Amitabh Bachchan Corona | अमिताभ बच्चन आणि अभिषेकला कोरोना

Amitabh Bachchan Corona मुंबई : महानायक अमिताभ बच्चन आणि पुत्र अभिनेता अभिषेक बच्चन या दोघांना कोरोनाची लागण झाली (Amitabh Bachchan Corona Positive) आहे. बच्चन पिता-पुत्रांनी स्वत: ट्विट करत याबाबतची माहिती दिली.  सुदैवाने बच्चन कुटुंबातील इतर सदस्यांचा कोरोना रिपोर्ट निगेटिव्ह आला आहे. अमिताभ बच्चन आणि अभिषेक बच्चन यांच्यावर मुंबईतील नानावटी रुग्णालयात उपचार सुरु आहेत.

अमिताभ बच्चन आणि अभिषेक बच्चन यांना कोरोनाची सौम्य लक्षण आहेत. त्यांच्यावर नानावटी रुग्णालयात उपचार सुरु आहे. बच्चन पिता-पुत्रांचा रिपोर्ट पॉझिटिव्ह आल्यानंतर त्यांच्या कुटुंबातील इतर सदस्यांचीही कोरोना चाचणी करण्यात आली होती. सुदैवाने अमिताभ यांच्या पत्नी अभिनेत्री जया बच्चन आणि सून अभिनेत्री ऐश्वर्या राय यांचा कोरोना रिपोर्ट निगेटिव्ह आला आहे. तसेच कुटुंबातील इतर सदस्यांचा रिपोर्टही निगेटिव्ह आल्याची माहिती मिळत आहे.

अभिषेक बच्चन यांचे ट्विट

“माझ्या आणि माझ्या वडिलांचा कोरोना रिपोर्ट पॉझिटिव्ह आला आहे. आमच्या दोघांमध्येही कोरोनाची सौम्य लक्षण आहेत.सध्या रुग्णालयात आमच्यावर उपचार सुरु आहेत,” अशी माहिती ट्विट करत अभिषेक बच्चन यांनी दिली.

Earlier today both my father and I tested positive for COVID 19. Both of us having mild symptoms have been admitted to hospital. We have informed all the required authorities and our family and staff are all being tested. I request all to stay calm and not panic. Thank you. ??

— Abhishek Bachchan (@juniorbachchan) July 11, 2020

अमिताभ बच्चन यांचे ट्विट

“माझा कोरोना चाचणीचा रिपोर्ट पॉझिटिव्ह आला आहे. मला रुग्णालयात दाखल करण्यात आलं आहे. तसेच माझ्या कुटुंबाला आणि घरातील इतर स्टाफच्याही कोरोना चाचण्या झाल्या आहेत. त्यांच्या चाचणीचा रिपोर्ट अद्याप आलेला नाही,” असे ट्विट अमिताभ बच्चन यांनी केले आहे.

“तसेच गेल्या दहा दिवसात माझ्या संपर्कात जे व्यक्ती आले त्यांनी स्वत:ची कोरोना चाचणी करावी,” असेही बिग बींनी  ट्विटमध्ये म्हटले आहे.

T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited .. All that have been in close proximity to me in the last 10 days are requested to please get themselves tested !

— Amitabh Bachchan (@SrBachchan) July 11, 2020

TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!

अमिताभ बच्चन यांना कोरोनाची लागण झाल्याचे समजताच अनेक कलाकारांनी रिट्विट करत त्यांची प्रकृती लवकर बरी व्हावी अशी प्रार्थना केली आहे. सोनम कपूर, क्रिती खरबंदा, दाक्षिणात्य सुपरस्टार महेश बाबू यासारख्या अनेक कलाकारांनी ट्विटवर रिट्विट केलं आहे.

त्यांच्या ट्विटरवर आतापर्यंत जवळपास 56 हजार रिट्विट करण्यात आले आहे. तसेच अनेक चाहते अमिताभ यांच्या प्रकृतीत सुधारणा होण्यासाठी प्रार्थना करत आहेत.

याआधी त्यांना किडनीचा त्रास झाल्याने रुग्णालयात दाखल केल्याची माहिती मिळत होती. तसेच यापूर्वी अनेकदा ते रुटीन चेकअपसाठी रुग्णालयात जात असतात.

अमिताभ बच्चन लवकरच अभिनेता रणबीर कपूर आणि आलिया भट्ट यांच्या ब्रह्मास्त्र चित्रपटात दिसणार आहे. याशिवाय आयुष्मान खुरानाच्या गुलाबो-सिताबो चित्रपटात बिग बींनी काम केले आहे. गुलाबो सिताबो हा चित्रपट ओटीटी प्लॅटफॉर्मवर रिलीज झाला होता. तसेच सध्या अमिताभ बच्चन हे प्रसिद्ध टिव्ही शो ‘कौन बनेगा करोडपती’ च्या 12 व्या भागाची तयारी करत (Amitabh Bachchan Corona Positive) आहेत.

संबंधित बातम्या : 

Veteran Actor Jagdeep : ‘शोले’तला सुरमा भोपाली काळाच्या पडद्याआड, अभिनेते जगदीप यांचे निधन

Sushant Singh Rajput Case | आधी 30 जणांचे खुले जबाब, आता मात्र पोलिसांकडून छुपी चौकशी