नागपूर, चंद्रपूर, अमरावती, अकोला, विदर्भ लोकसभा निवडणूक निकाल 2024 Final Results

यवतमाळ-वाशिम मतदारसंघाच्या 23 व्या मतमोजणीच्या फेरीत ठाकरे गटाचे संजय देशमुख यांनी 76 हजार 411 मतांची आघाडी घेतली आहे. संजय देशमुख यांना 5 लाख 7 हजार 420 तर राजश्री पाटील यांना 4 लाख 31 हजार 009 मते मिळाली आहेत.

अमरावती लोकसभा मतदार संघातून बळवंत वानखडे विजयी झाले आहेत. त्यांच्या विजयाची अधिकृत घोषणा बाकी आहे. अमरावती लोकसभा मतदारसंघाची मतमोजणी जवळपास पूर्ण झाली आहे. निकाल घोषित केल्यानंतर नवनीत राणा यांचे कार्यकर्ते पुन्हा मतदान मोजणीची मागणी करण्याची शक्यता आहे अशी माहिती सूत्रांनी दिली आहे.

भंडारा गोंदिया लोकसभा मतदारसंघामध्ये मतमोजणी सुरू आहे. भाजपचे सुनील मेंढे यांना 324134 मते तर काँग्रेसचे प्रशांत पडोळे यांना 334311 मते मिळाली आहेत. प्रशांत पडोळे हे 10177 मतांनी पुढे आहेत.

काँग्रेस उमेदवार बळवंत वानखडे यांचा अखेर विजय झाला आहे.  अमरावतीच्या खासदार नवनीत राणा यांचा त्यांनी पराभव केला आहे.

गडचिरोली – चिमूर लोकसभा मतदार संघात काँग्रेसचे डॉ. नामदेव कीरसान हे 57626 मतांनी आघाडीवर आहेत. डॉ. नामदेव कीरसान यांना  2,97,882 मते मिळाली आहेत. तर, भाजपाचे अशोक नेते यांना 2,40,256 मते पडली आहेत.

भंडारा – गोंदियामध्ये चुरशीची लढत होताना दिसत आहे. कॉंग्रेसचे प्रशांत पडोळे हे अवघ्या 717 मतांनी पुढे आहेत. भाजपचे सुनील मेंढे यांना 2,21,399 मते मिळाली आहेत. तर, प्रशांत पडोळे यांना 2,22,116 मते मिळाली.

गडचिरोली – चिमूर लोकसभा मतदार संघातील 10 व्या फेरीतील मतमोजणीमध्ये कॉंग्रेसचे डॉ. नामदेव कीरसान हे 46008 मते घेऊन आघाडीवर आहेत. डॉ. नामदेव कीरसान यांना 2,60,504 तर भाजपचे अशोक नेते यांना 2,14,496 मते मिळाली आहेत.

यवतमाळ वाशिम मतदार संघाच्या 14 व्या फेरीच्या मतमोजणीत संजय देशमुख यांनी 46 हजार 945 मतांची आघाडी घेतली आहे. संजय देशमुख यांना 3 लाख 6 हजार 812 मते मिळाली आहेत. तर, राजश्री पाटील यांनी 2 लाख 59 हजार 867 मते घेतली आहेत.

वर्धा लोकसभा मतदारसंघात सातव्या फेरी अखेर अमर काळे यांनी 16586 मतांची आघाडी घेतली आहे. अमर काळे यांना 1,54,393 मते तर रामदास तडस यांना 1,37, 807 मते मिळाली आहेत.

रामटेक लोकसभा मतदार संघात मतमोजणीच्या चौथी फेरीअंती अनपेक्षित अशी कलाटणी मिळाली आहे. शिंदे गटाचे उमेदवार राजू पारवे यांना 96 हजार 071 मते मिळाली आहेत. तर, कॉंग्रसचे श्यामकुमार बर्वे यांना 1 लाख 22 हजार 515 मते मिळाली आहेत. श्यामकुमार बर्वे यांनी 26 हजार 444 मतांची आघाडी घेतली आहे.

यवतमाळ – वाशिम मतदार संघात ठाकरे गटाचे संजय देशमुख यांना 7 व्या फेरीअखेर 1 लाख 56 हजार 253 मते मिळाली आहेत. तर. शिंदे गटाच्या राजश्री पाटील यांना 1 लाख 24 हजार 040 मते मिळाली आहेत. संजय देशमुख यांनी 32 हजार 213 मतांची आघाडी घेतली आहे.

गडचिरोली – चिमूर लोकसभा मतदारसंघात काँग्रेसचे डॉ. नामदेव कीरसान यांना 61162 मते मिळाली आहेत. तर, भाजपाचे अशोक नेते यांना 52 हजार 309 मते मिळाली आहेत. डॉ. नामदेव कीरसान हे 8853 मतांनी आघाडीवर आहेत.

यवतमाळ लोकसभा मतदार संघातून महाविकास आघाडीचे संजय देशमुख यांनी 5 व्या फेरीअखेर 1 लाख 13 हजार 69 मते मिळाली आहेत. महायुतीच्या राजश्रीताई पाटील यांनी 84 हजार 287 मते घेतली आहेत. संजय देशमुख हे 28 हजार 782 मतांनी आघाडीवर आहेत.

भंडारा – गोंदिया लोकसभा मतदारसंघातून पहिल्या फेरीत महायुतीचे सुनील मेंढे हे 9069 मते मिळवून आघाडीवर आहेत. महाविकास आघाडीचे डॉ. प्रशांत पडोळे यांना 7096 मते मिळाली आहेत.

अमरावती लोकसभा मतदारसंघातील काँग्रेस उमेदवार बळवंत वानखडे हे मेळघाटमध्ये 3500 मतांनी पुढे आहेत.

यवतमाळ वाशिम मतदार संघातील पहिल्या फेरीत कारंजा, राळेगाव, यवतमाल, या दिग्रस, पुसद, वाशिम विधानसभेत 6188 मताने संजय देशमुख आघाडीवर आहेत. महाविकास आघाडीचे संजय देशमुख यांना 21157 तर महायुतीच्या राजश्री पाटील यांना 14969 मते मिळाली आहेत.

नागपूर लोकसभा मतदारसंघामधून निवडणूक लढविणारे केंद्रीय मंत्री नितीन गडकरी यांनी काँग्रेस उमेदवार विकास ठाकरे यांच्याविरोधात 10 हजार मतांची आघाडी घेतली आहे.

दोन महिन्यापासून चर्चेत राहिलेली अमरावती लोकसभा निवडणूकीत विद्यमान खासदार नवनीत राणा, काँग्रेस आमदार बळवंत वानखेडे आणि प्रहार संघटनेचे दिनेश बुब यांच्यात लढत होत आहे. आमदार बच्चू कडू आणि राणा दाम्पत्य यांच्यातील वादामुळे हा मतदारसंघ विशेष चर्चेत राहिला आहे.

CHANDRAPUR Lok Sabha Election Result 2024 : चंद्रपूर लोकसभा मतदार संघातून काँग्रेसच्या उमेदवार प्रतिभा धानोरकर यांनी आघाडी घेतली आहे. भाजपचे सुधीर मुनगंटीवार हे पिछाडीवर आहेत.

अकोलामध्ये वंचित बहुजन आघाडीचे प्रकाश आंबेडकर पिछाडीवर आहेत. तर, भाजपचे अनुप धोत्रे सध्या आघाडीवर आहेत.

रामटेक लोकसभा मतदारसंघातून शिवसेना शिंदे गटाचे उमेदवार राजू पारवे हे आघाडीवर आहेत.

Amravati Lok Sabha Election Result 2024 : दोन महिन्यापासून चर्चेत राहिलेली अमरावती लोकसभा निवडणूकीत विद्यमान खासदार नवनीत राणा, काँग्रेस आमदार बळवंत वानखेडे आणि प्रहार संघटनेचे दिनेश बुब यांच्यात लढत होत आहे. आमदार बच्चू कडू आणि राणा दाम्पत्य यांच्यातील वादामुळे हा मतदारसंघ विशेष चर्चेत राहिला आहे.

NAGPUR Lok Sabha Election Result 2024 : नागपूर लोकसभा मतदारसंघामध्ये भाजपचे हेविवेट नेते केंद्रीय मंत्री नितीन गडकरी आणि काँग्रेस उमदेवार आमदार विकास ठाकरे यांच्यात प्रमुख लढत होत आहे. विकास ठाकरे हे पश्चिम नागपुर विधानसभा मतदारसंघाचे आमदार आहेत.