Jaya Prada यांना प्रसिद्ध निर्मात्यांसोबत लग्न करून देखील नाही मिळाला पत्नीचा मान; कारण जाणून व्हाल थक्क

मुंबई : बॉलिवूडमध्ये अनेक अभिनेत्रींनी सिनेमांमध्ये मुख्य भूमिका बजावत स्वतःचं नाव भक्कम केलं. पण अनेक अभिनेत्रींपैकी ८० ते ९० च्या दशकातील काही अभिनेत्री अशा आहेत, ज्या आजही चाहत्यांमध्ये चर्चेत असतात. अशाच अभिनेत्रींपैकी एक म्हणजे जया प्रदा (Jaya Prada)… जया प्रदा आज सिनेविश्वात सक्रिय नसल्यातरी त्यांच्या चर्चा चाहत्यांमध्ये कायम रंगलेल्या असतात. जया प्रदा यांना रुपेरी पडद्यावर प्रेक्षक आणि चाहत्यांकडून भरभरुन प्रेम मिळालं, पण खासगी आयुष्यात मात्र लग्न होवून देखील अभिनेत्रीला कधीही पत्नीचा मान मिळाला नाही. शिवाय संपत्ती, प्रसिद्धी असूनही त्यांना कधीही मातृत्वाचं सुख अनुभवता आलं नाही. आज जया प्रदा यांच्या आयुष्याबद्दल आपण जाणून घेवू…

बॉलिवूड इंडस्ट्रीमध्ये ८० च्या दशकात जया प्रदा टॉप अभिनेत्रींपैकी एक होत्या. प्रत्येत दिग्दर्शक, निर्माते आणि अभिनेते जया प्रदा यांच्यासोबत काम करण्यासाठी उत्सुक असायचे. १९८५ साली जेव्हा जया प्रदा यांचं करियर यशाच्या उच्च शिखरावर असताना अभिनेत्री इनकम टॅक्सच्या रडारवर आल्या. तेव्हा अभिनेत्रीला मोठ्या अडचणींचा सामना करावा लागला.

आलेल्या अडचणींचा परिणाम अभिनेत्रीच्या खासगी आणि प्रोफेशन आयुष्यावर देखील झाला. तेव्हा जया प्रदा यांच्या आयुष्यात निर्माते श्रीकांत नाहटा यांची एन्ट्री झाली. श्रीकांत नाहटा यांनी टॅक्स प्रकरणात अभिनेत्रीची मदत केली. अशाप्रकारे दोघांच्या भेटी वाढत गेल्या आणि भेटीचं रुपांतर अखरे प्रेमात झालं.

अखेर जया प्रदा आणि श्रीकांत नाहटा यांनी १९८६ साली लग्न केलं. श्रीकांत नाहटा यांनी जेव्हा जया प्रदा यांच्यासोबत लग्न केलं तेव्हा निर्माते विवाहित होते. श्रीकांत नाहटा यांच्या पहिल्या पत्नीने घटस्फोट देण्यास नकार दिला होता. तरी देखील श्रीकांत नाहटा यांनी जया प्रदा यांच्यासोबत लग्न केलं. पहिल्या पत्नीसोबत घटस्फोट न झाल्यामुळे श्रीकांत नाहटा कधीही जया प्रदा यांना पत्नीचा मान देवू शकले नाही.

त्यानंतर काही वर्षांनी जया प्रदा आणि श्रीकांत नाहटा विभक्त झाले. महत्त्वाचं म्हणजे प्रसिद्धी संपत्ती सर्व काही असताना जया प्रदा यांना कधीही मातृत्वाचं सुख अनुभवता आलं नाही. आज जया प्रदा बॉलिवूडपासून दूर असल्या तरी देखील चाहत्यांमध्ये कायम चर्चेत असतात.