AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

नहीं बताऊंगी.. म्हणत जया बच्चन यांनी आंदोलनात पत्रकाराचा माईकच ढकलला; Video पाहून कंगना स्पष्टच बोलल्या..

मंगळवारी इंडिया ब्लॉकच्या खासदारांनी दिल्लीत निवडणूक आयोगाविरोधात आंदोलन केलं. यावेळी जया बच्चनसुद्धा मोर्चात सहभागी झाल्या होत्या. या आंदोलनादरम्यानचा जया बच्चन यांचा एक व्हिडीओ सोशल मीडियावर व्हायरल झाला आहे.

नहीं बताऊंगी.. म्हणत जया बच्चन यांनी आंदोलनात पत्रकाराचा माईकच ढकलला; Video पाहून कंगना स्पष्टच बोलल्या..
Kangana Ranaut and Jaya BachchanImage Credit source: Instagram
| Updated on: Oct 07, 2026 | 10:04 AM
Share

ज्येष्ठ अभिनेत्री आणि समाजवादी पक्षाच्या खासदार जया बच्चन पुन्हा एकदा चर्चेत आल्या आहेत. दिल्लीतील इंडिया आघाडीच्या निवडणूक आयोगाविरोधातील आंदोलनादरम्यानचा त्यांचा एक व्हिडीओ सोशल मीडियावर मोठ्या प्रमाणात व्हायरल झाला आहे. या व्हिडीओमध्ये जया बच्चन एका रिपोर्टरचा माइक हाताने बाजूला करताना दिसत आहेत. या घटनेवरून सोशल मीडियावर चर्चा सुरू असतानाच अभिनेत्री आणि भाजप खासदार कंगना राणौत यांनीही जया बच्चन यांच्यावर निशाणा साधला आहे.

नेमकं व्हिडीओमध्ये काय दिसतं?

दिल्लीमध्ये 6 ऑक्टोबर रोजी इंडिया आघाडीच्या खासदारांनी निवडणूक आयोगाच्या कार्यालयाकडे मोर्चा काढला होता. मुख्य निवडणूक आयुक्त ज्ञानेश कुमार यांच्या राजीनाम्याची मागणी करत विरोधकांनी हा मोर्चा आयोजित केला होता. यामध्ये राहुल गांधी, प्रियंका गांधी, अखिलेश यादव, सुप्रिया सुळे यांच्यासह जया बच्चनही सहभागी झाल्या होत्या. याच आंदोलनादरम्यानचा एक व्हिडीओ समोर आला. काही पत्रकार जया बच्चन यांच्याशी संवाद साधण्याचा प्रयत्न करत होते. एका रिपोर्टरने प्रश्न विचारण्याचा प्रयत्न केला असता जया बच्चन यांनी त्याच्या हातातील माइक मागे ढकलला. त्यानंतर त्या पुढे निघून गेल्या. त्यांच्या या कृतीचा व्हिडीओ सोशल मीडियावर वेगाने शेअर होऊ लागला.

कंगना राणौत यांची पोस्ट

जया बच्चन यांचा हा व्हिडीओ समोर आल्यानंतर कंगना राणौत यांनीही सोशल मीडिया पोस्टच्या माध्यमातून त्यांच्यावर टोला लगावला. कंगना यांनी उपरोधिक अंदाजात जया बच्चन यांच्या भूमिकेवर प्रश्न उपस्थित केला. संपूर्ण जगासमोर आपली भूमिका मांडण्यासाठी आंदोलनात बसायचं, मात्र पत्रकाराने ‘तुम्हाला नेमकं काय म्हणायचं आहे?’ असं विचारल्यावर उत्तर न देण्याची भूमिका कशी, असा सवाल कंगना यांनी केला.

याच आंदोलनादरम्यान जया बच्चन यांनी भाजपवर अप्रत्यक्ष निशाणा साधताना “गणेशजी चुकीच्या कामात मदत करत नाहीत”, असं म्हटलं आहे. तसंच, “जोपर्यंत माझे पाय साथ देतील, तोपर्यंत मी चालत राहीन,” असंही त्यांनी सांगितलं. त्यामुळे माइक हटवणाऱ्या व्हिडीओसोबतच त्यांची आंदोलनातील वक्तव्येही चर्चेचा विषय ठरली आहेत.

कंगना आणि जया बच्चन यांच्यात याआधीही अनेक मुद्द्यांवरून शाब्दिक संघर्ष पाहायला मिळाला आहे. त्यामुळे कंगना यांची ही नवी प्रतिक्रिया पुन्हा चर्चेत आली आहे. दरम्यान, या आंदोलनामागे SIR म्हणजेच मतदार याद्यांच्या Special Intensive Revision प्रक्रियेचा मुद्दा आहे. विरोधकांचा आरोप आहे की, मतदार याद्यांमध्ये झालेल्या बदलांमुळे मोठ्या प्रमाणावर मतदारांची नावं प्रभावित झाली असून या प्रक्रियेबाबत निवडणूक आयोगाने स्पष्टीकरण द्यावं. विरोधकांनी ज्ञानेश कुमार यांच्या राजीनाम्याची मागणीही केली आहे.

Follow Us
मुंबई जिल्हा बँकेत शिवसेना अतिरिक्त एका जागेसाठी आग्रही? अहिर म्हणाले?
Sachin Ahir : मुंबई जिल्हा बँकेत शिवसेना अतिरिक्त एका जागेसाठी आग्रही? सचिन अहिर काय म्हणाले?
मविआच्या कार्यकाळात पोलिसांच्या सुविधा मागे पडल्याचा देवेन भारतींचा...
Deven Bharati : डायल 112 पासून GPS ट्रॅकिंगपर्यंत…; मविआच्या कार्यकाळात पोलिसांच्या सुविधा मागे पडल्याचा देवेन भारतींचा दावा
चारा नसलेल्याने जनावरे डोंगरात सोडून देण्याची शेतकऱ्यांवर वेळ
Dharashiv Farmer : चारा नसलेल्याने जनावरे डोंगरात सोडून देण्याची शेतकऱ्यांवर वेळ
बाभळीच्या काट्यांच्या ढिगाऱ्यात भाविकांच्या उड्या; पुरंदरमधील गुळुंचे
Pune : बाभळीच्या काट्यांच्या ढिगाऱ्यात भाविकांच्या उड्या; पुरंदरमधील गुळुंचे गावची अनोखी काटेबारस यात्रा, व्हिडिओ बघाच
एकजूट नसल्यामुळेच यश...; EVM हटावच्या मागणीवर चंदनशिवे स्पष्टच बोलले
Nitin ChandanShive : एकजूट नसल्यामुळेच यश...; EVM हटावच्या मागणीवर नितीन चंदनशिवे स्पष्टच बोलले
माझ्याबाबत पवारांच्या मनात संशयाचं...; नरहरी झिरवाळांचं मोठं विधान
Narhari Zirwal on Sharad Pawar : माझ्याबाबत पवारांच्या मनात संशयाचं...; नरहरी झिरवाळांचं मोठं विधान
उसाला प्रतिटन 4200 रुपये भाव द्या; साडेतीन तासांचा रास्ता रोको अखेर...
Sugarcane Rate Protest : उसाला प्रतिटन 4200 रुपये भाव द्या; साडेतीन तासांचा रास्ता रोको अखेर स्थगित
गोशाळांसाठी फडणवीस सरकारचा मोठा निर्णय; व्यावसायिक दराऐवजी....
CM Devendra Fadnavis : गोशाळांसाठी फडणवीस सरकारचा मोठा निर्णय; व्यावसायिक दराऐवजी....
एका खासदाराचा भाव 150 कोटी; डिलिमिटेशनसाठी शाह खासदार विकत घेत आहेत...
Sanjay Raut : एका खासदाराचा भाव 150 कोटी; डिलिमिटेशनसाठी अमित शाह खासदार विकत घेत असल्याचा संजय राऊतांचा दावा
माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे...
Amol Kolhe : माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे स्पष्टच म्हणाले...