मुंबई उत्तर-मध्य लोकसभा ( Mumbai North-Central Lok Sabha constituency)

कसा आहे मुंबई उत्तर-मध्य लोकसभा संघ

मुंबई उत्तर-मध्य लोकसभा महाराष्ट्रातील महत्त्वाचा मतदार संघ आहे. विलेपार्ले, चांदिवली, कुर्ला, कालिना, वांद्रे पूर्व आणि वांद्रे पश्चिम हे विधानसभा मतदार संघ या लोकसभा मतदारसंघात येतात. या सर्व विधानसभा जागा मुंबई उपनगर जिल्ह्यात मोडतात. प्रसिद्ध बिस्किट पार्ले जीचा पहिला कारखाना विलेपार्ले येथे सुरू झाला. मुंबई उत्तर-मध्य लोकसभा मतदारसंघात येणा-या वांद्रे आणि कुर्लाची स्वतःची वेगळी ओळख आहे. या भागात एकेकाळी दगडांच्या खाणी होत्या. वांद्रे येथे अनेक चर्च आहेत.

निवडणूक इतिहास 

मुंबई उत्तर-मध्य लोकसभेची जागा काँग्रेसने सात वेळा जिंकली आहे. 1952 मध्ये झालेल्या पहिल्या निवडणुकीत या जागेवरून काँग्रेसचे नारायण सदोबा काजरोळकर विजयी झाले होते. 1957 च्या निवडणुकीत ही जागा भारतीय कम्युनिस्ट पक्षाचे श्रीपाद अमृत डांगे आणि अनुसूचित जाती महासंघाचे गोपाळ काळूजी यांच्याकडे गेली. 1962 मध्ये काँग्रेसने पुन्हा ही जागा काबीज केली आणि नारायण सदोबा काजरोळकर खासदार झाले. 1977 मध्ये भारतीय कम्युनिस्ट पक्षाच्या नेत्या अहिल्या रांगणेकर खासदार म्हणून निवडून आल्या. 1980 मध्ये जनता पक्षाच्या प्रमिला दंडवते येथे विजयी झाल्या.

काँग्रेसमध्ये स्पर्धा 

इंदिरा गांधींच्या निधनानंतर काँग्रेसने पुन्हा एकदा मतदार संघ काबीज केला आणि शरद दिघे निवडणुकीत विजयी झाले. 1989 मध्ये शिवसेनेचे विद्याधर गोखले खासदार म्हणून निवडून आले. 1991 मध्ये काँग्रेसचे शरद दिघे पुन्हा एकदा खासदार म्हणून निवडून आले.1996 मध्ये शिवसेनेचे नारायण आठवले, 1998 मध्ये रिपब्लिकन पार्टी ऑफ इंडियाचे रामदास आठवले निवडून आले. मनोहर जोशी 1999 मध्ये शिवसेनेकडून निवडून आले होते. 2004 आणि 2009 मध्ये ही जागा जिंकण्यात काँग्रेसला यश आले होते. एकनाथ गायकवाड 2004 मध्ये तर प्रिया दत्त 2009 मध्ये खासदार होत्या. 2014 आणि 2019 मध्ये भाजप नेत्या पूनम महाजन येथून खासदार आहेत.

2014 पासून भाजपाचा कब्जा

2014 मध्ये मोदी यांच्या लाटेत भारतीय जनता पक्षाच्या पूनम महाजन निवडून आल्या. त्यांना 478,535 मते मिळाली. त्यांच्यासमोर काँग्रेसच्या प्रिया दत्त होत्या. प्रिया दत्त यांना  2,91,764 मते मिळाली. त्या निवडणुकीत 1,86,771 मतांनी पराभूत झाल्या. 2019 च्या निवडणुकीत या दोन उमेदवारांमध्ये लढत होती. या निवडणुकीत भाजपच्या पूनम महाजन यांनी काँग्रेसच्या प्रिया दत्त यांचा 1,30,005 मतांनी पराभव केला. पूनम महाजन यांना 4,86,672 तर प्रिया दत्त यांना 3,56,667 मते मिळाली.