sanjay dhotre (Akola Lok Sabha Constituency)

अकोला भाजप

संजय धोत्रे यांचा जन्म 26 फेब्रुवारी 1959 रोजी अकोला जिल्ह्यातील पळसो बढे या गावात झाला. शेतकरी कुटुंबातील संजय धोत्रे यांनी अभियांत्रिकीमध्ये मेकॅनिकल पदवी प्राप्त केली. आपल्या कुटुंबाचा पारंपरिक शेती व्यवसाय बघताना माहिती तंत्रज्ञान अभियांत्रिकी उत्पादन निर्मिती, अ‍ॅग्रो फूड प्रोसेसिंग व्यवसायतही ते उतरले. व्यवसायातील प्रचंड मेहनतीमुळे त्यांना 1987 मध्ये महाराष्ट्र शासनाचा उद्योजकता पुरस्कार मिळाला. कृषी क्षेत्रात अतुलनीय कामाबद्दल 1999 मध्ये त्यांना स्व. वसंतराव नाईक मेमोरियल पुरस्कार देऊन सन्मानित करण्यात आले.

संजय धोत्रे हे भाजपच्या मातब्बर खासदारांपैकी एक आहेत. 2019 मध्ये त्यांनी खासदारकीच्या निवडणुकीत सलग चौथ्यांदा विजय मिळवला होता.