मुन्नाभाई MBBS मधील स्वामीला ओळखणं कठीण, अवस्था पाहून चाहते भावूक

Munna Bhai MBBS: बॉलिवूडमध्ये असे अनेक सेलिब्रिटी आहेत, ज्यांनी काही सिनेमांमध्ये काम केल्यानंतर अभिनय विश्वाचा निरोप घेतला. याच सेलिब्रिटींपैकी असे काही सेलिब्रिटी आहेत,ज्यांना चाहते आजपर्यंत विसरू शकलेले नाहीत. अशाच एका अभिनेत्यापैकी एक म्हणजे ‘मुन्नाभाई MBBS’ सिनेमातून चाहत्यांच्या भेटीस आलेला ‘स्वामी..’ अभिनेता खुर्शीद लॉयर याने ‘मुन्नाभाई MBBS’ सिनेमात ‘स्वामी’ ही भूमिका साकारली होती. भूमिकेला चाहत्यांनी भरभरुन प्रेम देखील दिलं. ‘मुन्नाभाई MBBS’ सिनेमातील खुर्शीद लॉयर याचे अनेक फोटो आणि व्हिडीओ आज देखील सोशल मीडियावर व्हायरल होत असतात.

आता देखील खुर्शीद लॉयर याचे काही फोटो सोशल मीडियावर व्हायरल होत आहेत. अभिनेत्याचे फोटो पाहिल्यानंतर चाहत्यांना देखील मोठा धक्का बसला आहे. इतक्या वर्षांनंतर अभिनेत्याला ओळखणं देखील कठीण झालं आहे. सिनेमात सडपातळ दिसणारा खुर्शीद लॉयर आता फार वेगळा दिसते.

विरल भयानी याच्या अधिकृत इन्स्टाग्राम पेजवरून खुर्शीद लॉयर याचे फोटो पोस्ट करण्यात आले आहे. विरल भयानीने खुर्शीद लॉयर याचे फोटो पोस्ट करत अभिनेत्याबद्दल महत्त्वाची माहिती देखील दिली आहे. ‘तिग्मांशू धुलियाच्या हॉटस्टार वरील the great indian murder च्या माध्यमातून खुर्शीद लॉयर याने अभिनय विश्वात पुन्हा पदार्पण केलं आहे.’

View this post on Instagram

A post shared by Viral Bhayani (@viralbhayani)

‘खुर्शीद लॉयर आजही मुन्नाभाई MBBS सिनेमातील त्याच्या स्वामी या भूमिकेमुळे लोकांच्या लक्षात आहे.’ खुर्शीद लॉयर याने ‘मुन्नाभाई MBBS’ सिनेमा शिवाय ‘अजब प्रेम की गजब कहीणी’, ‘प्यारे मोहन’, ‘डबल धमाल’, ‘बुड्ढा मर गया’, यांसारख्या अनेक सिनेमांमध्ये काम केलं आहे. आता चाहते अभिनेत्याच्या आगामी सिनेमांच्या प्रतीक्षेत आहेत.

खुर्शीद लॉयर याच्या फोटोंवर चाहते लाईक्स आणि कमेंटचा वर्षाव करत प्रतिक्रिया देत आहेत. एक नेटकरी कमेंट करत म्हणाला, ‘स्वामीची भूमिकेत मस्त होता….’ शिवाय कमेंट सेक्शनमध्ये अनेकांनी स्वामी भूमिकेत असलेल्या खुर्शीद लॉयर याचे डायलॉग देखील लिहिले आहेत.

सध्या सर्वत्र फक्त आणि फक्त खुर्शीद लॉयर याची चर्चा रंगली आहे. सोशल मीडियावर अभिनेत्याचे फोटो तुफान व्हायरल होत आहेत. तर अनेक वर्षांनंतर अभिनेत्याला पाहिल्यानंतर चाहत्यांना देखील आनंद झाला आहे.