मौनी रॉयच्या घटस्फोटामागचं खरं कारण समोर; लग्नाच्या 4 वर्षांनंतर पती सूरजने..

‘नागिन’ फेम अभिनेत्री मौनी रॉय आणि तिचा पती सूरज नांबियार यांच्या घटस्फोटाच्या चर्चांना उधाण आलं आहे. लग्नाच्या चार वर्षांनंतर या दोघांच्या वैवाहिक आयुष्यात समस्या निर्माण झाल्याचं म्हटलं जात आहे. मौनी आणि सूरज यांनी इन्स्टाग्रामवर एकमेकांना अनफॉलो केल्यानंतर चाहत्यांनी घटस्फोटाचा अंदाज वर्तवला आहे. इतकंच नव्हे तर मौनी आणि सूरज गेल्या काही दिवसांपासून वेगवेगळे राहत असल्याचंही समजतंय. यादरम्यान मौनी आणि सूरज यांच्यात नेमकं कुठे बिनसलं, असा प्रश्न चाहत्यांकडून विचारला जात आहे. ‘एबीपी न्यूज’च्या ‘सास बहू और साजिश’ या शोमध्ये सूत्रांच्या हवाल्याने मौनी आणि सूरजच्या घटस्फोटामागचं नेमकं कारण सांगितलं गेलं आहे. सूरजने मौनीची फसवणूक केल्याचं वृत्त या शोमध्ये दिलं आहे.

सूरजने मौनी रॉयची नात्यात फसवणूक केली आणि त्याने तिच्या पैशांचाही वापर केला, असं त्यात म्हटलं गेलं आहे. म्हणूनच दोघांनी घटस्फोटाचा निर्णय घेतला असून गेल्या काही दिवसांपासून ते वेगवेगळे राहत आहेत. मौनीने तिच्या इन्स्टाग्राम अकाऊंटवरून सूरजसोबतचे सर्व फोटोसुद्धा काढून टाकले आहेत. तर सूरजने या चर्चांदरम्यान थेट त्याच इन्स्टाग्राम अकाऊंट बंद केला आहे. या चर्चांवर अद्याप दोघांकडून कोणतीच प्रतिक्रिया समोर आली नाही.

View this post on Instagram

A post shared by mon (@imouniroy)

सूरज हा प्रसिद्ध बँकर आहे. तसंच त्याचा बिझनेससुद्धा आहे. 2019 मध्ये सूरज आणि मौनी यांची दुबईत एका पार्टीदरम्यान भेट झाली होती. या भेटीदरम्यान दोघांची चांगली मैत्री झाली आणि नंतर त्याचं प्रेमात रुपांतर झालं. सूरज आणि मौनी यांनी 2022 मध्ये लग्न केलं होतं. गोव्यात मल्याळम आणि बंगाली अशा दोन्ही पद्धतीनुसार धूमधडाक्यात विवाहसोहळा पार पडला होता. आता घटस्फोटाच्या चर्चांदरम्यान मौनीची अत्यंत जवळची मैत्री आणि अभिनेत्री दिशा पटानीनेही सूरज नांबियारला इन्स्टाग्रामवर अनफॉलो केलं आहे.

मौनी ही टेलिव्हिजनवरील सर्वांत लोकप्रिय अभिनेत्री आहे. तिने काही बॉलिवूड चित्रपटांमध्येही भूमिका साकारल्या आहेत. मौनीने 2006 मध्ये ‘क्योंकी सास भी कभी बहु थी’ या मालिकेतून करिअरची सुरुवात केली होती. त्यानंतर तिने ‘कस्तुरी’, ‘देवों के देव.. महादेव’, ‘झलक दिखला जा 7’, ‘नागिन’ यांसारख्या मालिकांमध्येही भूमिका साकारल्या आहेत.