हेमा मालिनी यांच्याकडे आलिशान गाड्या, एक अब्ज रुपयांहून अधिक संपत्ती, धर्मेंद्र यांच्याकडची कॅश म्हणजे…

अभिनेत्री हेमा मालिका कायम त्यांच्या खासगी आणि प्रोफेशनल आयुष्यामुळे चर्चेत असतात. पण आता हेमा मालिनी त्यांच्या संपत्तीमुळे चर्चेत आल्या आहेत. एकट्या हेमा मालिनी अब्जवधी रुपयांच्या मालकीण आहे. तर पती धर्मेंद्र यांची संपत्ती मिळून तयार होणार आकडा थक्क करणारा आहे. सांगायचं झालं तर, उत्तर प्रदेशातील मथुरा लोकसभा मतदारसंघातील भारतीय जनता पक्षाच्या उमेदवार हेमा मालिनी यांच्याकडे सात चारचाकी गाड्या आहेत आणि त्यांना दागिन्यांचीही शौक आहे. त्यांनी नुकत्याच केलेल्या प्रतिज्ञापत्रातून त्यांच्या संपत्तीचा आकडा समोर आला आहे.

गुरुवारी मथुरा लोकसभा मतदारसंघातून निवडून आलेल्या हेमा यांनी भारतीय निवडणूक आयोगाला दिलेल्या प्रतिज्ञापत्रात म्हटले आहे की, त्यांच्याविरुद्ध कोणताही फौजदारी किंवा दिवाणी गुन्हा दाखल नाही. यावेळी हेमा मालिनी यांच्या संपत्तीचा आकडा देखील समोर आला आहे. त्यांच्याकडे तब्बल 129 कोटी रुपयांची संपत्ती आहे. गेल्यावर्षी त्यांच्याकडे 125 कोटी रुपयांची संपत्ती होती. सांगायचं झालं तर, 2019 नंतर हेमा मालिनी यांच्या संपत्तीमध्ये 4 कोटी रुपयांची वाढ झाली आहे.

प्रतिज्ञापत्रातून समोर आलेल्या माहितीनुसार, 3 कोटी 39 लाख, 39 हजार 307 रुपयांचे दागिने आहेत. तर, त्यांचे पती धर्मेंद्र यांच्याकडे देखील 1 कोटी 75 लाख 8 हजार 200 रुपयांचे आभूषण आहेत. हेमा मालिनी यांच्या बँकेत 12 कोटी 98 लाख 2 हजार 951 रुपये आहेत. धर्मेंद्र यांच्या बँकेत 17 कोटी 15 लाख 61 हजार 453 रुपये आहेत.

पती धर्मेंद्र यांच्याकडे असलेली रोकड

प्रतिज्ञापत्रानुसार, हेमा मालिनी यांच्याकडे 18 लाख 52 हजर 865 रुपयांची कॅश आहे. तर धर्मेंद्र यांच्याकडे 43 लाख 19 हजार 16 रुपये रोकड आहे. जमिनीबाबत सांगायचं झालं तर, हेमा यांच्याकडे एकूण 20 लाख 91 हजार 3 हजार 360 रुपयांची अचल संपत्ति आहे. तर त्यांचे पती धर्मेंद्र यांच्याकडे 93 लाख 67 हजार 813 रुपयांची अचल संपत्ति आहे.

हेमा यांच्या संपत्तीबद्दल सांगायचं झालं तर, त्यांच्याकडे 1 अब्ज 13 कोटी 60 लाख 51 हजार 610 रुपयांच्या विविध मालमत्ता आहेत. तर त्यांचे पती धर्मेंद्र यांच्याकडे 1 अब्ज 36 कोटी 7 लाख 66 हजार 813 रुपयांचे बंगले आणि इतर मालमत्ता आहेत. सध्या सर्वत्र फक्त आणि फक्त हेमा मालिनी यांच्या संपत्तीची चर्चा रंगली आहे.

हेमा मालिनी यांचं बॉलिवूड करियर

हेमा मालिनी आज बॉलिवूडपासून दूर असल्या तरी कोणत्या न कोणत्या कारणामुळे चर्चेत असतात. आता हेमा मालिनी निवडणुकीमुळे चर्चेत आहेत. सांगायचं झालंतर, काही दिवसांपूर्वी हेमा मालिनी यांनी पुन्हा अभिनय क्षेत्रात पदार्पण करण्याचा इच्छा व्यक्त केली होती. हेमा मालिनी यांनी अनेक सिनेमांमध्ये महत्त्वाची भूमिका बजावत चाहत्यांचं मनोरंजन केलं. आजही हेमा मालिनि यांचे सिनेमे चाहते तितक्याच आवडीने पाहतात.