83 Trailer | कपिल देव बनून रणवीर सिंह जिंकतोय प्रेक्षकांची मने! पाहा ‘83’चा जबरदस्त ट्रेलर…
बॉलिवूड अभिनेता रणवीर सिंहचा (Ranveer Singh) बहुप्रतीक्षित चित्रपट ‘83’चा ट्रेलर रिलीज झाला आहे. या चित्रपटात रणवीर सिंह मुख्य भूमिकेत असून कपिल देव यांची भूमिका साकारत आहे.
मुंबई : बॉलिवूड अभिनेता रणवीर सिंहचा (Ranveer Singh) बहुप्रतीक्षित चित्रपट ‘83’चा ट्रेलर रिलीज झाला आहे. या चित्रपटात रणवीर सिंह मुख्य भूमिकेत असून कपिल देव यांची भूमिका साकारत आहे. चाहते या चित्रपटाच्या रिलीजची बऱ्याच दिवसांपासून वाट पाहत होते. ट्रेलरची सुरुवात भारतीय संघाच्या खेळाने होते. भारतीय संघातील खेळाडू एक एक करून बाद होत आहेत आणि संपूर्ण संघाला कपिल देव यांच्याकडून अपेक्षा आहेत.
जेव्हा भारतीय संघ 1983 चा विश्वचषक खेळायला जातो, तेव्हा रणवीर कपिल देव यांच्या रुपात उभा राहतो आणि कॉन्फरन्समध्ये म्हणतो की, मी येथे जिंकण्यासाठी आलो आहे. चित्रपटात पंकज त्रिपाठी तत्कालीन भारतीय संघाचे व्यवस्थापक पीआर मान सिंह यांची भूमिका साकारत आहेत. ट्रेलरमध्ये ते कपिलला म्हणतात की, ’35 वर्षांपूर्वी आम्ही स्वातंत्र्य मिळवले, पण आम्हाला अजूनही सन्मान मिळवायचा आहे, कॅप्टन.’
भारतीय संघाचा संघर्ष मोठ्या पडद्यावर
ट्रेलरच्या पहिल्या भागात भारतीय संघ संघर्ष करताना दिसत होता, तर दुसऱ्या भागात संघाने शानदार पुनरागमन करत विजय मिळवताना दिसला. मात्र, विजयापूर्वी भारतीय संघ आणि त्यांच्या कुटुंबियांना सहन कराव्या लागलेल्या दु:खाचा आणि संघर्षाचा सामना खूपच भावनिक आहे.
पाहा ट्रेलर :
ट्रेलरमध्ये दीपिका पदुकोण दिसली, जी चित्रपटात कपिल देव यांच्या पत्नी रोमी देव यांची भूमिका साकारत आहे. चित्रपटात हार्डी संधूने मदन लालची भूमिका, एमी विर्कने बलविंदर सिंग संधूची, तर साकिब सलीमने मोहिंदर अमरनाथची भूमिका केली आहे. ट्रेलरमध्ये तुम्हाला भारतीय क्रिकेट संघावर भारताला विजय मिळवून देण्यासाठीचा दबाव देखील जाणवेल.
अनेक भाषेत प्रदर्शित होणार चित्रपट!
कबीर खान दिग्दर्शित हा चित्रपट आधी गेल्या वर्षी प्रदर्शित होणार होता, पण कोरोनामुळे रिलीज पुढे ढकलण्यात आली. आता हा चित्रपट यावर्षी 24 डिसेंबरला थिएटरमध्ये प्रदर्शित होणार आहे. हा चित्रपट हिंदी व्यतिरिक्त तामिळ, तेलगू, कन्नड आणि मल्याळम भाषांमध्ये प्रदर्शित होणार आहे. कमल हसन राजकमल फिल्म्स इंटरनॅशनल आणि नागार्जुन अक्किनेनी अन्नपूर्णा स्टुडिओ रिलायन्स एंटरटेनमेंटच्या सहकार्याने तामिळ आणि तेलगू आवृत्ती आणली जाणार आहेत. पृथ्वीराज प्रॉडक्शन आणि किच्चा सुदीप शालिनी आर्ट्स या चित्रपटाची मल्याळम आणि कन्नड आवृत्ती प्रदर्शित होईल.
हेही वाचा :
Video | बापूंचा चरखा चक्क सलमान खानने चालवला! ‘अंतिम’च्या प्रमोशनसाठी ‘भाईजान’ साबरमती आश्रमात
