रायगड लोकसभा ( Raigad Lok Sabha constituency )

रायगड स्वराज्याची पहिली राजधानी 

रायगड लोकसभा हा महाराष्ट्रातील एक महत्त्वाचा लोकसभा मतदारसंघ आहे. रायगड हा जिल्हा देखील आहे. हा मतदार संघ 2008 साली अस्तित्वात आला. येथे 2009 मध्ये पहिली सार्वत्रिक निवडणूक झाली होती. रायगड ही छत्रपती शिवाजी महाराजांची राजधानी होती. येथेच रायगड किल्ल्यावर छत्रपती शिवरायांचा राज्याभिषेक झाला होता. छत्रपति शिवाजी महाराजांनी साल 1674 रायगडला आपली राजधानी घोषीत केले होते. मराठा साम्राज्याची ही पहीली राजधानी झाली. रायगड लोकसभा क्षेत्रातील अलिबागला सुंदर समुद्र किनारा आहे.  पेण परिसरातील शाडूच्या गणपती मूर्ती जगभरात प्रसिद्ध आहेत. 

2009 मध्ये पहिली लोकसभा निवडणूक झाली

रायगड लोकसभा मतदारसंघ 2008 मध्ये कुलाबा लोकसभा मतदारसंघातून वेगळा झाला. या मतदार संघात 2009 मध्ये पहिल्यांदाच निवडणूक झाली. 15 लाख 32 हजारांहून अधिक मतदार असलेली ही जागा शिवसेनेने दोनदा काबीज केली आहे. शिवसेनेने येथे पहिली आणि दुसरी निवडणूक जिंकली होती. रायगड लोकसभा मतदारसंघातून सध्या राष्ट्रवादीचे सुनील तटकरे खासदार आहेत. सलग दोनवेळा या मतदारसंघातून खासदार राहिलेले अनंत गीते यांचा त्यांनी पराभव केला होता.

पहिली निवडणूक शिवसेनेने जिंकली

रायगड लोकसभा जागेवर 2009 मध्ये झालेल्या पहिल्या निवडणुकीत शिवसेना आणि काँग्रेस यांच्यात मुख्य लढत झाली होती. या जागेवरून काँग्रेसने ए. आर. अंतुले तर शिवसेनेने अनंत गीते यांना उमेदवारी दिली होती. या निवडणुकीत अनंत गीते यांना 4,13,546 मते मिळाली. त्यांनी ही निवडणूक 1,46,521 मतांनी जिंकली. तर काँग्रेसचे ए.आर. अंतुले यांना 2,67,025 मते मिळाली. 2014 च्या निवडणुकीतही शिवसेनेने अनंत गीते यांना तिकीट देऊन पुन्हा विजयाची पुनरावृत्ती केली.

राष्ट्रवादीने तगडी स्पर्धा दिली

साल 2014 मध्ये राष्ट्रवादीचे सुनील तटकरे यांनी शिवसेनेच्या अनंत गीते यांनी जोरदार टक्कर दिली. अनंत गीते यांचा केवळ 2110 मतांनी विजय झाला. त्यांना 3,96,178 मते मिळाली. तर सुनील तटकरे यांना 3,94,068 तर शेकापचे उमेदवार भाई रमेश कदम यांना 1,29,730 मते मिळाली. 20,362 मतदारांनी NOTA बटण दाबले. 2019 च्या निवडणुकीत राष्ट्रवादीचे सुनील तटकरे यांनी मागील निवडणुकीचा बदला घेत शिवसेनेच्या अनंत गीते यांचा 31,438 मतांनी पराभव केला. त्यांना 486,968 तर अनंत गीते यांना 4,55,530 मते मिळाली.