Hrithik Diet Plan : मिस्टर फिट हृतिकचा बर्थ डे, जाणून घ्या काय आहे त्याचा डाएट प्लॅन

अभिनेता हृतिक रोशन आज त्याचा 47 वा वाढदिवस साजरा करत आहे.(Mr. Fit Hrithik's Birthday, find out what his diet plan is)

  • Updated On - 12:37 pm, Sun, 10 January 21
Hrithik Diet Plan : मिस्टर फिट हृतिकचा बर्थ डे, जाणून घ्या काय आहे त्याचा डाएट प्लॅन

मुंबई : बॉलिवूड अभिनेता हृतिक रोशनला इंडस्ट्रीमधील सर्वात फिट कलाकार म्हटलं जातं. तो बर्‍याचदा आपल्या चाहत्यांसोबत फिटनेस टिप्स शेअर करत असतो. हृतिकच्या सिक्स पॅकवर अनेक जण फिदा होतात. तो स्वत:ला तंदुरुस्त ठेवण्यासाठी दररोज व्यायाम करतो. आज हृतिक त्याचा वाढदिवस साजरा करतोय. तो आपल्या डाएट प्लॅनबद्दल बर्‍याचदा बोलला आहे. तर त्याच्या वाढदिवसा निमित्त त्याचा डाइट प्लॅन कसा आहे ते जाणून घेऊया.

एका खास मुलाखतीत हृतिक रोशननं आपल्याला काय खायला आवतं हे सांगितलं होतं. तो सांगतो, “मी आहारात नेहमी प्रथिने आणि कार्ब्स खातो. सोबतच चिट डेला मी सर्व प्रकारच्या भाज्या खातो.’

मात्र 47 वर्षांचा हृतिक रोशन अजून काय खातो, ज्यामुळे तो अजूनही 28 वर्षांचा दिसतो. बॉलिवूड हंगामाला दिलेल्या मुलाखतीत हृतिक रोशननं सांगितलं होतं की त्याचा आहार दोन भागात विभागलेला आहे. एका आहारात बरीच शिस्त असते तर दुसर्‍या डाएटमध्ये थोड्या प्रमाणात चिट केलेलं असतं. सकाळी उठताच हृतिक 6 अंडी खातो. ज्यामध्ये तो अंड्याचा फक्त पांढरा भाग खातो.”त्यानंतर पुढील चार मिलसाठी माझ्याकडे वेळापत्रक आहे, जे मी एका बॉक्समध्ये ठेवतो, ज्यामध्ये 70 ग्रॅम प्रथिने, काही कोशिंबीर, भाजीपाला असतो.” असंही हृतिकनं सांगितलं आहे.

हृतिकनं त्याच्या आवडीच्या फळ्यांबद्दल आणि भाज्या याबद्दलही सांगितलंय. केळी, आंबा, सफरचंद, टरबूज त्याला आवडतात. त्याच्या आहारात आलं, हळद, गरम पाणी यासारखे रोगप्रतिकार शक्ती वाढविणारे पदार्थ असतात. हृतिक सांगतो की योग्य आहाराबरोबर योग्य कसरत देखील खूप महत्वाची आहे. त्याचबरोबर या गोष्टी नियमितपणे घेणे ही सर्वात मोठी गोष्ट आहे. जे आपल्या शरीरास तंदुरुस्त राहण्यास मदत करते.

संबंधित बातम्या 

B’Day Special | हृतिकचा पहिला चित्रपट हिट झाली अन त्याच्या वडिलांना डॉन अबू सालेमने सहा गोळ्या घातल्या….

Drugs Case | दिया मिर्झाच्या एक्स मॅनेजरला NCB कडून अटक, तब्बल 200 किलो गांजा जप्त!

Published On - 12:37 pm, Sun, 10 January 21

Click on your DTH Provider to Add TV9 MARATHI