हिंगोली लोकसभा ( Hingoli Lok Sabha Constituency )

हिंगोली लोकसभा मतदार संघ कसा आहे

हिंगोली हा महाराष्ट्रातील जिल्हा तसेच लोकसभा मतदार संघ आहे. 1803 मध्ये टिपू सुलतान आणि मराठे आणि 1857 मध्ये नागपूरकर आणि भोसले यांच्यात हिंगोली येथे दोन मोठ्या लढाया झाल्या. त्यावेळी येथे लष्करी तळही असायचा. हिंगोलीतील पलटण रिसाला, तोफखाना, पेन्शनपुरा, सदर बाजार अशी काही भाग ऐतिहासिक आहेत.

हिंगोली लोकसभा मतदार संघाचा इतिहास 

1956 मध्ये, जेव्हा स्वातंत्र्यानंतर राज्याची पुनर्रचना करण्यात आली, तेव्हा मराठवाडा मुंबई राज्याला जोडण्यात आला आणि 1960 मध्ये, हिंगोली हा परभणी जिल्ह्याचा भाग म्हणून महाराष्ट्र राज्याचा भाग झाला. पुढे 1 मे 1999 रोजी परभणीचे विभाजन करून हिंगोली जिल्हा अस्तित्वात आला. हा मतदार संघ 1977 पूर्वी अस्तित्वात नव्हता.

1977 मध्ये जनता पक्षाचा उमेदवार विजयी झाला 

1977 मध्ये झालेल्या पहिल्याच निवडणुकीत जनता पक्षाचे चंद्रकांत रामकृष्ण पाटील येथून खासदार झाले. त्यानंतर 1980 ते 1989 पर्यंत ही जागा काँग्रेसच्या ताब्यात राहिली आणि उत्तम राठोड येथील खासदार होते. 1991-1996 या काळात शिवसेनेने या जागेचे प्रतिनिधित्व केले आणि विलासराव गुंडेवार आणि शिवाजी माने हे अनुक्रमे खासदार होते. 1998 मध्ये काँग्रेसच्या सूर्यकांत पाटील यांचा विजय झाला.

 कोणत्याही एका पक्षाचा प्रभाव नाही

1999 मध्ये हा मतदार संघ पुन्हा शिवसेनेच्या ताब्यात गेला आणि शिवाजी माने पुन्हा खासदार झाले. 2004 च्या लोकसभा निवडणुकीत  काँग्रेसमधून बाहेर पडलेले राष्ट्रवादीचे सूर्यकांत पाटील खासदार म्हणून निवडून आले. 2009 च्या निवडणुकीत शिवसेनेचे सुभाष वानखेडे  विजयी झाले. त्यानंतर 2014 मध्ये राष्ट्रवादी काँग्रेसचे राजीव सातव खासदार झाले.

2019 मध्ये शिवसेनेचे हेमंत पाटील खासदार झाले

2019 च्या लोकसभा निवडणुकीत शिवसेनेचे हेमंत पाटील खासदार म्हणून निवडून आले. या निवडणुकीत हेमंत पाटील यांना 5,86,312 तर काँग्रेसच्या सुभाष वानखेडे यांना 3,08,456 मते मिळाली. हेमंत पाटील सुमारे 2,77,856 मतांनी विजयी झाले.