भोजपुरी गाण्यामुळे अक्षय कुमार नशीब बदलणार! अक्षरा सिंहच्या ठुमक्यामुळे गाणं प्रचंड हिट

Akshay Kumar : अक्षय कुमार आणि अक्षरा सिंह यांचं भोजपुरी गाणं ‘रगड़के नहला देब साबुन से’ सध्या सोशल मीडियावर प्रचंड चर्चेत आहे. हे गाणं प्रदर्शित झाल्यानंतर अवघ्या दोन दिवसांत कोट्यवधी व्ह्यूज मिळाल्याचा दावा केला जात आहे. यामध्ये अक्षय कुमारचा हटके देसी अंदाज आणि भोजपुरी स्टाईल प्रेक्षकांना विशेष आवडत असून, इंटरनेटवर या गाण्याच्या रील्स आणि मीम्सची जोरदार क्रेझ पाहायला मिळत आहे.

बॉलिवूडमध्ये अॅक्शन आणि कॉमेडीसाठी प्रसिद्ध असलेला अक्षय कुमार यावेळी पूर्णपणे भोजपुरी रंगात रंगलेला दिसत आहे. गाण्यातील त्याची भाषा, एक्सप्रेशन्स, डान्स स्टेप्स आणि देसी अॅटिट्यूड चाहत्यांचं लक्ष वेधून घेत आहे. विशेष म्हणजे, अक्षयने भोजपुरी टोनमध्ये सादर केलेल्या ओळी सोशल मीडियावर मोठ्या प्रमाणात व्हायरल होत आहेत.

दुसरीकडे, भोजपुरी इंडस्ट्रीतील लोकप्रिय अभिनेत्री आणि गायिका अक्षरा सिंहनेही आपल्या ग्लॅमरस आणि दमदार उपस्थितीने गाण्याला वेगळी उंची दिली आहे. अक्षय आणि अक्षरा यांची ऑनस्क्रीन केमिस्ट्री प्रेक्षकांना खूप आवडत असून याच कारणामुळे हे गाणं अधिक चर्चेत आलं आहे.

भोजपुरी इंडस्ट्रीची वाढती ताकद

गेल्या काही वर्षांत भोजपुरी इंडस्ट्रीचा विस्तार झपाट्याने वाढला आहे. पूर्वी भोजपुरी गाणी मुख्यतः बिहार, उत्तर प्रदेश आणि झारखंडपुरती मर्यादित होती. मात्र आता यूट्यूब आणि सोशल मीडियामुळे भोजपुरी संगीत देशभरासह परदेशातही लोकप्रिय होत आहे. अनेक भोजपुरी गाण्यांना कोट्यवधी व्ह्यूज मिळत असून, भोजपुरी कलाकारांची लोकप्रियता अनेक हिंदी चित्रपट कलाकारांनाही टक्कर देताना दिसत आहे.

याच पार्श्वभूमीवर आता बॉलिवूड कलाकार भोजपुरी प्रेक्षकांशी कनेक्ट होण्याचा प्रयत्न करत आहेत. मास ऑडियन्समध्ये लोकप्रिय असलेल्या अक्षय कुमारनेही याच रणनीतीचा अवलंब केल्याचं बोललं जात आहे.

सोशल मीडियावर रील्स आणि मीम्सचा पूर

‘रगडके नहला देब साबुन से’ या गाण्याचं शीर्षकच इतकं वेगळं आणि देसी आहे की ते सहज लोकांच्या लक्षात राहत आहे. गाण्यातील डबल मीनिंग लिरिक्स, भोजपुरी बीट्स आणि मसालेदार सादरीकरणामुळे इंस्टाग्राम, फेसबुक आणि यूट्यूबवर हजारो रील्स तयार केल्या जात आहेत.

विशेषतः ग्रामीण आणि छोट्या शहरांतील प्रेक्षकांमध्ये या गाण्याची लोकप्रियता अधिक वाढताना दिसत आहे. त्यामुळे अक्षय कुमारचा हा भोजपुरी प्रयोग त्याच्या आगामी चित्रपटासाठी फायदेशीर ठरेल का, याकडे आता सर्वांचं लक्ष लागलं आहे.