AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

संस्कारांवर प्रश्न होताच सोनाक्षीनंतर शत्रुघ्न सिन्हांनी मुकेश खन्ना यांना केलं ‘खामोश’!

केबीसीमध्ये सोनाक्षी सिन्हाला 'रामायण'बद्दल एक प्रश्न विचारण्यात आला होता. त्याचं उत्तर तिला न देता आल्याने मुकेश खन्ना यांनी तिच्यावर टीके केली. इतकंच नव्हे तर तिच्या संगोपनावरही प्रश्न उपस्थित केले. त्यावर आता शत्रुघ्न सिन्हा यांनी उत्तर दिलंय.

संस्कारांवर प्रश्न होताच सोनाक्षीनंतर शत्रुघ्न सिन्हांनी मुकेश खन्ना यांना केलं 'खामोश'!
Sonakshi and Shatrughan Sinha and Mukesh KhannaImage Credit source: Instagram
| Updated on: Dec 17, 2024 | 3:15 PM
Share

‘शक्तीमान’ फेम अभिनेते मुकेश खन्ना यांनी अभिनेत्री सोनाक्षी सिन्हाबाबत केलेल्या वक्तव्यानंतर चांगलाच वाद निर्माण झाला आहे. 2019 मध्ये अमिताभ बच्चन यांच्या ‘कौन बनेगा करोडपती’ या शोमध्ये सोनाक्षीला रामायणासंदर्भातील प्रश्नाचं उत्तर देता आलं नव्हतं. यावरून मुकेश यांनी सोनाक्षी आणि तिच्या संस्कारांवर प्रश्न उपस्थित केले. रामायणात हनुमान यांनी संजीवनी बूटी कोणासाठी आणली होती, असा प्रश्न सोनाक्षीला शोमध्ये विचारला गेलो होता. त्यावर ती उत्तर देऊ शकली नव्हती. मुकेश खन्ना यांनी यावरून अनेकदा सोनाक्षीवर टीका केली. आता पुन्हा एकदा त्यांनी सोनाक्षीवर टीका करत तिच्या संगोपनावर प्रश्न उपस्थित केला. तेव्हा सोनाक्षीनेही त्यांना सडेतोड उत्तर देण्याचं ठरवलं. सोनाक्षीने तिच्या पोस्टद्वारे मुकेश यांना उत्तर दिल्यानंतर तिचे वडील शत्रुघ्न सिन्हा यांनीसुद्धा मुकेश यांच्यावर टीका केली आहे.

काय म्हणाले शत्रुघ्न सिन्हा?

‘बॉलिवूड हंगामा’ला दिलेल्या मुलाखतीत शत्रुघ्न सिन्हा हे मुकेश खन्ना यांचं नाव न घेता म्हणाले, “रामायणाशी संबंधित प्रश्नाचं उत्तर सोनाक्षीने न दिल्यामुळे एका व्यक्तीला समस्या असल्याचं मला समजलंय. पहिली गोष्ट म्हणजे रामायणातील सर्व गोष्टींमध्ये तज्ज्ञ होण्यासाठी ही व्यक्ती पात्र आहे का? आणि हिंदू धर्माचं पालक म्हणून त्यांना कोणी नेमलंय? मला माझ्या तिन्ही मुलांवर अभिमान आहे. सोनाक्षी तिच्या स्वत:च्या बळावर स्टार बनली. मी तिला कधीच करिअरमध्ये लाँच केलं नाही. ती अशी मुलगी आहे, जिचा कोणत्याही वडिलांना अभिमानच वाटेल. रामायणाशी संबंधित प्रश्नाचं उत्तर न दिल्याने सोनाक्षी चांगली हिंदू होण्यास अपात्र ठरत नाही. तिला कोणाच्याही मान्यतेच्या प्रमाणपत्राची गरज नाही.”

सोनाक्षीचं सडेतोड उत्तर

नुकत्याच दिलेल्या एका मुलाखतीत मुकेश खन्ना यांनी सोनाक्षी सिन्हाचे वडील शत्रुघ्न सिन्हा यांच्यावर त्यांच्या मुलीला संस्कृती न शिकवल्याबद्दल आरोप केल्यानंतर हा संपूर्ण वाद पुन्हा एकदा चर्चेत आला. मुकेश खन्ना यांना उत्तर देताना सोनाक्षीने तिच्या इन्स्टा स्टोरीमध्ये लिहिलं, ‘मी नुकतंच तुम्ही केलेलं वक्तव्य वाचलं की रामायणाबद्दलच्या प्रश्नाचं मी योग्यरित्या उत्तर न देणं ही माझ्या वडिलांची चूक आहे. खूप वर्षांपूर्वी मी त्या शोमध्ये गेली होती. सर्वांत प्रथम मी तुम्हाला आठवण करून देते की त्यादिवशी हॉटसीटवर दोन महिला होत्या, ज्यांना त्या प्रश्नाचं उत्तर माहित नव्हतं. परंतु तुम्ही फक्त माझंच नाव वारंवार घेत आहात, ज्यामागचा हेतू अगदी स्पष्ट आहे.’

‘होय, त्यादिवशी मी कदाचित विसरले होते की संजीवनी बूटी कोणासाठी आणली होती. विसरणं ही एक मानवी प्रवृत्ती आहे. पण हेसुद्धा तितकंच स्पष्ट आहे की तुम्हीसुद्धा भगवान राम यांनी शिकवलेलं क्षमा आणि क्षमाशीलताचे धडे विसरला आहात. जर प्रभू राम मंथरा यांना माफ करू शकतात, जर ते कैकेयीला माफ करू शकतात, महायुद्ध झाल्यावर रावणालाही माफ करू शकतात, तर त्या तुलनेच ही अत्यंत छोटी गोष्ट तुम्ही नक्कीच माफ करू शकता. मला तुमच्या माफीची गरज नाही. पण चर्चेत राहण्यासाठी तुम्ही माझ्या आणि माझ्या कुटुंबाच्या नावाखाली तीच घटना वारंवार समोर आणणं थांबवावं आणि विसरून जावं याची नक्कीच गरज आहे. शेवटचं म्हणजे पुढच्या वेळी माझ्या वडिलांनी माझ्यात जी मूल्ये रुजवली आहेत, त्याबद्दल तुम्ही काही बोलायचं ठरवाल तेव्हा कृपया लक्षात ठेवा की त्या मूल्यांमुळेच मी आज अत्यंत आदराने हे सगळं बोलतेय. तेसुद्धा तुम्ही माझ्या संगोपनावर प्रश्न उपस्थित केल्यानंतरही मी आदरपूर्वक हे स्पष्ट करतेय. मी तुम्हाला शुभेच्छा देते’, अशा शब्दांत तिने उत्तर दिलं.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी