Abhishek Bachchan | 12 किलो वजन वाढवलं, बंगालीही शिकला, ‘बॉब बिस्वास’साठी अभिषेकची खास तयारी

मुंबई : कोरोना काळात फक्त सामान्य नागरिक नाही तर बॉलिवूड कलाकारांच्या जीवनातही (Abhishek Bachchan Gained 12 Kg Weight) अनेक चढ-उतार झाले. अनेकांना त्यांचं भविष्य अंधारमय दिसू लागलं. पण, यासर्वांमध्ये अभिनेता अभिषेक बच्चनचं नशिब चमकलं. लॉकडाऊनदरम्यान अभिषेक बच्चनने अनेक सिनेमे आणि वेब सिरीजमध्ये दिसला. त्यामुळे तो सतत चर्चेत राहिला (Abhishek Bachchan Gained 12 Kg Weight).

अभिषेकने लॉकडाऊनदरम्यान अनेक सिनेमे साईन केले आणि त्याच्या अनेक वेब सिरीजही प्रदर्शित झाल्या. अशात त्याचा आणखी एक सिनेमा चर्चेत आहे. सध्या अभिषेक ‘बॉब बिस्वास’ (Bob Biswas Movie) या सिनेमाचं शूटिंग करत आहे.

माहितीनुसार, या सिनेमासाठी अभिषेक बच्चनने खूप मेहनत केली आहे. त्यांनी जवळपास 12 किलो वजन वाढवलं आहे आणि तेही नैसर्गिक पद्धतीने. अभिषेकने या सिनेमासाठी कुठल्याही पद्धतीच्या मेकअप करण्यास नकार दिला होता.

तर, सिनेमाता अभिषेकची भूमिका बंगाली असल्याने त्याला बंगाली भाषा येणं महत्त्वाचं आहे. त्यामुळे अभिषेकने दिग्दर्शक सुजॉय घोषकडून खास ट्रेनिंग घेतली. सुजॉयने सेटवरच अभिषेकला बंगाली शिकवली.

बॉब बिस्वास हा सिनेमा अभिनेत्री विद्या बालनच्या ‘कहाणी’ या सिनेमाचा स्पिन ऑफ आहे. या सिनेमाचं बजेट जवळपास 80 कोटी असल्याची माहिती आहे (Abhishek Bachchan Gained 12 Kg Weight).

बॉब बिस्वासमध्ये अभिषेकसोबत अभिनेत्री चित्रांगदा सिंहला कास्ट करण्यात आलं आहे. सोशल मीडियावर अबिषेकचे बॉब बिस्वासच्या सेटवरील अनेक फोटो व्हायरल झाले आहेत. बॉब बिस्वासशिवाय अभिषेक बच्चन ‘बिग बुल’ या सिनेमातही दिसणार आहे.

PHOTO | मालिका विश्वातून आशा नेगीची मोठ्या पडद्यावर भरारी, अभिषेक बच्चनसह चित्रपटात झळकणार!https://t.co/RUGTECalea@AshaNegi7 #LudoOnNetflix

— TV9 Marathi (@TV9Marathi) October 28, 2020

Abhishek Bachchan Gained 12 Kg Weight

संबंधित बातम्या :

PHOTO | डोक्यावर कमी केस, डोळ्यावर गोल भिंगाचा चष्मा, ‘बॉब बिस्वास’मध्ये अभिषेक बच्चनचा नवा लूक

Abhishek Bachchan | वचन हे वचन असते, कोरोनामुक्त झाल्यानंतर अभिषेक बच्चनचे ट्वीट