Happy Birthday Adnan Sami | एक-दोन नव्हे तर चार वेळा बांधली लग्नगाठ, पद्मश्री पुरस्कारासाठी निवड झाली होताच उडाला गोंधळ!

मुंबई : जगातील सर्वात वेगवान पियानो वादक आणि सुप्रसिद्ध गायक अदनान सामी (Adnan Sami) 15 ऑगस्ट रोजी आपला वाढदिवस साजरा करतो. 1971मध्ये जन्मलेला अदनान लंडनमध्ये मोठा झाला आणि तिथूनच त्याने शिक्षण पूर्ण केले. संगीताचे सरताज अदनान सामी याने एकापेक्षा एक उत्तम गाणी तयार केली आहेत. तसेच, अवघ्या पाच वर्षापासून उत्तम पियानो वाजवणारा अदनान आता 35हून अधिक वाद्ये वाजवतो. अदनानचे वडील पाकिस्तानी लष्करात स्क्वाड्रन लीडर पदावर होते. ते 1965 मध्ये भारत-पाक युद्धात फ्लाइट लेफ्टनंट म्हणून सामील झाले होते. अदनानने 1986मध्ये त्याच्या संगीत कारकिर्दीला सुरुवात केली आणि नंतर यशाची शिडी चढत राहिला. त्याने त्याचे वैयक्तिक संगीत अल्बम, तसेच अनेक चित्रपटांसाठी रोमँटिक गाणी केली आहेत.

काही वर्षांपूर्वी, जिथे अदनान सामीला भारतात खूप ट्रोल केले जात होते, मात्र आता भारतीय नागरिकत्व मिळाल्यानंतर पाकिस्तानी सोशल मीडिया वापरकर्ते देखील असा प्रयत्न करतात.

पाकिस्तान सोडून भारतीय नागरिक बनला!

अदनान मूळचा पाकिस्तानचा आहे, पण तो बराच काळ भारतात राहत आहे. त्यांनी भारतीय नागरिकत्वाची विनंती गृहमंत्रालयाला करून भारतात राहण्याचे आवाहन केले आणि त्यांचे आवाहन स्वीकारल्यानंतर त्यांना भारतात राहण्यासाठी मुभा देण्यात आली. 2016 पासून तो भारताचा नागरिक आणि कलाकार म्हणून ओळखला जातो.

वाढत्या वजनामुळे चर्चेत

संगीताबरोबरच अदनान सामी त्याच्या लठ्ठपणामुळे चर्चेत होता. त्यावेळी अदनानचे वजन 230 किलो असायचे. मात्र, 2007मध्ये अचानक अदनान सामीचे एक नवीन रूप सर्वांसमोर आले, जे पाहून सर्वांनाच आश्चर्य वाटले. वास्तविक, अदनान सामीने आपले वजन 230 किलोवरून 75 किलोवर आणण्यासाठी खूप मेहनत घेतली होती. त्याने 16 महिन्यांत आपले वजन 155 किलो पर्यंत कमी केले होते.

वैयक्तिक आयुष्यही चर्चेत

अदनान सामीचे व्यावसायिक आयुष्य जेवढे उत्कृष्ट होते, तेवढेच त्यांचे वैयक्तिक आयुष्य चढउतारांनी भरलेले होते. अदनानने चार विवाह केले, त्यापैकी तीन विवाह पाच वर्षे देखील टिकले नाहीत. त्याने एकाच मुलीशी दोनदा लग्न केले, पण ते लग्नही टिकले नाही. 1993 मध्ये त्यांनी पाकिस्तानी अभिनेत्री जेबा बख्तियारशी लग्न केले, जेबा हिना अनेक चित्रपटात झळकली होती. त्यावेळी तो फक्त 22 वर्षांचे होत. दोघांना एक मुलगा आहे, ज्याचे नाव त्यांनी अजान सामी खान ठेवले, परंतु त्यांचे लग्न फार काळ टिकले नाही.

अदनानने दुबईस्थित बिझनेसमन अरब सबा गलाद्रीशी दुसरे लग्न केले. सबा आधीच विवाहित होती आणि एका मुलाची आई होती. अदनानने आपले दुसरे लग्न नेहमीच गुप्त ठेवले. त्यांच्या पहिल्या भेटीपासून ते लग्नापर्यंत कोणालाही या बातमीची माहिती नव्हती. 2004मध्ये अदनानने घटस्फोटाची बाब समोर आणून सर्वांना आश्चर्यचकित केले. लग्नाच्या दीड वर्षानंतर दोघांचा घटस्फोट झाला.

यानंतर, 2008 मध्ये, अदनानची दुसरी पत्नी सबा मुंबईत आली आणि त्याने अदनान सामीशी पुन्हा लग्न केले आणि त्याच्यासोबत राहण्यास सुरुवात केली, पण तरीही हे नाते फक्त एक वर्ष टिकले. सबाने अदनानच्या विरोधात कौटुंबिक छळ कायद्याखाली याचिकाही दाखल केली होती. प्रदीर्घ लढाईनंतर न्यायालयाने 2009 मध्ये दोघांच्या घटस्फोटाला मान्यता दिली. अदनानने 2010 मध्ये रोया सामी खानशी लग्न केले. दोघांना एक मुलगी आहे. अदनानला अलीकडेच पद्मश्री पुरस्काराने सन्मानित करण्यात आले, ज्याबद्दल बरेच वाद रंगले होते.

हेही वाचा :

कारगिलमध्ये शहीद झालेल्या कॅप्टन विक्रम बत्राच्या शौर्याची कथा, वाचा कसा आहे ‘शेरशाह’ चित्रपट

अनिल कपूरकडून मुलीच्या लग्नाची जोरदार तयारी, खास पद्धतीनं सजवलं घर