ना जीम, ना लाखोंचं डाएट तरही इतकी सुंदर; 54 वर्षांच्या भाग्यश्रीचा सोफा वर्कआउट होतोय व्हायरल
बॉलिवूड अभिनेत्री भाग्यश्रीने 54 व्या वर्षीही आपला फिटनेस सुंदर पद्धतीने कायम राखला आहे. ती फिटनेस रहस्य आणि वर्कआउटचे व्हिडीओ नेहमीच शेअर करत असते पण तिचा सोफ्यावर बसून करता येणाऱ्या व्यायामाचा व्हिडीओ भलताच व्हायरल होत आहे. भाग्यश्रीचे सोफा वर्कआउट नवशिक्यांसाठी देखील उपयुक्त आहेत.
बॉलिवूड सेलिब्रिटी आपल्या फिटनेसबाबत किती तत्पर असतात हे आपल्या सर्वांनाच माहित आहे. व्यायाम, योगा, जीम एवढंच काय तर त्यांच्या डाएट प्लानसाठी त्यांचे खासगी डायटेशिअन असतात.त्यावर सेलिब्रिटी लाखोंने खर्च करत असतात. या स्टार्सपैकी कितीतरी जणांचे डाएट प्लान, जीमचे व्हिडीओ फोटो आपण सोशल मीडियावर पाहत असतो. पण अशी एक बॉलिवूड अभिनेत्री आहे जी नाही जिमला जात, ना तिचे कोणी खासगी डायटेशिअन आहेत. पण तरीही तिला पाहून हा प्रश्न पडतो की ही स्वत:चं फिटनेस कसं सांभाळत असेल.
स्वत:चं फिटनेस कसं सांभाळते भाग्यश्री?
ही अभिनेत्री आहे भाग्यश्री. भाग्यश्री सध्या 54 वर्षांची आहे. तरीही तिला पाहून तिचं वय मात्र नक्कीच दिसत नाही. अनेक चाहते सोशल मीडियावर तिचे फोटो पाहून तिच्या फिटनेस आणि अजूनही आहे तसंच सुंदर दिसण्याचं सहस्य काय आहे.
तर याचं उत्तर स्वत: भाग्यश्रीने दिलं आहे. सध्या भाग्यश्रीचा एक व्हिडीओ सोशल मीडियावर तुफान व्हायरल होत आहे. व्हायरल होणाऱ्या व्हिडीओत ती आजही वयाप्रमाणे फिटनेससाठी कोणतीही तडजोड करत नाही हे दिसून येत.
भाग्यश्रीचा सोफा वर्कआउट
इन्स्टाग्रामवर अॅक्टीव्ह असणाऱ्या भाग्यश्रीने तिच्या फिटनेसचे रहस्य शेअर केलं आहे. भाग्यश्री तसे अनेकदा इंस्टाग्रामवर तिच्या फिटनेसशी संबंधित व्हिडिओज शेअर करत असते. मात्र ज्यांनी जमिनीवर बसून योगा करणे किंव हालचाल करणे जमत नाही त्यांच्यासाठी कोणता वर्कआउट असू शकतो तर तिने एक व्हिडिओ शेअर सोफ्यावरच बसून करता येणार व्यायाम सांगितला आहे. जर तुम्हाला जास्त वेळ जिममध्ये घालवता येत नसेल, तरीही तुम्ही फक्त 15 ते 20 मिनिटे दररोज असा व्यायाम केला तरी तुम्ही फिट राहू शकता.
View this post on Instagram
व्हिडीओत दाखवल्याप्रमाणे असा करायचा वर्कआउट?
व्हिडीओमध्ये दिसत असल्याप्रमाणे सोफ्यावर बसा आणि पाय 90 डिग्रीच्या कोनात ठेवा. संपूर्ण शरीर कमरेपासून वळवा, हात पूर्ण पसरवा. शरीर तुमच्या इनर थाईला स्पर्श करायला हवा. या व्यायामामुळे पाठीचा कणा आणि पोटाचे स्नायू मजबूत होतात.
सोफ्यावर सरळ बसा, एक पाय दुसऱ्या पायावर ठेवा. पाठीचा खालचा भाग, रीढेची हाडे आणि मान सरळ ठेवून पुढे झुका. हा व्यायाम पाठीच्या दुखण्यावर खूप प्रभावी आहे.
एका पायाला जमिनीवर स्थिर ठेवा आणि दुसरा पाय त्यावर ठेवा. घोट्यावर उलट्या हाताने हलका दाब द्या आणि कमर मागे वळवा. या एक्सरसाइजमुळे कंबर आणि पाठीच्या स्नायूंना ताकद मिळते.
एका पायावर सोफ्यावर ठेवा आणि दुसरा पाय जमिनीवर ठेवा. हात खांद्याच्या समांतर रेषेत वर घ्या आणि अर्ध्या स्क्वाटच्या पोझिशनमध्ये बसा. लक्षात ठेवा की गुडघे पायाच्या अंगठ्याच्या पुढे जाऊ नयेत. 10 सेकंदापर्यंत ही पोझिशन होल्ड करून ठेवायची आहे. अशा काही सोफ्यावर बसल्या बसल्याही तुम्ही करू शकाल असा वर्कआउट आहे. ज्यामुळे तुम्ही व्यायम करायल सुरुवात करणार असाल तरी हा व्यायम तुम्हाला फार जड जाणार नाही.
तर अशापद्धतीने भाग्यश्रीने तिच्या फिटनेसमधील किंवा तिच्या वर्कआउटमधील एक महत्त्वाचा व्हिडीओ चाहत्यांसोबत शेअर केला आहे. अशा सोप्या व्यायामासह तुम्ही वर्कआउटची सुरुवातही करू शकाल. दरम्यान भाग्यश्री वर्कआउटसोबतच आरोग्यदायी पेय किंवा काही खाण्या-पिण्याच्या बाबत मार्गदर्शन करत असते. तिच्या याच फिटनेस फंड्यांमुळे ती आजही तितकीच सुंदर आणि फिट आहे.
