कबीर खानला 83 चित्रपटानंतर पुन्हा रणवीर सिंहसोबत काम करायचे आहे, नवीन आयडिया असेल खास!
बॉलिवूड अभिनेता रणवीर सिंह (Ranveer Singh) सध्या त्याचा आगामी चित्रपट 83 च्या प्रमोशनमध्ये व्यस्त आहे. हा चित्रपट 24 डिसेंबरला थिएटरमध्ये प्रदर्शित होत आहे. या चित्रपटात 1983 मध्ये जिंकलेल्या वर्ल्ड कपच्या आठवणी पुन्हा एकदा ताज्या होणार आहेत.
मुंबई : बॉलिवूड अभिनेता रणवीर सिंह (Ranveer Singh) सध्या त्याचा आगामी चित्रपट 83 च्या प्रमोशनमध्ये व्यस्त आहे. हा चित्रपट 24 डिसेंबरला थिएटरमध्ये प्रदर्शित होत आहे. या चित्रपटात 1983 मध्ये जिंकलेल्या वर्ल्ड कपच्या आठवणी पुन्हा एकदा ताज्या होणार आहेत. कबीर खानने (Kabir Khan) या चित्रपटाचे दिग्दर्शन केले आहे.
कबीर खान, रणवीर सिंहसह संपूर्ण टीम या चित्रपटाच्या प्रदर्शनाची आतुरतेने वाट पाहत आहे. 83 मध्ये रणवीर सिंहसोबत काम केल्यानंतर कबीर खानला पुन्हा एकदा त्याच्यासोबत काम करायचे आहे. कबीर खान हे रणवीरसोबत आणखी एका चित्रपटाबद्दल बोलत आहेत. म्हणजे चाहत्यांना परत एकदा कबीर आणि रणवीरची जोडीसोबत काम करताना दिसणार आहे.
रणवीरसोबत काम करायचे आहे
बॉलिवूड हंगामासोबतच्या एका खास कार्यक्रमामध्ये कबीर खानला विचारण्यात आले की, तो रणवीरसोबत आणखी एक चित्रपट करण्याचा विचार करत आहे का? यावर ते म्हणाले की, यावर चर्चा सुरू आहे. जेव्हा तुम्हाला एखाद्या चित्रपटात काम करताना चांगला वेळ मिळतो, तेव्हा तुम्ही त्यांच्याशी नवीन गोष्टींबद्दल बोलू लागता. मी रणवीरसोबत बराच वेळ घालवला आहे आणि आम्ही सर्व प्रकारच्या आयडियावर चर्चा केली आहे.
कोण आहे प्रमुख भुमिकेत
रणवीर सिंह चित्रपटात कपिल देव यांची भूमिका साकारणार आहे. यासोबतच ताहिर राज भसीन, जीवा, साकिब सलीम, जतिन सरना, चिराग पाटिल, दिनकर शर्मा, निशांत दहिया, हार्डी संधू, साहिल खट्टर, अम्मी विर्क, आदिनाथ कोठारे, धैर्य करवा, आर बद्री आणि पंकज त्रिपाठी देखील महत्त्वाच्या भूमिकेत दिसणार आहेत. दीपिका पादुकोण या चित्रपटात कपिल देव यांची पत्नी रोमीची व्यक्तिरेखा साकारणार आहे.
संबंधित बातम्या :
अंकिता लोखंडेच्या वाढदिवसानिमित्त नवऱ्याने शेअर केली खास पोस्ट, वाचा काय आहे नेमके पोस्टमध्ये!
