‘पुष्पा 2’ चित्रपटाची बंपर कमाई, वरुण धवनच्या चित्रपटाला टाकलं मागे

Pushpa 2 Box Office Collection : ‘पुष्पा 2’ बॉक्स ऑफिसवर आपली पकड कायम ठेवत आहे. प्रदर्शनाच्या चौथ्या आठवड्यात हा चित्रपट कोट्यवधींची कमाई करत आहे आणि रोज त्याचे कलेक्शन वाढवत आहे. मात्र, आता या चित्रपटाचा व्यवसाय घसरत चालला आहे. असे असूनही हा चित्रपट नुकत्याच प्रदर्शित झालेल्या चित्रपटांपेक्षा जास्त कलेक्शन करत असून तिकीट खिडकीवर अव्वल स्थान कायम राखत आहे. या अ‍ॅक्शन थ्रिलरने रिलीजच्या 23 व्या दिवशी किती कलेक्शन केले आहे. चला तर मग जाणून घेऊया.

‘पुष्पा 2’ने प्रदर्शनाच्या 23 व्या दिवशी किती कमाई केली?

‘पुष्पा 2’ बॉक्स ऑफिसवर धुमाकूळ घालत आहे. या चित्रपटाने आतापर्यंत अनेक विक्रम केले असून दक्षिणेपासून बॉलिवूडपर्यंत सर्व चित्रपटांना मागे टाकले आहे. हा चित्रपट देशातील सर्वाधिक कमाई करणारा चित्रपट ठरला आहे. पण, तरीही त्याच्या कमाईचा वेग थांबण्याचे नाव घेत नाही.

‘पुष्पा 2’ हा 23 दिवस जुना हा चित्रपट वरुण धवनच्या नुकत्याच प्रदर्शित झालेल्या बेबी जॉनपेक्षाही जास्त कमाई करत आहे. सध्या ‘पुष्पा 2’ला टक्कर देणारं कुणीच नाही आणि यासोबतच हा अ‍ॅक्शन थ्रिलर रोज नवनवीन कामगिरी करत आहे.

चित्रपटाच्या कमाईबद्दल बोलायचे झाले तर ‘पुष्पा 2’ने प्रदर्शनाच्या पहिल्या आठवड्यात 725.8 कोटींची कमाई केली. दुसऱ्या आठवड्यात या चित्रपटाने 264.8 कोटींची कमाई केली. तिसऱ्या आठवड्यात ‘पुष्पा 2’ने 129.5 कोटींची कमाई केली आहे. ‘पुष्पा 2’च्या प्रदर्शनाच्या 23 व्या दिवसाच्या कमाईचे प्राथमिक आकडे समोर आले आहेत.

‘पुष्पा 2’च्या कमाईचे आकडे

सनलिकच्या अर्ली ट्रेंड्स रिपोर्टनुसार, ‘पुष्पा 2’ने प्रदर्शनाच्या 23 व्या दिवशी 8.75 कोटींची कमाई केली आहे. त्यामुळे ‘पुष्पा 2’ची 23 दिवसांची कमाई आता 1128.85 कोटी रुपये झाली आहे. 23 दिवसांत या चित्रपटाने तेलुगूमध्ये 320.13 कोटी रुपये, हिंदीमध्ये 731.15 कोटी रुपये, तमिळमध्ये 55.95 कोटी रुपये, कन्नडमध्ये 7.53 कोटी रुपये आणि मल्याळममध्ये 14.09 कोटी रुपये जमा केले आहेत.

चौथ्या शुक्रवारी ‘पुष्पा 2’च्या कमाईत घट

चौथ्या शुक्रवारी ‘पुष्पा 2’च्या कमाईत घट झाली असली तरी चौथ्या वीकेंडला हा चित्रपट पुन्हा एकदा मोठी धमाल उडवू शकतो आणि कलेक्शन वाढवू शकतो. आशा आहे की, ‘पुष्पा 2’ चौथ्या वीकेंडला 1200 कोटी क्लबला सुरुवात करेल. मात्र आता चौथ्या वीकेंडला ‘पुष्पा 2’ कशी कामगिरी करते हे पाहणं औत्सुक्याचं ठरणार आहे.