अंधेरीतल्या हॉटेल रुममध्ये मॉडेलने उचललं टोकाचं पाऊल; चिठ्ठीत लिहिलं धक्कादायक कारण
मॉडेल, इंजीनिअर, MBA, उत्तम डान्सर, फिटनेस फ्रीक.. तरीही घेतला टोकाचा निर्णय
मुंबई- मायानगरी मुंबईत अनेकजण मोठी स्वप्नं घेऊन येतात. काहींची स्वप्नं इथे पूर्ण होतात तर काहींच्या पदरी निराशा येते. ग्लॅमरच्या विश्वातून एक धक्कादायक बातमी समोर येत आहे. मुंबईतील अंधेरी (Andheri) इथं राहणाऱ्या आकांक्षा मोहन या 30 वर्षीय मॉडेलने (Model) आत्महत्या केली. चार बंगला परिसरातील एका हॉटेलमध्ये पंख्याला लटकून तिने आत्महत्या केली. याप्रकणी वर्सोवा पोलीस पुढील तपास करत आहेत. आत्महत्येपूर्वी या मॉडेलने एक चिठ्ठी लिहिली होती. त्या चिठ्ठीत तिने टोकाचं पाऊल उचलण्यामागचं कारण स्पष्ट केलं होतं.
पोलिसांनी दिलेल्या माहितीनुसार, या मॉडेलने बुधवारी दुपारी 1 वाजताच्या सुमारास हॉटेलमध्ये चेक-इन केलं. रात्री तिने जेवणाची ऑर्डरसुद्धा दिली होती. दुसऱ्या दिवशी गुरुवारी जेव्हा वेटरने रुमची बेल वाजवली तेव्हा तिने दार उघडलं नाही. बराच वेळ होऊनसुद्धा दार न उघडल्याने वेटरने हॉटेलच्या मॅनेजरला कल्पना दिली. मॅनेजरने पोलिसांना याबद्दलची माहिती दिली.
Maharashtra | A 30-year-old model died by suicide, her body was found hanging from a fan in a hotel room in Andheri area of Mumbai, Versova police registered a case under ADR and started further investigation. Police also recovered a suicide on the spot: Mumbai Police
— ANI (@ANI) September 29, 2022
हॉटेलमध्ये पोलीस पोहोचल्यानंतर मास्टर चावीने रुमचा दरवाजा उघडण्यात आला. त्यावेळी मॉडेल पंख्याला लटकलेल्या अवस्थेत दिसली. हॉटेलच्या रुममध्ये त्यांना तिने लिहिलेली सुसाईट नोट मिळाली.
‘मला माफ करा. माझ्या आत्महत्येसाठी कोणीच जबाबदार नाही. मी खूश नाही, मला फक्त शांती हवी आहे’, असं त्या चिठ्ठीत लिहिलं होतं. संबंधित मॉडेलचा मृतदेह शवविच्छेनासाठी पाठवण्यात आला आहे. मॉडेलने नैराश्यामुळे हे टोकाचं पाऊल उचललं की त्यामागे आणखी कुठलं कारण होतं, याचा तपास पोलीस करत आहेत.
