Hrithik Roshan: ‘ही हृतिकची गर्लफ्रेंड आहे की मुलगी?’; हातात हात घालून चालतानाचा VIDEO पाहिल्यावर नेटकऱ्यांनी केलं ट्रोल
गेल्या काही दिवसांपासून ज्या अफेअरची चर्चा होती, अखेर अभिनेता हृतिक रोशनने (Hrithik Roshan) अप्रत्यक्षपणे त्या चर्चांवर शिक्कामोर्तब केला आहे. अभिनेत्री सबा आझाद (Saba Azad) आणि हृतिक एकमेकांना डेट करत असल्याच्या चर्चा गेल्या काही दिवसांपासून होत आहेत.
गेल्या काही दिवसांपासून ज्या अफेअरची चर्चा होती, अखेर अभिनेता हृतिक रोशनने (Hrithik Roshan) अप्रत्यक्षपणे त्या चर्चांवर शिक्कामोर्तब केला आहे. अभिनेत्री सबा आझाद (Saba Azad) आणि हृतिक एकमेकांना डेट करत असल्याच्या चर्चा गेल्या काही दिवसांपासून होत आहेत. या दोघांना सर्वांत आधी एका हॉटेलबाहेर एकत्र पाहिलं गेलं. त्यानंतर आता मुंबई विमानतळावर हृतिक आणि सबा हातात हात घालून दिसले. यावेळी पापाराझींनी या दोघांचे व्हिडीओ आणि फोटो क्लिक केले. हृतिक-सबाचा हा व्हिडीओ क्षणार्धात सोशल मीडियावर व्हायरल झाला आणि त्यावर नेटकऱ्यांच्या विविध प्रतिक्रिया येऊ लागल्या. ‘आता कसल्या चर्चा, या दोघांनीच डेटिंग करत असल्याचं कन्फर्म केलंय’, असे कमेंट्स नेटकऱ्यांनी या व्हिडीओवर दिले. तर अनेकांनी हृतिकला ट्रोलसुद्धा केलं. (Bollywood)
हृतिक आणि सबाच्या वयात जवळपास 17 वर्षांचं अंतर आहे. एअरपोर्टवरील या दोघांचा व्हिडीओ जेव्हा व्हायरल झाला, तेव्हा नेटकऱ्यांनी वयावरून या दोघांना ट्रोल करण्यास सुरुवात केली. ‘ही हृतिकची गर्लफ्रेंड आहे की मुलगी’, असाही उपरोधिक प्रश्न एका युजरने विचारला. तर हिच्यापेक्षा कंगना बरी होती, असंही एकाने म्हटलं. हृतिक आणि अभिनेत्री कंगना रनौत एकमेकांना डेट केल्याच्या चर्चा होत्या. या दोघांमधील वाद सर्वश्रुत आहे. ‘पैसे असल्यावर काहीही शक्य होतं’, असाही टोमणा एका नेटकऱ्याने मारला.
हृतिक-सबाचा व्हिडीओ-
View this post on Instagram
हृतिकच्या कुटुंबीयांशीही सबाची जवळीक वाढली आहे. त्याच्या कुटुंबीयांसोबत मिळून तिने जेवण केलं होतं. त्याचे फोटो सोशल मीडियावर व्हायरल झाले होते. हृतिक आणि सबाची पहिल्यांदा ओळख ही ट्विटरवर झाल्याचं म्हटलं जातं. हृतिकने ट्विटरवर एक व्हिडीओ शेअर केला होता. त्या व्हिडीओमध्ये सबा एका रॅपरसोबत दिसत होती. त्यानंतर सबाने हृतिकचे आभार मानले आणि दोघांचा संवाद सुरू झाला.
हृतिकने 2000 मध्ये सुझान खानशी लग्न केलं. या दोघांना रेहान आणि हृदान ही दोन मुलं आहेत. जवळपास 13 वर्षांच्या संसारानंतर 2013 मध्ये हृतिक आणि सुझानने विभक्त होण्याचा निर्णय घेतला. आता हृतिक सबाला डेट करत आहे, तर सुझान ही अभिनेता अर्सलान गोणीला डेट करतेय. अर्सलान हा बिग बॉस फेम अली गोणीचा भाऊ आहे.
हेही वाचा:
ट्विंकल खन्नाने The Kashmir Filesची उडवली खिल्ली; म्हणाली ‘आता मीसुद्धा..’
