Radhe Shyam Postponed | प्रभासच्या चाहत्यांना आणखी वाट पाहावी लागणार! ‘राधे श्याम’चं प्रदर्शन लांबणीवर!
'जर्सी’, ‘आरआरआर’ आणि ‘पृथ्वीराज’ यांसारख्या चित्रपटांनंतर आता प्रभास आणि पूजा हेगडे स्टारर चित्रपट ‘राधे श्याम’ देखील बॅकफूटवर आला आहे. 'राधे श्याम'च्या निर्मात्यांनी कोरोना संसर्गाच्या झपाट्याने वाढणाऱ्या प्रकरणांमुळे चित्रपटाचे प्रदर्शन पुढे ढकलण्याचा निर्णय घेतला आहे.
मुंबई : ‘जर्सी’, ‘आरआरआर’ आणि ‘पृथ्वीराज’ यांसारख्या चित्रपटांनंतर आता प्रभास आणि पूजा हेगडे स्टारर चित्रपट ‘राधे श्याम’ देखील बॅकफूटवर आला आहे. ‘राधे श्याम’च्या निर्मात्यांनी कोरोना संसर्गाच्या झपाट्याने वाढणाऱ्या प्रकरणांमुळे चित्रपटाचे प्रदर्शन पुढे ढकलण्याचा निर्णय घेतला आहे. कोरोनाची प्रकरणे झपाट्याने वाढत आहेत, त्यामुळे अनेक राज्यांमध्ये सिनेमा हॉल एकतर पूर्णपणे बंद करण्यात आले आहेत किंवा ते निम्म्या क्षमतेने चालवले जात आहेत.
UV Creationच्या ट्वीटनुसार, राधे श्याम चित्रपट आता पुढे ढकलण्यात आला आहे. ट्विटनुसार, ‘राधे श्यामचे प्रदर्शन अधिकृतपणे पुढे ढकलण्यात आले आहे. कोरोनाचा वाढता प्रभाव पाहता हा निर्णय घेण्यात आला आहे. लवकरच चित्रपटगृहात भेटू.’, असे म्हटले आहे. ‘राधे श्याम’ हा चित्रपट 14 जानेवारी रोजी जगभरातील चित्रपटगृहांमध्ये प्रदर्शित होणार होता आणि प्रभासला पुन्हा पडद्यावर पाहण्यासाठी चाहते खूप उत्सुक होते.
पाहा पोस्ट :
We have to postpone the release of our film #RadheShyam due to the ongoing covid situation. Our sincere thanks to all the fans for your unconditional love and support.
We will see you in cinemas soon..!#RadheShyamPostponed pic.twitter.com/aczr0NuY9r
— UV Creations (@UV_Creations) January 5, 2022
कोरोनाचं संकट तर, ओटीटीची ऑफर!
दाक्षिणात्य चित्रपटसृष्टीतील दमदार अभिनेता प्रभासच्या आगामी ‘राधे श्याम’ या चित्रपटाची चाहते आतुरतेने वाट पाहत आहेत. या चित्रपटात प्रभाससोबत अभिनेत्री पूजा हेगडे दिसणार असून ट्रेलरमध्ये दोघांची धमाकेदार केमिस्ट्री पाहण्यासाठी चाहते खूप उत्सुक आहेत. अशा परिस्थितीत आता सर्वांनाच या चित्रपटाच्या प्रदर्शनाची प्रतीक्षा आहे, मात्र कोरोना व्हायरसने चित्रपट जगतासमोर पुन्हा संकट उभे केले आहे.
त्याच वेळी, आता निर्मात्यांना OTT वर चित्रपट प्रदर्शित करण्याच्या ऑफर देखील येत आहेत. वृत्तानुसार, प्रभास आणि पूजा हेगडे यांचा ‘राधे श्याम’ चित्रपट OTT वर रिलीज करण्यासाठी निर्मात्यांना मोठ्या रकमेची ऑफर देण्यात आली आहे आणि ही माहिती ट्रेड अॅनालिस्ट मनोबाला विजयबालन यांनी दिली आहे.
₹400 cr is being offered by a leading OTT platform for direct release.#Prabhas
— Manobala Vijayabalan (@ManobalaV) January 3, 2022
मनोबाला विजयबालन यांनी एक ट्विट केले आहे, ज्यामध्ये त्यांनी सांगितले आहे की, ‘राधे श्याम’ OTT वर थेट रिलीज करण्यासाठी निर्मात्यांना 400 कोटींची ऑफर देण्यात आली आहे. तथापि, अद्याप निर्मात्यांनी याची पुष्टी केलेली नाही, त्यामुळे अद्याप यावर जास्त काही सांगता येणार नाही.
ज्योतिषाची भूमिका साकारणार प्रभास
प्रभास आणि पूजा हेगडे यांचा हा चित्रपट राधाकृष्ण कुमार यांच्या दिग्दर्शनाखाली बनला आहे. या चित्रपटात प्रभास ‘विक्रमादित्य’ या ज्योतिषाची भूमिका साकारत आहे. या चित्रपटात पूजा आणि प्रभासशिवाय सचिन खेडेकर, कृष्णम राजू, प्रियदर्शी, भाग्यश्री, मुरली शर्मा, कुणाल रॉय कपूर आणि सत्यन असे अनेक स्टार्स दिसणार आहेत. हा चित्रपट अनेक भाषांमध्ये प्रदर्शित होणार आहे. तमिळ, तेलुगु व्यतिरिक्त, तो कन्नड, मल्याळम आणि हिंदीमध्ये देखील प्रदर्शित होईल.
हेही वाचा :
कुणाची अंगठी तर कुणासाठी ब्रेसलेट, जाणून घ्या तुमच्या सुपरस्टार्सचा लकी चार्म कोणता?
नृत्यांगना ते अभिनेत्री…‘पिंकीचा विजय असो’ मालिकेतील ‘पिंकी’ने हेमा मालिनींसोबतही केलंय काम!
