KL Rahul Athiya Shetty Wedding | सुनील शेट्टीच्या फार्महाऊसमध्ये सजला केएल राहुल-अथियाचा मंडप

खंडाळा: बॉलिवूड इंडस्ट्रीत पुन्हा एकदा सनई-चौघडे वाजत आहेत. अभिनेते सुनील शेट्टी यांची मुलगी आणि अभिनेत्री अथिया शेट्टी ही टीम इंडियाचा स्टार फलंदाज केएल राहुलशी लग्नगाठ बांधणार आहे. सुनील शेट्टी यांच्या खंडाळा इथल्या फार्महाऊसमध्ये हा लग्नसोहळा पार पडणार आहे. आजपासून (22 जानेवारी) लग्नापूर्वीच्या कार्यक्रमांना सुरुवात होणार आहे. अथिया आणि केएल राहुलच्या लग्नमंडपाचा व्हिडीओ सोशल मीडियावर लीक झाला आहे.

या लग्नसोहळ्याला फक्त 100 पाहुणे उपस्थित राहणार असल्याचं समजतंय. तर इतर काही सेलिब्रिटींप्रमाणेच अथिया आणि केएल राहुलनेही पाहुण्यांना ‘नो फोन’ पॉलिसीचं पालन करण्याची विनंती केली आहे. जेणेकरून लग्नाचे फोटो सोशल मीडियावर लीक होणार नाहीत. या लग्नाला जॅकी श्रॉफ, सलमान खान, अक्षय कुमार, एम. एस. धोनी, विराट कोहली हे सेलिब्रिटी हजेरी लावणार असल्याचं कळतंय.

 

हे सुद्धा वाचा

View this post on Instagram

 

A post shared by Viral Bhayani (@viralbhayani)

अथिया आणि केएल राहुल हे सोमवारी (23 जानेवारी) लग्नबंधनात अडकणार आहेत. खंडाळा इथल्या फार्महाऊसवर लग्नमंडप सजला असून त्याचे व्हिडीओ सोशल मीडियावर व्हायरल होत आहेत.

संगीत कार्यक्रमात अथियाचे मित्रमैत्रिणी, भाऊ अहान शेट्टी, आई माया शेट्टी आणि वडील सुनील शेट्टी हे डान्स परफॉर्म करणार असल्याचंही समजतंय. या लग्नाला बॉलिवूडमधील मोजकेच सेलिब्रिटी उपस्थित राहणार आहेत.

2019 मध्ये एका कॉमन फ्रेंडच्या माध्यमातून या दोघांची भेट झाली. पहिल्या भेटीतच दोघांची चांगली मैत्री झाली होती. त्यावेळी फॅशन डिझायनर विक्रम फडणीस यांनीसुद्धा सोशल मीडियावर अथियाच्या डेटिंग लाइफविषयी हिंट दिली होती. 2021 मध्ये अथियाच्या वाढदिवशी केएल राहुलने तिच्यासोबतचा फोटो पोस्ट करत रिलेशनशिप जाहीर केलं होतं.

अथियाने 2015 मध्ये ‘हिरो’ या चित्रपटातून बॉलिवूडमध्ये पदार्पण केलं. त्यानंतर ती मुबारकां (2017) आणि मोतीचूर चकनाचूर (2019) या दोन चित्रपटांमध्येच झळकली आहे. अथिया लवकरच फुटबॉलपटू अफशान आशिकचा बायोपिक ‘होप सोलो’मध्ये मुख्य भूमिकेत दिसणार असल्याचं वृत्त आहे.