11 वर्षानंतर अभिनेता झळकणार झी मराठीवरच्या मालिकेत; म्हणाला, प्रोमो पाहून प्रेक्षकांना…
Actor Sunil Barve in Paru Serial : अभिनेता सुनील बर्वे 11 वर्षानंतर पुन्हा एकदा झी मराठीवर झळकणार आहे. 'पारू' मालिकेत तो दिसणार आहे. या मालिकेचा नवा प्रोमो समोर आला आहे. 'पारू' मालिकेच्या टीम सोबत सातारा मध्ये काम करण्यास उत्सुक आहे, असं तो म्हणाला. वाचा सविस्तर...
झी मराठीवरील ‘पारू’ या मालिकेला प्रेक्षकांची पसंती मिळतेय. अल्पावधित प्रेक्षकांची पसंतीस उतरलेली मालिका ‘पारू’ या मालिकेमध्ये अहिल्यादेवींच्या भावाची म्हणजेच सयाजीरावची एन्ट्री झाली आहे. मराठीतील लाडका अभिनेता सुनील बर्वे झी मराठीवर 11 वर्षांनंतर पुन्हा एकदा पदार्पण करत आहे . या निमित्ताने सुनील याने झी मराठीसोबत काम करण्याचा अनुभव शेअर केला. तसंच नव्या मालिकेतील कामाबाबतची उत्सुकताही त्याने बोलून दाखवला आहे. 11 वर्षानंतर पुन्हा झी मराठीसोबत काम करण्याचा अनुभव सुनील बर्वे याने शेअर केला. सयाजीरावचा प्रोमो पाहून प्रेक्षकांना नरसिंहरावची आठवण आली, असं सुनील बर्वे म्हणाला.
सयाजीरावच्या भूमिकेसाठी मला खूप छान प्रतिसाद मिळत आहे. जेव्हा ‘पारू’ मालिकेतील सयाजीरावचा प्रोमो आला. तेव्हा खूपजण म्हणत होते की नरसिंहराव परत आला! . प्रेक्षकांना अजूनही माझी 11 वर्षापूर्वीची ‘कुंकू’ मालिका लक्षात आहे . मला खूप आनंद झाला की लोकांच्या हृदयात ती मालिका आणि माझी भूमिका अजून ही ताजी आहे. मला जेव्हा ‘पारू’ मालिकेसाठी कॉल आला भूमिकेबद्दल सांगितले तेव्हा काही तरी नवीन करायला मिळणार आहे, याचा आनंद झाला, असं त्याने सांगितलं.
सुनील बर्वेने सांगितला मालिकेतील अनुभव
प्रेक्षकांना मला स्क्रीनवर पाहिल्यावर नरसिंहची आठवण आली असेल पण सयाजीराव, खूप वेगळा आहे. सयाजीराव जरी गावचा कर्ताधर्ता असला तरी, एक माणूस म्हणून नरम स्वभावाचा आहे आणि तोच वेगळेपणा मला या भूमिकेसाठी ऊर्जा देत आहे. ‘पारू’ च्या कलाकार टीम मध्ये बहुतेक नवीन पिढी आहे त्यांच्या सोबत आणि त्यांच्या पद्धतींनी काम करण्याची मला उत्सुकता आहे. टीव्ही माध्यमात बराच बदल झाला आहे. ती काम करण्याची पद्धत मला आत्मसात करून घ्याची आहे. खूप उत्सुक आहे मी त्यांच्यासोबत काम करायला. मुळात सातारा शहर खूप सुंदर आहे. मी नवीन गोष्टींसाठी नेहमीच उत्सुक असतो, बदल अपरिहार्य आहे असे मी मानतो आणि बदलाशी जुळवून घेणे आवश्यक आहे. बदल कोणताही असला तरी तो सकारात्मकपणे घेतला पाहिजे, असं सुनील म्हणाला.
View this post on Instagram
“पुन्हा एकदा झी मराठीसोबत काम”
झी मराठीवर काम करण्याची उत्सुकता नेहमीच होती. कारण झी मराठी मालिका विश्वात अग्रेसर आहे. मी झी मराठी बरोबर एकदिलाने 2012 पर्यंत काम केलंय. त्यामुळे एक आत्मीयता आहे, जशी दूरदर्शन केंद्रबद्दल आहे. जेव्हा पासून प्रायव्हेट चॅनेलची सुरुवात झाली. तेव्हा पासून झी मराठीने अनेक कलाकारांच्या करियरला आकार देण्यास मदत केली आहे. तेव्हा पुन्हा झी मराठी सोबत काम करण्याची उत्सुकता वेगळीच आहे, असं सुनील बर्वे म्हणाला.
