ये रिश्ता क्या कहलाता हैं! आमिर खान होणारी पत्नी गौरी आणि दोन Ex-Wifeसोबत एकाच कारमध्ये, Video Viral
सध्या सोशल मीडियावर एक व्हिडीओ व्हायरल झाला आहे. या व्हिडीओमध्ये बॉलिवूड अभिनेता आमिर खान होणारी पत्नी गौरी आणि दोन्ही एक्स व्हाईफसोबत एकाच कारमधून प्रवास करताना दिसत आहे.
बॉलिवूड अभिनेता आमिर खान हा सतत चर्चेत असतो. पण गेल्या काही दिवसांपासून तो कोणत्याही नव्या चित्रपटामुळे नव्हे, तर त्याच्या तिसऱ्या लग्नाच्या चर्चेमुळे तुफान चर्चेत आहे. रीना दत्ता आणि किरण राव यांना घटस्फोट दिल्यानंतर आमिर पुन्हा एकदा नवा संसार थाटण्यासाठी सज्ज झाला आहे. गेल्या वर्षी त्याच्या ६०व्या वाढदिवशी त्याने गर्लफ्रेंड गौरी स्प्रॅटची सर्वांना ओळख करून दिली होती. आता तो गौरीशी लग्न करणार असल्याचे समोर आले आहे. दरम्यान, सोशल मीडियावर आमिर खानचा एक व्हिडीओ व्हायरल होत आहे. या व्हिडीओमध्ये आमिर खान एकाच गाडीत एक्स पत्नी आणि होणाऱ्या पत्नीसोबत दिसत आहे.
एकाच कारमध्ये आमिर, किरण आणि गौरी
नुकतेच आमिर खानच्या ‘लगान’ चित्रपटाला २५ वर्षे पूर्ण झाल्याच्या ग्रँड सेलिब्रेशनमध्ये ही अनोखी घटना घडली. कार्यक्रमानंतरचा एक व्हिडीओ सोशल मीडियावर मोठ्या प्रमाणात व्हायरल होत आहे. या व्हिडीओमध्ये आमिर खान ड्रायव्हरच्या शेजारच्या सीटवर बसलेला दिसत आहे, तर मागच्या सीटवर त्याची पूर्व पत्नी रीना दत्ता, किरण राव आणि होणारी पत्नी गौरी स्प्रॅट एकत्र बसून हसत-गप्पा मारताना दिसत आहेत. त्यांच्यासोबत किरण आणि आमिरचा मुलगा आझादही उपस्थित होता. हा व्हिडीओ पाहून नेटकऱ्यांना आश्चर्याचा धक्का बसला आहे.
View this post on Instagram
कोण आहे गौरी स्प्रॅट?
गौरी स्प्रॅट मूळची बंगळुरूची आहे. तिची आई रीटा स्प्रॅट यांचा तिथे मोठा सलून व्यवसाय आहे. गौरीच्या लिंक्डइन प्रोफाइलनुसार, तिने ‘ब्लू माउंटन स्कूल’मधून शिक्षण घेतले आहे आणि २००४ मध्ये ‘युनिव्हर्सिटी ऑफ द आर्ट्स लंडन’मधून फॅशन स्टायलिंग आणि फोटोग्राफीचा कोर्स पूर्ण केला आहे. सध्या ती मुंबईत ‘बी ब्लंट’ नावाचे नामांकित सलून चालवते. रिपोर्ट्सनुसार, गौरीला ७ वर्षांचा एक मुलगाही आहे. गेल्या काही महिन्यांत आमिर आणि गौरी चीनमधील ‘मकाऊ इंटरनॅशनल कॉमेडी फेस्टिव्हल’सह अनेक मोठ्या कार्यक्रमांमध्ये एकत्र दिसले होते.
आमिरची वैवाहिक जीवनाची कहाणी
आमिर खानचे वैयक्तिक आयुष्य नेहमीच चर्चेचा विषय राहिले आहे. १९८६ मध्ये त्याने रीना दत्तासोबत पळून लग्न केले होते. त्यांना जुनैद आणि इरा ही दोन मुले आहेत. १६ वर्षांच्या वैवाहिक जीवनानंतर २००२ मध्ये त्यांचा घटस्फोट झाला. त्यानंतर २००५ मध्ये किरण रावशी दुसरे लग्न केले. मात्र २०२१ मध्ये दोघांनी वेगळे होण्याचा निर्णय घेतला. दोन्ही घटस्फोटानंतरही आमिरने आपल्या एक्स पत्नींशी असलेले नाते आणि आदर कायम ठेवला आहे. मुलांच्या संगोपनापासून ते कौटुंबिक कार्यक्रमांपर्यंत ते सर्वजण नेहमी एकत्र दिसतात. आता गौरी स्प्रॅटच्या येण्याने या अनोख्या कुटुंबात एक नवा अध्याय सुरू होणार आहे.
