अमिताभ बच्चन यांचं सर्वात मोठं ब्लॉकबस्टर गाणं, 45 नाही… तब्बल 140 वर्ष जुनं, ऐकताच दिवसभर गुनगुनतात लोक

Amitabh Bachchan Big Hit Song: 70-80 च्या दशकात बॉलिवूडमध्ये अमिताभ बच्चन यांच्या गाण्यांची जबरदस्त क्रेझ होती. त्या काळात त्यांच्या चित्रपटांचे गाणे प्रदर्शित झाले की ते सर्वत्र ऐकू येत असत. रेडिओ किंवा कॅसेट प्लेयरवर. विशेष म्हणजे, काही गाण्यांमध्ये अमिताभ बच्चन यांनी स्वतः आवाज दिला होता, ज्यामुळे त्या गाण्यांची लोकप्रियता आणखी वाढली होती.

‘खैके पान बनारस वाला’ आणि ‘कभी कभी’ यांसारखी अनेक गाणी आजही प्रेक्षकांच्या मनात ताजी आहेत. त्यांच्या गाण्यांमध्ये लोकसंगीताचा प्रभाव आणि हलका विनोद यांचा सुंदर मिलाफ पाहायला मिळतो. अशाच एका गाण्याने अनेक वर्षांपूर्वी प्रेक्षकांच्या मनावर अमिट छाप सोडली जी आजही कायम आहे.

हे गाणे म्हणजे मेरे अंगने में तुम्हारा क्या काम है. सुमारे 45 वर्षांपूर्वी, म्हणजे 1981 मध्ये प्रदर्शित झालेल्या लावारिस या चित्रपटातील हे गाणे आजही तितकेच लोकप्रिय आहे. या गाण्याची खास बाब म्हणजे ते स्वतः अमिताभ बच्चन यांनी गायले होते.

अमिताभ यांचा साडी घालून डान्स

या गाण्याची मुळे जुन्या लोकगीतांमध्ये असल्याचे मानले जाते. चित्रपटात हे गाणे विनोदी आणि उपरोधिक शैलीत सादर करण्यात आले होते. विशेष म्हणजे, या गाण्यात अमिताभ बच्चन यांनी महिला वेश परिधान करून केलेली परफॉर्मन्स प्रेक्षकांसाठी आश्चर्याचा धक्का ठरला होता आणि तोच या गाण्याची खास ओळख बनला.

चित्रपट प्रदर्शित झाल्यानंतर हे गाणे प्रचंड गाजले. रेडिओवर सतत वाजणारे हे गाणे कॅसेट दुकानांमध्येही मोठ्या प्रमाणात विकले जात होते. लग्नसमारंभ आणि विविध कार्यक्रमांमध्ये हे गाणे अनिवार्य झाले होते. आजही सोशल मीडिया आणि स्टेज शोमध्ये हे गाणे वारंवार ऐकायला मिळते.

4 कोटी बजेट अन् कमाई 25 कोटी

सोशल मीडियावर या गाण्याबद्दल एक दावा केला जातो की ते सुमारे 140 वर्षे जुने आहे आणि 1883 मध्येच त्याची रेकॉर्डिंग झाली होती. मात्र, हा दावा ऐतिहासिकदृष्ट्या चुकीचा ठरतो. कारण ग्रामोफोनचे पेटंट 1887 मध्ये झाले आणि भारतात पहिली ध्वनिमुद्रण 1902 च्या सुमारास झाले. मात्र, या गाण्याची प्रेरणा जुन्या लोकसंगीतातून घेतलेली असल्याचे मानले जाते.

‘लावारिस’ या चित्रपटाचे दिग्दर्शन प्रकाश मेहरा यांनी केले होते. त्या काळात या चित्रपटाचे बजेट सुमारे 4 ते 5 कोटी रुपये होते तर त्याची कमाई 20 ते 25 कोटी रुपयांपर्यंत पोहोचली होती.