Akshay Kumar Tobacco Controversy: अक्षय कुमारने तंबाखू ब्रँडच्या जाहिरातीतून घेतली माघार; म्हणाला, ‘मला माफ करा..’
आपल्या फिटनेससाठी ओळखला जाणारा बॉलिवूडचा खिलाडी अर्थात अभिनेता अक्षय कुमार (Akshay Kumar) सध्या त्याच्या एका जाहिरातीमुळे वादात अडकला आहे. तंबाखूच्या (tobacco brand) जाहिरातीमुळे तो सध्या सोशल मीडियावर चर्चेत आहे.
आपल्या फिटनेससाठी ओळखला जाणारा बॉलिवूडचा खिलाडी अर्थात अभिनेता अक्षय कुमार (Akshay Kumar) सध्या त्याच्या एका जाहिरातीमुळे वादात अडकला आहे. तंबाखूच्या (tobacco brand) जाहिरातीमुळे तो सध्या सोशल मीडियावर चर्चेत आहे. अक्षयने तंबाखूची जाहिरात केली होती आणि त्यामुळेच त्याचे चाहते नाराज झाले आहेत. नेटकऱ्यांनी या जाहिरातीमुळे अक्षयला खूप ट्रोल केलं. त्यानंतर आता अक्षयने त्याची प्रतिक्रिया दिली आहे. त्याचसोबत त्याने चाहत्यांची माफीसुद्धा मागितली आहे. “मला माफ करा. मी माझ्या सर्व चाहत्यांची आणि शुभचिंतकांची माफी मागू इच्छितो. गेल्या काही दिवसांपासून तुमच्याकडून मिळालेल्या प्रतिक्रियांमुळे मी अस्वस्थ झालोय. मी तंबाखूचं समर्थन करत नाही आणि भविष्यात करणारही नाही. विमल इलायचीच्या जाहिरातीवर तुम्ही दिलेल्या प्रतिक्रियांचा मी सन्मान करतो”, असं त्याने सोशल मीडियावरील पोस्टमध्ये लिहिलं आहे. (brand ambassador)
अक्षय कुमारचा माफीनामा-
या पोस्टमध्ये अक्षयने पुढे लिहिलं, “मी विनम्रतेने या जाहिरातीतून माघार घेतो. या जाहिरातीतून मिळालेलं मानधन मी चांगल्या कामासाठी वापरण्याचा निर्णय घेतला आहे. कायदेशीर पद्धतींनुसार ब्रँडकडून ती जाहिरात ठरलेल्या वेळेपर्यंत दाखवली जाईल. पण भविष्यात जाहिराती आणि प्रोजेक्ट्सची निवड करताना मी अधिक जागरूक राहीन याचं आश्वासन देतो. या बदल्यात मला तुमच्याकडून फक्त प्रेम आणि आशीर्वाद हवा आहे.”
इन्स्टा पोस्ट-
View this post on Instagram
अक्षय कुमारने केलेल्या या जाहिरातीत त्याच्यासोबत अभिनेता शाहरुख खान आणि अजय देवगण हे कलाकारसुद्धा होते. ही जाहिरात सोशल मीडियावर व्हायरल होताच त्यावर नेटकऱ्यांनी नकारात्मक प्रतिक्रिया देण्यास सुरुवात केली होती.
हेही वाचा:
Sher Shivraj Review: ‘शेर शिवराज’ची दुमदुमणारी गर्जना; बरंच काही शिकवून जातो प्रतापगडाचा रणसंग्राम
पेट्रोल-डिझेलसाठीची पळापळ थांबवा.. लवकरच वीज, हवा, गॅसवर वाहने धावतील!
