JEE Main 2022 Session 2: जेईई मेन सत्र 2 प्रवेशपत्र आलंय, डाऊनलोड करून घ्या!

JEE Main 2022 Session 2: 25 जुलै 2022 पासून देशभरातील सुमारे 500 शहरांमध्ये असलेल्या विविध केंद्रांवर 629778 उमेदवारांसाठी सुरू केली जाणार आहे, ज्यात भारताबाहेरील 17 शहरांचा समावेश आहे

JEEImage Credit source: Social Media

Rachana Bhondave | Updated on: Jul 21, 2022 | 9:49 AM

JEE Main 2022 Session 2: संयुक्त प्रवेश परीक्षा (JEE) Main 2022 च्या दुसऱ्या सत्रासाठी प्रवेशपत्रे आज, 21 जुलै रोजी प्रकाशित करण्यात येणार आहेत. विद्यार्थ्यांना त्यांचे जेईई मेन्स (JEE mains session 2) हॉल तिकीट अधिकृत वेबसाइट, jeemain.nta.nic.in वर मिळेल. अर्ज क्रमांक आणि जन्मतारखेचा वापर करून ते आपलं प्रवेशपत्र डाउनलोड (Download Admit Card) करू शकतात. ही परीक्षा आता पुढे ढकलण्यात आली आहे आणि २५ जुलै २०२२ पासून विद्यार्थ्यांसाठी सुरू होईल. एनटीएने जारी केलेल्या अधिकृत नोटीसमध्ये म्हटले आहे की, “संयुक्त प्रवेश परीक्षा (मुख्य) – 2022 सत्र 2 (जुलै 2022) 25 जुलै 2022 पासून देशभरातील सुमारे 500 शहरांमध्ये असलेल्या विविध केंद्रांवर 629778 उमेदवारांसाठी सुरू केली जाणार आहे, ज्यात भारताबाहेरील 17 शहरांचा समावेश आहे,” असे एनटीएने जारी केलेल्या अधिकृत नोटीसमध्ये म्हटले आहे.

अधिक माहितीसाठी इथे क्लिक करा

एकदा अधिकृत संकेतस्थळावर प्रवेशपत्र ऑनलाइन जाहीर झाले की – jeemain.nta.nic.in, पोर्टलवर लॉग इन करण्यासाठी विद्यार्थी त्यांचा अर्ज क्रमांक आणि जन्मतारीख वापरुन त्यांचे प्रवेशपत्र डाउनलोड करू शकतील.
विद्यार्थ्यांना त्यांच्या जेईई मेन प्रवेश पत्राची प्रिंटआउट घेण्याचा सल्ला देण्यात आला आहे जेणेकरून ते त्यांच्या संबंधित परीक्षा केंद्रांवर घेऊन जातील. जे उमेदवार आपले प्रवेशपत्र परीक्षेस न्यायला विसरतील त्यांना परीक्षा हॉलमध्ये बसण्याची परवानगी दिली जाणार नाही.