AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

“घरातल्या क्लेशामुळे 13 व्या वर्षापासूनच ड्रग्ज..”; स्मिता पाटील-राज बब्बरच्या मुलाचा खुलासा

स्मिता पाटील आणि राज बब्बर यांचा मुलगा प्रतीक बब्बरने नुकत्याच दिलेल्या एका मुलाखतीत खुलासा केला की, वयाच्या तेराव्या वर्षापासूनच त्याला ड्रग्जचं व्यसन होतं. यामागे घरातील परिस्थिती कारणीभूत असल्याचंही त्याने म्हटलंय.

घरातल्या क्लेशामुळे 13 व्या वर्षापासूनच ड्रग्ज..; स्मिता पाटील-राज बब्बरच्या मुलाचा खुलासा
अभिनेता प्रतीक बब्बरImage Credit source: Instagram
| Updated on: Nov 10, 2024 | 12:18 PM
Share

झगमगत्या बॉलिवूड विश्वात प्रत्येकजण इथल्या ग्लॅमरसाठी ओळखला जातो. मात्र याच फिल्म इंडस्ट्रीची दुसरी काळी बाजूही आहे. अनेकदा इथले कलाकार वाईट सवयींच्या, व्यसनांच्या अधीन होतात. यामुळे अनेक कलाकारांचं करिअर उद्ध्वस्त झालंय. असंच एक नाव म्हणजे अभिनेता प्रतीक बब्बर. ड्रग्जच्या व्यसनामुळे प्रतीक नेहमीच चर्चेत राहिला आहे. प्रतीक इंडस्ट्रीत आल्यानंतर ड्रग्जच्या आहारी गेल्याचं म्हटलं जातं. मात्र नुकत्याच दिलेल्या एका मुलाखतीत प्रतीकने स्पष्ट केलंय की चित्रपटसृष्टीत पदार्पण करण्याच्या खूप आधीपासून त्याला ड्रग्जचं व्यसन होतं.

बॉलिवूड इंडस्ट्रीत पाऊल ठेवल्यापासून प्रतीक अंमली पदार्थांच्या आहारी गेल्याचं म्हटलं जातं. चित्रपटांमध्ये काम मिळू लागल्यानंतर प्रसिद्धीचा वाईट परिणाम त्याच्यावर झाला आणि त्याने ड्रग्जचं सेवन करण्यास सुरुवात केली, अशी चर्चा होती. मात्र आता खुद्द प्रतीकने या सर्व चर्चांना पूर्णविराम देत धक्कादायक खुलासा केला आहे. त्याने सांगितलं की वयाच्या तेराव्या वर्षापासून त्याला ड्रग्जचं व्यसन होतं. किंबहुना त्यापूर्वी काही काळ तो या वाईट सवयींच्या आहारी गेला होता.

प्रतीकने खुलासा केला की त्याचं ड्रग्जच्या आहारी जाण्यामागचं कारण फिल्म इंडस्ट्री नव्हती, तर त्याच्या घरातील परिस्थिती होती. ‘बॉलिवूड बबल’ या वेबसाइटला दिलेल्या मुलाखतीत प्रतीक म्हणाला, “लोकांना असं वाटतं की, अरे हा जेव्हा फिल्म इंडस्ट्रीत काम करू लागला, याच्याकडे पैसे आले, प्रसिद्धी मिळाली तेव्हापासून हा ड्रग्जच्या आहारी गेला. नाही, हे खरं नाही. मी तेरा वर्षांचा असल्यापासूनच ड्रग्ज सेवन करत होतो. किंबहुना वयाच्या 12 व्या वर्षीच मला ड्रग्ज घ्यायची सवय लागली होती. होय, मी प्रचंड घाबरलेलो होतो. त्यामुळे हे सर्व फिल्म इंडस्ट्रीमुळे झालं नाही. दुर्दैवाने माझं संगोपन खूप वेगळ्या पद्धतीने झालं आणि माझी कौटुंबिक फार गुंतागुंतीची होती. म्हणून मी ड्रग्जचं सेवन करू लागलो होतो. पैसा आणि प्रसिद्धीमुळे मी त्यांच्या आहारी गेलो नव्हतो. त्याच्याही आधी मला ते व्यसन होतं.”

प्रतीक हा दिवंगत अभिनेत्री स्मिता पाटील आणि अभिनेते राज बब्बर यांचा मुलगा आहे. “ड्रग्ज हे ट्रॉमाशी संबंधित आहे, हे तुम्ही समजायला हवं. जोपर्यंत तो ट्रॉमा तुमच्या डोक्यातून जात नाही, तोपर्यंत त्याचा परिणाम तुमच्या नात्यांवर आणि आयुष्यातील इतर गोष्टींवर होत राहणार. पण एक वेळ अशी येते जेव्हा तुम्हाला गोष्टी चांगल्या ठेवण्यासाठी स्वत:वर काम करावं लागतं. मी हेच गेल्या काही वर्षांपासून करतोय. यात माझी होणारी पत्नी खूप मदत करतेय”, असं प्रतीकने स्पष्ट केलं. प्रतीकने यावर्षी प्रिया बॅनर्जीशी साखरपुडा केला. तो लवकरच सलमानच्या आगामी ‘सिकंदर’ या चित्रपटातून प्रेक्षकांच्या भेटीला येणार आहे.

Follow Us
बाळासाहेब माझे दैवत, मी त्यांचा अपमान करूच शकत नाही; शायना एनसी....
Shaina NC : बाळासाहेब माझे दैवत, मी त्यांचा अपमान करूच शकत नाही; शायना एनसी यांनी मागितली महाराष्ट्राची माफी
पत्रकाराच्या अंगावर धावले काँग्रेस नेते ऋषिकेश लाड; दमदाटीचा व्हिडिओ..
Congress : पत्रकाराच्या अंगावर धावले काँग्रेस नेते ऋषिकेश लाड; सांगली जिल्हा बँकेच्या निवडणुकीवेळी दमदाटीचा व्हिडिओ व्हायरल
बुलेटवर स्वार होत एकनाथ शिंदेंची पंढरपुरात पाहणी; कार्तिकी यात्रा...
बुलेटवर स्वार होत एकनाथ शिंदेंची पंढरपुरात पाहणी; कार्तिकी यात्रेच्या तयारीचा घेतला आढावा
न्यायालयाचा आदेश तरीही 324 बकऱ्यांची विक्री? बाळूमामा देवस्थान पुन्हा
kolhapur Balumama Devasthan : न्यायालयाचा आदेश आणि SIT ची मनाई तरीही 324 बकऱ्यांची विक्री? बाळूमामा देवस्थान पुन्हा चर्चेत
शिंदे सेनेला पालघरमध्ये मोठा धक्का! माजी आमदार श्रीनिवास वनगांचा BJP..
शिंदे सेनेला पालघरमध्ये मोठा धक्का! माजी आमदार श्रीनिवास वनगांचा भाजपमध्ये प्रवेश
मालाडमध्ये शिंदेसेनेचं सोनिया गांधींविरोधात आंदोलन; सावरकरांच्या अपमान
Sanjay Nirupam : मालाडमध्ये शिंदेसेनेचं सोनिया गांधींविरोधात आंदोलन; सावरकरांच्या अपमानावरून संजय निरुपम आक्रमक
दादर रेल्वे स्थानकाला मिळणार नवी ओळख? चैत्यभूमी नामकरणाच्या हालचालींना
Dadar : दादर रेल्वे स्थानकाला मिळणार नवी ओळख? चैत्यभूमी नामकरणाच्या हालचालींना वेग!
सोनिया गांधींच्या पुस्तकात सावरकरांवर आक्षेपार्ह मजकूर; सात्यकी सावरकर
सोनिया गांधींच्या पुस्तकात सावरकरांवर आक्षेपार्ह मजकूर; सात्यकी सावरकरांचा थेट कोर्टात खेचणार असा इशारा!
करदात्यांसाठी मोदी सरकारचे मोठे बदल! PM नरेंद्र मोदी यांनी सांगितले...
करदात्यांसाठी मोदी सरकारचे मोठे बदल! पंतप्रधान नरेंद्र मोदी यांनी सांगितले कर सुधारणांचे फायदे
संजय राऊतांवरच SRA प्रकल्पांतून फायदा घेतल्याचा आरोप, नवनाथ बन यांचा..
संजय राऊतांवरच SRA प्रकल्पांतून फायदा घेतल्याचा आरोप, नवनाथ बन यांचा थेट पुरावे दाखवत दावा