Shah Rukh khan | ‘एवढ्या मुली कशाला सर?’, चाहत्याच्या प्रश्नावर शाहरुख खान याचं लक्षवेधी उत्तर

मुंबई : 9 सप्टेंबर 2023 | अभिनेता शाहरुख खान सध्या ‘जवान’ सिनेमामुळे चर्चेत आहे. ७ सप्टेंबर रोजी प्रदर्शित झालेला ‘जवान’ सिनेमा बॉक्स ऑफिसवर नवीन विक्रम रचताना दिसत आहे. सिनेमाने तीन दिवसांत तब्बल २०० कोटी रुपयांचा गल्ला जमा केला आहे. किंग खान याला पाहण्यासाठी चाहते चित्रपटगृहात गर्दी करताना दिसत आहेत. अशात शाहरुख देखील चाहत्यांचे आभार मानन्यासाठी एकही संधी सोडत नाही. सोशल मीडियाच्या माध्यामातून किंग खान चाहत्यांच्या संपर्कात राहण्याचा प्रयत्न करत आहे. चाहत्यांच्या सर्व प्रश्नांची उत्तर शाहरुख खान याने किंग खानच्या अंदाजात देत आहे. आता देखील अभिनेत्याने चाहत्यांच्या एका प्रश्नाचं उत्तर दिलं आहे. अभिनेत्याची सोशल मीडिया पोस्ट सध्या सोशल मीडियावर तुफान व्हायरल होत आहे.

सोशल मीडियावर चाहत्याने शाहरुख खान याला विचारलं, ‘एवढ्या मुली कशाला सर?’ चाहत्यांचं प्रश्नाचं उत्तर देत किंग खान म्हणाला, ‘ते सगळं का मोजत आहेस… माझा लूक मोज ना…. मनात प्रेम आणि सन्मान ठेवा… आई आणि मुलींचा सन्मान करा आणि भविष्याकडे पाहा…’ सध्या अभिनेत्याने दिलेलं लक्षवेधी उत्तर सोशल मीडियावर तुफान व्हायरल होत आहे.

Yeh sab kyun ginn raha hai… mere looks ginn na!! Keep love and respect in your heart and maa aur beti ka samman karo….aur aage badho! https://t.co/Gb8dC0fYr1

— Shah Rukh Khan (@iamsrk) September 9, 2023

अभिनेता शाहरुख खान स्टारर ‘जवान’ सिनेमात अनेक अभिनेत्री महत्त्वाच्या भूमिकेतून चाहत्यांच्या भेटीस आल्या आहेत. अभिनेत्री दीपिका पादुकोण, नयनतारा याच्यासोबत सान्य मल्होत्रा, गिरीजा ओक, प्रियामणी, रिद्धी डोगरा, संजीता भटाचार्य, ऋतुजा शिंदे या अभिनेत्री महत्त्वाच्या भूमिकेत दिसत आहेत. सध्या सर्वत्र ‘जवान’ सिनेमाची चर्चा रंगत आहेत.

जवान सिनेमाची कमाई

रिपोर्टनुसार, तिसऱ्या दिवशी म्हणजेच शनिवारी ‘जवान’ सिनेमाने देशात जवळपास ७४.५ कोटी रुपयांची कमाई केली आहे. यामध्ये ६६ कोटी हिंदी भाषा, ५ कोटी तमिळ आणि ३.५ कोटी तेलुगू भाषेचा समावेश आहे. अशात तीन दिवसांत सिनेमाने २०० कोटी रुपयांचा गल्ला पार केल्यामुळे किंग खान याने वेगळा विक्रम रचला आहे.