलै 2024 रोजी 6,128 लिपिक पदांसाठी (आता CSA) भरती आयोजित केली होती. IBPS ने 1 ऑक्टोबर 2024 रोजी पूर्व परीक्षेचा निकाल जाहीर केला. त्यानंतर 13 ऑक्टोबर 2024 रोजी मुख्य परीक्षा घेण्यात आली. अधिक माहितीसाठी उमेदवारांनी वेबसाईटवर लक्ष ठेवण्याचा सल्ला देण्यात आला आहे.
इन्स्टिट्यूट ऑफ बँकिंग पर्सनल सिलेक्शन (IBPS) ने प्रोबेशनरी ऑफिसर (PO) मेन्सचा निकाल जाहीर केला आहे. या IBPS भरती मोहिमेद्वारे प्रादेशिक ग्रामीण बँकांमध्ये गट अ अधिकारी (स्केल 1, 2 आणि 3) आणि गट ब कार्यालय सहाय्यक (बहुउद्देशीय) यांची 9,923 पदे भरण्यात येणार आहेत. मुख्य परीक्षेत उत्तीर्ण झालेल्या उमेदवारांना मुलाखतीसाठी बोलावले जाईल, ज्याचा तपशील लवकरच अधिकृत वेबसाईटवर जाहीर केला जाईल.
ग्राहक सेवा प्रदान करण्यावर भर
हे पदनाम बदल बँक लिपिकांच्या बदलत्या भूमिकेवर प्रकाश टाकते. आता ग्राहकांच्या संवादावर अधिक लक्ष केंद्रित करते. नवीन शीर्षक, “कस्टमर सर्व्हिस असोसिएट” हे ग्राहक सेवा प्रदान करण्यावर भर देते. या बदलामुळे ग्राहकांचे समाधान आणि विश्वास वाढेल आणि बँकिंग उद्योगात अधिक कुशल प्रतिभावान व्यक्तींना आकर्षित केले जाईल, अशी अपेक्षा आहे.
बदलामुळे निवड प्रक्रियेवर परिणाम नाही
सीआरपी क्लर्क-चौदाव्या परीक्षेत भाग घेणाऱ्या उमेदवारांना हे माहित असणे आवश्यक आहे की, त्यांना “ग्राहक सेवा सहयोगी” (CSA) या शीर्षकासाठी नियुक्त केले जाईल. या बदलामुळे निवड प्रक्रियेवर किंवा भरती झालेल्या उमेदवारांच्या नोकरीच्या जबाबदाऱ्यांवर परिणाम होणार नाही.
