Salman Khan | अखेर सलमानच्या मिस्ट्री गर्लचा चेहरा समोर; फोटो पाहून तुम्हीही व्हाल थक्क!
सलमान खानच्या फोटोतील ती मिस्ट्री गर्ल नेमकी आहे तरी कोण, असा प्रश्न अनेकांना पडला होता. त्यावरून आता खुद्द सलमाननेच पडदा उचलला आहे. सोमवारी बॉलिवूडच्या 'दबंग' खानने त्या मुलीसोबतचे आणखी दोन फोटो इन्स्टाग्रामवर पोस्ट केले आहेत.
मुंबई | 9 ऑक्टोबर 2023 : अभिनेता सलमान खानने रविवारी 8 ऑक्टोबर रोजी सोशल मीडियावर एक फोटो पोस्ट करून सर्वांनाच मोठा धक्का दिला होता. सलमानने त्याच्या इंस्टाग्राम अकाऊंटवर एका मुलीसोबतचा फोटो पोस्ट केला होता. मात्र या फोटोमध्ये ती मुलगी नेमकी कोण आहे हे कळू शकलं नव्हतं. सलमानसोबत फोटोमध्ये पाठमोरी उभी असलेली मिस्ट्री गर्ल नेमकी आहे तरी कोण असा प्रश्न चाहत्यांना पडला होता. सलमानने या फोटोच्या कॅप्शनमध्ये लिहिलं होतं, ‘मी नेहमीच तुझ्यासोबत उभा राहीन.’ बॉलिवूडचा मोस्ट एलिजिबल बॅचलर म्हणून ओळखल्या जाणाऱ्या सलमानची ही जोडीदार तर नाही ना, असाही प्रश्न अनेकांना पडला होता. अखेर आता खुद्द सलमाननेच मिस्ट्री गर्लच्या चेहऱ्यावरून पडदा उचलला आहे.
सोमवारी सलमानने इंस्टाग्रामवर तिच्यासोबतचा आणखी एक फोटो पोस्ट केला आहे. या फोटोमुळे सलमानसोबत ती मिस्ट्री गर्ल नेमकी कोण होती, हे समजलं. ती मुलगी दुसरी-तिसरी कोणी नसून सलमानची भाची अलिझे अग्निहोत्री आहे. अलिझे सलमानची बहीण अलविरा खान आणि मेहुणा अतुल अग्निहोत्री यांची मुलगी आहे. सलमानसोबत मिळून तिने नुकतंच एका कपड्यांच्या ब्रँडसाठी फोटोशूट केलं आहे. याशिवाय अलिझे लवकरच बॉलिवूडमध्ये पदार्पण करणार आहे.
View this post on Instagram
सलमानच्या चित्रपटांबद्दल बोलायचं झाल्यास, त्याचा बहुप्रतिक्षित ‘टायगर 3’ हा चित्रपट येत्या दिवाळीच्या मुहूर्तावर प्रेक्षकांच्या भेटीला येणार आहे. यामध्ये त्याच्यासोबत कतरीना कैफची मुख्य भूमिका आहे. याशिवाय शाहरुख खान यामध्ये पाहुणा कलाकाराच्या भूमिकेत झळकणार आहे. ‘टायगर 3’मध्ये सलमान आणि कतरिनाचा ॲक्शन अंदाज प्रेक्षकांना पाहायला मिळणार आहे. त्याविषयी चाहत्यांमध्ये प्रचंड उत्सुकता आहे. ‘टायगर 3’ फ्रॅंचाइजीमधील आधीचे दोन चित्रपटसुद्धा बॉक्स ऑफिसवर तुफान हिट झाले होते.
याशिवाय शाहरुख खान आणि सलमान खान ही सुपरहिट जोडी एका नव्या चित्रपटातून प्रेक्षकांच्या भेटीला येणार आहे. ‘टायगर वर्सेस पठाण’ या चित्रपटात किंग खान आणि बॉलिवूडचा भाईजान हे एकमेकांसमोर येणार आहेत. मार्च 2024 मध्ये या चित्रपटाच्या शूटिंगला सुरुवात होईल. ‘टायगर वर्सेस पठाण’ या चित्रपटाची निर्मिती आदित्य चोप्रा करणार आहे. शाहरुख आणि सलमान यांना वेगवेगळ्या मीटिंगमध्ये बोलावून त्यांना कथा ऐकवण्यात आली होती. त्यानंतर दोघांनीही एकत्र काम करण्यास होकार दिला आहे.
