शाहरुख खानचे 24 तास कसे असतात? आजही खात नाही हे पदार्थ; किती वाजता झोपतो? किंग खानचं शेड्यूल
बॉलिवूडचा किंग खान म्हणजेच शाहरूख खानचे करोडो फॅन आहेत. तसेच तो त्यांच्या जगण्यातून, विचारांतून लोकांना प्रेरणा देत असतो. चाहते शाहरूख खानच्या शेड्यूलबद्दल जाणून घेण्यासाठी नेहमीच उत्सुक असतात. चला जाणून घेऊयात की शाहरूखचे 24 तास नक्की कसे असतात.
बॉलिवूडचा बादशाह शाहरुख खानचे आयुष्य नेहमीच चर्चेत असते. मोठ्या पडद्यावर आपल्या अभिनयाने लाखो प्रेक्षकांना वेड लावणारा बॉलिवूडचा ‘किंग खान’ कॅमेऱ्यामागे आपले आयुष्य कसे घालवतो? त्याची दिनचर्या त्याच्या स्टाईलइतकीच फिल्मी आहे का? कि काही वेगळी आहे? हे जाणून घेण्याची सर्वांनाच उत्सुकता असते.
शाहरूख किती तास झोपतो
आरोग्यासाठी 7 ते 8 तास झोपणे खूप महत्वाचं असतं असं म्हटलं जातं. पण शाहरुख खान या बाबतीत पूर्णपणे वेगळा आहे. तुम्हाला हे जाणून खूप आश्चर्य वाटेल की किंग खान दिवसातून फक्त 3 ते 4 तास झोपतो. मात्र कमी झोपूनही त्याची ऊर्जा कधीही कमी होत नाही, ज्यामुळे त्याचे चाहतेही आश्चर्यचकित होतात. एका मुलाखतीत त्याने स्वत:च त्याच्या झोपेबद्दल सांगितलं होतं की, “मी सकाळी 5 वाजता झोपायला जातो. जग जागे असताना मी झोपतो. आणि जर माझे शूटिंग असेल तर मी 9 किंवा 10 वाजता उठतो. पण जर मी रात्री 2 वाजता जरी घरी आलो तर प्रथम मी आंघोळ करतो आणि व्यायाम करतो आणि नंतर झोपायला जातो.”
दिवसातून फक्त एवढ्याच वेळेला जेवतो शाहरूख
शाहरुख खानचे तंदुरुस्त शरीरयष्टी आणि त्याचा नेहमीच तरुण दिसणारा चेहरा पाहून असे वाटते की तो त्याच्या खाण्याच्या सवयींबद्दल खूप काळजी घेत असावा. त्याचा खाण्याचा दिनक्रम आपल्याला वाटतो तितका कठीण नाही. शाहरुख खान दिवसातून फक्त दोनदाच जेवतो, दुपारचे जेवण आणि रात्रीचे जेवण. त्याचे जेवण खूप साधे आणि आरोग्यदायी असते. त्याच्या जेवणात बहुतेकदा स्प्राउट्स, ग्रील्ड चिकन आणि कधीकधी डाळ असते. ब्रोकोलीसारख्या निरोगी भाज्या देखील त्याच्या आहाराचा एक भाग आहेत. तसेच आजही तो पांढरा भात, पांढरा ब्रेड, साखर अशा गोष्टींपासून दूर राहतो. तो हे पदार्थ आजही खात नाही. हेच त्याच्या जबरदस्त फिटनेसचे एक मोठे रहस्य आहे.
शाहरूख खानचं जेवण कसं असतं?
एका जुन्या मुलाखतीत त्यांनी त्यांच्या आहाराबद्दल सांगितले होते की, “मी बहुतेकदा खूप साधे अन्न खातो. मी दिवसातून फक्त दोनदाच जेवतो – दुपारचे जेवण आणि रात्रीचे जेवण. याशिवाय, मी मधल्या काळात काहीही खात नाही. मला जास्त शिजवलेले किंवा विशेष पदार्थ आवडत नाहीत. माझ्या जेवणात सहसा कडाधान्य, ग्रील्ड चिकन, ब्रोकोली आणि कधीकधी काहीवेळेला मसूर असते. मी अनेक वर्षांपासून याच कोणताही बदल न करता दररोज तेच खात आहे.”
“जर मी प्रवास करत असलो, किंवा कोणाच्या घरी जेवत असलो”
तथापि, त्याने असेही म्हटले आहे की जर तो कुठेतरी बाहेर गेला किंवा मित्रांच्या किंवा नातेवाईकांच्या घरी असेल तर जे काही मिळेल ते तो आनंदाने खातो. तो म्हणाला , “जर मी प्रवास करत असलो, किंवा कोणाच्या घरी जेवत असलो, तर ते मला जे काही प्रेमाने खायला देतात – मग ते बिर्याणी, रोटी, पराठे, तुपात शिजवलेले अन्न असो किंवा लस्सीचा ग्लास असो – मी ते सर्व खातो. इतरांसोबत जेवताना मी स्वतःला आवर घालत नाही.”
शाहरुख खान रात्री का जागा असतो?
शाहरूखला रात्री काम करायला खूप आवडतं. चित्रपटाची पटकथा वाचणे असो, त्याच्या पुढच्या चित्रपटाचे नियोजन करणे असो किंवा त्याच्या कंपनी रेड चिलीज एंटरटेनमेंटचे काम पाहणे असो, शाहरुख रात्रीच्या शांत वातावरणात चांगले काम करू शकतो. त्याचे मन रात्री सर्वात जलद काम करते आणि कदाचित हेच कारण आहे की त्याच्या डोक्यात नवीन विचार फक्त रात्रीच येतात. कामाबद्दलच्या त्याच्या प्रेमाबद्दल आणि समर्पणाबद्दल, शाहरुख एकदा म्हणाला होता, “जगात फक्त एकच धर्म आहे – कठोर परिश्रम.” आणि त्याच्या कठोर परिश्रमाच्या या सवयीमुळे तो आज बॉलिवूडचा ‘बादशाह’ आहे.
View this post on Instagram
24 तासांपैकी 2-3 तास बाथरूमसाठी
तुम्हाला हे जाणून सर्वात जास्त आश्चर्य वाटेल की शाहरुख खान त्याच्या 24 तासांपैकी 2 ते 3 तास बाथरूममध्ये घालवतो. त्याचे सेलिब्रिटी मित्र अनेकदा त्याची याबद्दल खिल्ली उडवतात आणि शाहरुखची ही विचित्र सवय चाहत्यांमध्ये चर्चेचा विषय बनली आहे. पण प्रत्यक्षात, ‘मन्नत’चे बाथरूम शाहरुख खानसाठी सर्वात खास आहे, कारण तो तिथे पूर्णपणे शांत आणि आरामदायी वाटतो. त्याच्या बाथरूममध्ये टीव्हीपासून फोनपर्यंत सर्व सुविधा आहेत. हा त्याचा ‘मी टाइम’ असतो असंही त्याने म्हटलं आहे. जिथे तो जगाच्या धावपळीपासून एकटा वेळ घालवतो.
फिटनेसची आवड
सामान्य लोक सकाळी किंवा संध्याकाळी व्यायाम करणे पसंत करतात, तर किंग खान रात्री व्यायाम करतो. त्याचा व्यायाम दिनक्रम खूपच,वेगळा असतो. तो 1 तासाच्या व्यायामात 100 पुशअप्स आणि 60 पुलअप्स करतो. याशिवाय तो वेट ट्रेनिंग, कार्डिओ (धावणे, सायकलिंग) आणि इतर प्रकारचे व्यायाम देखील करतो. तो व्यायामानंतर प्रोटीन शेक पिण्यास कधीही विसरत नाही.
त्याच्या फिटनेसबद्दल बोलताना शाहरुख म्हणाला होता, “वयाच्या 55 व्या वर्षी मी थोडा विश्रांती घेण्याचा विचार केला. पण करोनाच्या काळात, जेव्हा फारसे काही घडत नव्हते, तेव्हा मी माझ्या आजूबाजूच्या सर्वांना काहीतरी नवीन शिकण्यास सांगितले – जसे की इटालियन जेवण बनवायला शिकणे – आणि व्यायाम सुरू करण्यास सांगितले. मी माझ्या स्वतःच्या सल्ल्याचे पालन केले, नियमितपणे व्यायाम केला आणि मला अभिमान वाटेल असे शरीर तयार केले.” तथापि, शाहरुख त्याच्या प्रोजेक्ट्सनुसार त्याची फिटनेस दिनचर्या देखील बदलतो.
कुटुंबाला पूर्ण वेळ द्या.
इतक्या व्यस्त दिनचर्येतही, शाहरुख खान त्याच्या कुटुंबाला पूर्ण वेळ देतो. त्याला त्याच्या मुलांसोबत (आर्यन, सुहाना आणि अब्राम) वेळ घालवायला खूप आवडतो.
अर्थातच, सुपरस्टार होणे सोपे नाही. सोशल मीडियावर ग्लॅमरस दिसणारे हे जीवन प्रत्यक्षात कठोर परिश्रम, दृढनिश्चय आणि प्रचंड समर्पणाने भरलेले आहे. त्याची कमी झोप, साधे जेवण, रात्री काम करण्याची सवय आणि त्याच्या फिटनेसवर लक्ष केंद्रित करणे, हे सर्व त्याला केवळ एक सुपरस्टारच नाही तर खरा प्रेरणास्थान बनवते.
