Lal Singh Chaddha | आमिर खानच्या लाल सिंग चड्ढा चित्रपटातील ‘तुर कलेयां’ गाणे रिलीज, चाहत्यांची उत्सुकता शिगेला!
लाल सिंग चड्ढा’च्या तूर कलेयांमध्ये आमिरची मुख्य भूमिका असलेल्या लाल सिंग चड्ढाचा स्वतःवर प्रेम करण्याचा प्रवास दाखवण्यात आला आहे. हे गाणे ऑडिओ फॉरमॅटमध्ये रिलीज करण्यात आले आहे, मात्र चित्रपटाच्या टीमने हे गाणे वेगवेगळ्या ठिकाणी शूट केल्याचे बोलले जात आहे.
मुंबई : आमिर खानचा (Aamir Khan) बहुचर्चित आणि बहुप्रतिक्षित चित्रपट ‘लाल सिंग चड्ढा’चे चौथे गाणे ‘तुर कलेयां’ रिलीज झाले आहे. प्रीतमने या गाण्याला संगीत दिले असून अमिताभ भट्टाचार्य यांनी हे गाणे लिहिली आहे. अरिजित सिंग, शादाब आणि अल्तमाश यांचा या गाण्याला (Song) दमदार आवाज आहे. आमिर खानच्या लाल सिंग चड्ढा या चित्रपटातील चौथे गाणे रिलीज (Release) झाल्याने चित्रपटाबद्दल प्रचंड उत्सुकता चाहत्यांमध्ये निर्माण झालीयं. तुर कलेयां हे एक सुंदर गाणे आहे जे लाल सिंग चड्ढा यांच्या भावनेला रूप देते आणि स्वतःसाठी चांगले भविष्य घडवण्याच्या भावनेवर लक्ष केंद्रित करते.
इथे पाहा आमिर खानचे तुर कलेयां गाणे
तुर कलेयांमध्ये आमिरची मुख्य भूमिका
लाल सिंग चड्ढा’च्या तुर कलेयांमध्ये आमिरची मुख्य भूमिका असलेल्या लाल सिंग चड्ढाचा स्वतःवर प्रेम करण्याचा प्रवास दाखवण्यात आला आहे. हे गाणे ऑडिओ फॉरमॅटमध्ये रिलीज करण्यात आले आहे, मात्र चित्रपटाच्या टीमने हे गाणे वेगवेगळ्या ठिकाणी शूट केल्याचे बोलले जात आहे. या चित्रपटासाठी शूट केलेला हा सर्वात लांब सीक्वेंस असल्याचे सांगितले जात आहे. ‘तुर कलियां’च्या शूटिंगपूर्वी आमिर खानला गुडघेदुखीचा त्रास होत होता.
तीन गाणे अगोदरच रिलीज
तुर कलेयां हे लाल सिंग चड्ढाचे चौथे गाणे आहे. याआधी ‘कहानी’ चित्रपटातील तीन गाणी, ‘मैं की करो?’ आणि ‘फिर ना ऐसी रात आयेगी’ रिलीज झाले आहेत. या गाण्यांना खूप पसंती दिली जात आहे. मागील गाण्यांप्रमाणेच ‘तूर कलेयां’ देखील व्हिडीओविना रिलीज करण्यात आले आहे. व्हिडीओ विना गाणी प्रसिद्ध करणे हे आता नेहमीचेच झाले आहे. यामागे हे देखील एक कारण आहे की अनेक वेळा चाहत्यांना गाण्यांच्या व्हिडिओमधून चित्रपटाची स्टोरी कळण्याची शक्यता असते.
