Rakhi Sawant | तुरुंगात आदिलची भेट घेतल्यानंतर राखी सावंतचा राग अनावर; म्हणाली “त्याची सगळी पोलखोल..”
आदिल कोठडीत असताना राखी त्याला भेटायला गेली. मात्र जेव्हा ती त्याला भेटून बाहेर आली, तेव्हा ती रागाच्या भरात दिसली. आदिलबद्दल बोलताना राखी म्हणाली की "मी त्याची सर्व पोलखोल करेन." तिचा हा व्हिडीओ सध्या सोशल मीडियावर व्हायरल होत आहे.
मुंबई : अभिनेत्री राखी सावंतचा पती आदिल खान दुर्रानी सध्या न्यायालयीन कोठडीत आहे. राखीने त्याच्यावर फसवणुकीचा, मारहाण केल्याचा आणि पैसे बळकावल्याचा आरोप केला आहे. राखीच्या तक्रारीनंतर ओशिवरा पोलिसांनी आदिलविरोधात एफआयआर दाखल केली होती. त्यानंतर त्याला अटक करण्यात आली. आदिल कोठडीत असताना राखी त्याला भेटायला गेली. मात्र जेव्हा ती त्याला भेटून बाहेर आली, तेव्हा ती रागाच्या भरात दिसली. आदिलबद्दल बोलताना राखी म्हणाली की “मी त्याची सर्व पोलखोल करेन.” तिचा हा व्हिडीओ सध्या सोशल मीडियावर व्हायरल होत आहे.
आदिलची भेट घेतल्यानंतरचा राखीचा हा व्हिडीओ आहे. आदिलच्या कुटुंबीयांकडून तिलो कोणता कॉल किंवा मेसेज आला का, असा प्रश्न राखीला विचारण्यात आला. त्यावर ती म्हणते, “त्यांना माहितीये की त्यांचा मुलगा किती सेटिंगबाज आहे. तो तुरुंगातून सुटून जाईल. मात्र मीसुद्धा बघेन की तो कसा सुटतो? ही राखी सावंतची केस आहे. मी मीडियासमोर त्याची सर्व पोलखोल करेन, मी शांत बसणार नाही.”
बिग बॉस मराठीच्या घरात असताना राखीने आदिलला काही पैसे दिले होते. हे पैसे तिने तिच्या आजारी आईच्या उपचारासाठी त्याच्याकडे दिले होते. काही दिवसांपूर्वीच राखीच्या आईचं कॅन्सर आणि ब्रेन ट्युमरने निधन झालं. त्यानंतर राखीने आदिलवर तिचे पैसे हडपल्याचा आरोप केला आहे. “मी त्याला विचारलं की माझे 1 कोटी 60 लाख रुपये त्याने कुठे ठेवले आहेत? मी त्याला नव्या कारविषयीही प्रश्न विचारला. मात्र तो माझ्याशी नीट बोलला नाही. तुला काय करायचंय असं उत्तर त्याने दिलं. मी सुद्धा त्याला माफ करणार नाही”, असं राखी म्हणाली.
View this post on Instagram
गर्भपाताचा आरोप
“बिग बॉसमध्ये जाण्यापूर्वी माझं एक ऑपरेशन झालं होतं. मला त्यांनी सांगण्यास नकार दिला होता. मात्र आता मी शांत बसणार नाही. माझा खूप मोठा ऑपरेशन झाला होता आणि त्यानंतर डॉक्टरांनी सांगितलं होतं की तीन महिन्यांपर्यंत तुम्ही काहीच करू शकत नाही. मात्र तो 10 दिवससुद्धा थांबू शकला नव्हता. डॉक्टरांनी मला सांगितलं होतं की जर आता तू प्रेग्नंट राहिलीस तर तुझ्या प्रकृतीसाठी ते ठीक नसेल. तुझ्या जीवालाही धोका आहे”, असाही आरोप राखीने याआधी केला होता.
View this post on Instagram
“तुम्ही बिग बॉस मराठी पाहिला असेल तर तुमच्या लक्षात येईल की मी म्हटलं होतं, मी गरोदर आहे. तुमच्याकडे ते फुटेज असेल तर काढून पहा. मी प्रेग्नंट होती, मात्र जेव्हा बिग बॉसच्या घराबाहेर आली तेव्हा त्याने माझ्याशी लग्न करण्यास नकार दिला. तेव्हाच माझा गर्भपात झाला”, असं ती म्हणाली होती.
