Swapnil Shinde | बॉलिवूडचा प्रसिद्ध फॅशन डिझायनर स्वप्निल शिंदे बनला ‘साईशा शिंदे’! सोशल मीडियाद्वारे केला खुलासा..

स्वप्निल शिंदेने नव्या वर्षात त्याचे नवे रुप आणि नवे अस्तित्त्व सोशल मीडियाच्या माध्यमातून लोकांसमोर आणले आहे.

Swapnil Shinde | बॉलिवूडचा प्रसिद्ध फॅशन डिझायनर स्वप्निल शिंदे बनला ‘साईशा शिंदे’! सोशल मीडियाद्वारे केला खुलासा..
Follow us
| Updated on: Jan 06, 2021 | 1:51 PM

मुंबई : बॉलिवूडचा प्रसिद्ध फॅशन डिझायनर स्वप्निल शिंदेने (Fashion Designer Swapnil Shinde) सोशल मीडियाद्वारे एक मोठी बातमी चाहत्यांसोबत शेअर केली आहे. स्वप्निल शिंदेने नव्या वर्षात त्याचे नवे रुप आणि नवे अस्तित्त्व सोशल मीडियाच्या माध्यमातून लोकांसमोर आणले आहे. स्वप्निलने आपण ‘ट्रान्सवुमन’ झाल्याचा खुलासा करत सोशल मीडियावर नवीन फोटो पोस्ट केले आहेत. स्वप्निल शिंदेने आता ‘साईशा शिंदे’ असे नामकरण केले आहे (Famous Fashion Designer Swapnil Shinde transformation as transwoman  Saisha Shinde).

डिझायनर स्वप्नील शिंदेनी स्वत:ची सर्जरी करुन स्त्री होण्याचा निर्णय घेतला आहे. स्वप्नीलने त्याच्यामध्ये झालेला बदल लोकांपर्यंत पोहोचवण्यासाठी सोशल मीडियाचा आधार घेतला. यासंदर्भात सोशल मीडियावर त्याने एक पोस्ट शेअर केली आहे. ज्यामध्ये स्वप्नीलने त्याच्या नव्या रुपातले फोटो आणि एक भावुक पोस्ट लिहिली आहे.

जे अस्तित्व माझे नाही, ते जगताना मला गुदमरल्यासारखे होत होते…

सोशल मीडियावरील या नवीन फोटोंमध्ये ‘सायशा’चा अर्थात स्वप्निल शिंदेचा नवा लूक पाहायला मिळतोय. या फोटोंसोबतच त्याने एक पोस्ट लिहीत आपण ‘ट्रान्सवुमन’ झाल्याबाबत खुलासा केला आहे. या भावूक पोस्टमध्ये तो लिहितो की, ‘शाळा आणि कॉलेजमध्ये जेव्हा सगळी मुले मला माझ्या वागण्यावरून त्रास देत होते, तेव्हा माझ्या मनावर खूप आघात झाले. जे अस्तित्व माझे नाही ते जगताना मला गुदमरल्यासारखे होत होते. वयाच्या विसाव्या वर्षी NIFT दरम्यान, मी स्वतःचे सत्य स्वीकारण्याचे धाडस केले आणि तेव्हा खऱ्या अर्थाने मी मुक्त झाले. पुरुषांकडे आकर्षित होत असल्याने मी समलैंगिक आहे, असे सुरुवातीला मला वाटले. पण सहा वर्षांपूर्वी मी स्वत: पूर्णपणे स्वीकारले आणि आता मी समलैंगिक नाही तर ट्रान्सवुमन आहे’, असे सायशाने लिहिले आहे (Famous Fashion Designer Swapnil Shinde transformation as transwoman  Saisha Shinde).

याचबरोबर, ‘तुम्ही कितीही मोठे झालात तरी तुम्हाला तुमचं बालपण नेहमीच आठवत असतं. माझ्या बालपणाच्या आठवणी फारच वाईट होत्या’, या शब्दांत त्याने आपले दुःख व्यक्त केले. अखेर शस्त्रक्रियेचा आधार घेऊन स्वप्निलने ‘ट्रान्सवुमन’ होण्याचा निर्णय घेतला.

बॉलिवूडकरांचा पाठींबा

स्वप्निल शिंदेने आतापर्यंत अभिनेत्री करिना कपूर-खान, दीपिका पदुकोण, सनी लिओनी, कियारा अडवाणी, कतरिना कैफ यांसारख्या नावाजलेल्या सेलिब्रिटींसोबत काम केले आहे. स्वप्निलच्या सोशल मीडिया पोस्टवर देखील अनेक कलाकारांनी कमेंट करत आपला पाठींबा दर्शवला आहे. स्वप्निलमधील या बदलाचे अर्थात ‘साईशा’चे अभिनेत्री सनी लिओनी, अदिती राव हैदरी, श्रृती हसन, सई ताम्हणकर यांनी स्वागत केले आहे.

(Famous Fashion Designer Swapnil Shinde transformation as transwoman  Saisha Shinde)

हेही वाचा :

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.