1000 वेळा सॉरी बोलू…; सोनू निगमने पोस्टद्वारे मागितली माफी, नेमकं प्रकरण काय?
सध्या सोशल मीडियावर बॉलिवूडमधील प्रसिद्ध गायक सोनू निगमचा एक व्हिडीओ व्हायरल झाला आहे. या व्हिडीओमध्ये ते माफी मागताना दिसत आहेत. आता नेमकं प्रकरण काय? वाचा...
सोनू निगमने गेल्या वर्षी मे महिन्यात बंगळुरुमध्ये कॉन्सर्ट केला होता, ज्यामुळे तो वादग्रस्त ठरला होता. या कॉन्सर्टमध्ये उपस्थित लोकांनी गायकाकडे कन्नड गाणे गाण्याची विनंती केली होती. वारंवार एकाच विनंतीने त्रस्त होऊन गायकाने वादग्रस्त टिप्पणी केली होती. कन्नड गाण्याच्या मागणीवर सोनू निगमने म्हटले होते की लोकांच्या याच वृत्तीमुळे पहलगाममध्ये हल्ला झाला. सोनू निगमला या टिप्पणीचा फटकाही बसला. त्यांच्याविरुद्ध कर्नाटकात बंदीची मागणी उठली होती आणि पोलिसांनी तक्रारही दाखल केली होती. या संपूर्ण वादाच्या सुमारे दीड वर्षांनंतर आता गायक पुन्हा एकदा बंगळुरुमध्ये कॉन्सर्ट करणार आहेत.
सोनू निगम या संपूर्ण वादाच्या दीड वर्षांनंतर पुन्हा एकदा त्याच ठिकाणी शो करणार आहेत, जिथून या संपूर्ण प्रकरणाची सुरुवात झाली होती. यादरम्यान पुन्हा एकदा त्याच्यावर बंदी घालण्याची आणि कर्नाटकात परफॉर्म करू न देण्याची मागणी केली जात आहे. कर्नाटक रक्षणा वेदिके (केआरव्ही) ने पोलिसांकडे त्याच्या आगामी कॉन्सर्टला मंजुरी न देण्याची मागणी केली आहे. संस्थेचा आरोप आहे की गायकाने आपल्या विधानाने कन्नड लोकांचा अपमान केला होता.
वाचा: अभिनेत्रीने घातली सोने आणि हिऱ्यांची फँटसी ब्रा! किंमत 4,74,68,07,500 रुपये, पाहून थक्क व्हाल
दीड वर्षांनंतर बंगळुरुमध्ये कॉन्सर्ट
प्रकरण वाढताना दिसताच अखेर सोनू निगमने २४ ऑक्टोबरला होणाऱ्या कॉन्सर्टपूर्वी कन्नड समुदायाकडे माफी मागितली आहे. सोनू निगमने कर्नाटक रक्षणा वेदिकेचे प्रमुख नारायण गौडा यांच्याशी चर्चा केली. त्यानंतर त्यांनी व्हिडिओ मेसेजद्वारे कन्नड समुदायाकडे माफी मागितली आणि स्पष्ट केले की ते कर्नाटकातील लोकांसोबतच्या आपल्या नात्याला खूप महत्त्व देतात.
गायक आपल्या व्हिडिओ मेसेजमध्ये बोलतो की कोणतेही नाते टिकवून ठेवण्यासाठी अहंकार नव्हे, तर समजूतदारपणा आवश्यक असतो. त्यांनी म्हटले, ‘जर तुम्ही कोणावर प्रेम करता आणि नाते टिकून राहावे असे वाटते, तर तुम्हाला १००० वेळाही ‘सॉरी’ बोलण्यात कोणतीही अडचण नसावी’. सोनू निगम म्हणतात की कर्नाटकातील लोकांसोबतचे नाते टिकवून ठेवण्यासाठी ते वारंवार सॉरी बोलण्यासही तयार आहेत.
View this post on Instagram
कर्नाटक रक्षणा वेदिकेने वाद संपवला
कर्नाटक रक्षणा वेदिकेचे प्रमुख नारायण गौडा यांनीही एक्सवर पोस्ट करत म्हटले की सोनू निगम त्यांच्याशी बोलले आणि मान्य केले की त्यांच्या विधानाने कन्नड लोकांच्या भावना दुखावल्या होत्या. त्यांनी लिहिले, ‘आम्ही सर्व सोनू निगमच्या गाण्यांवर प्रेम करतो. आमच्या मनात त्यांच्याबद्दल कोणताही वैयक्तिक द्वेष किंवा वैर नव्हते. आम्हाला फक्त त्यांचे ते विधान स्वीकारार्ह नव्हते, म्हणून आमचा विरोध स्वाभाविक होता.’ नारायण गौडा म्हणाले की आता सोनू निगमने माफी मागितली आहे, तेव्हा वाद इथेच संपवला पाहिजे. त्यांनी म्हटले की माफी मागणाऱ्याला क्षमा करणे हे कन्नड संस्कृती आणि कन्नड लोकांच्या उदारतेचा भाग आहे.
