सुशांत सिंग राजपूत आत्महत्या प्रकरण, नोकरांपाठोपाठ बॉडीगार्डही साक्षीदार होणार

सुशांत सिंग राजपूत आत्महत्या प्रकरण, नोकरांपाठोपाठ बॉडीगार्डही साक्षीदार होणार
सुशांत सिंह राजपूत

गेल्या काही दिवसात सुशांत सिंग राजपूतशी निगडीत ड्रग्ज प्रकरणात अनेक जण साक्षीदार होण्यासाठी पुढे येत आहेत (Sushant Singh Rajput Bodyguard witness)

टीव्ही 9 मराठी डिजीटल टीम

| Edited By: अनिश बेंद्रे

Jun 04, 2021 | 10:26 AM

सुधाकर काश्यप, टीव्ही 9 मराठी, मुंबई : बॉलिवूड अभिनेता सुशांत सिंग राजपूत आत्महत्या प्रकरणात (Sushant Singh Rajput Suicide) वर्षभरानंतरही अनेक खुलासे होत आहेत. सुशांतचे निकटवर्तीय असलेले अनेक जण साक्षीदार होण्यासाठी पुढे आले आहेत. सुशांतचा बॉडीगार्ड सागर सोहिल काल साक्षीदार झाला. येत्या काही दिवसात सुशांतचे काही मित्रही साक्षीदार होण्यासाठी पुढे येण्याची शक्यता आहे. (Sushant Singh Rajput Suicide Bodyguard Sagar Sohil ready to become witness)

गेल्या काही दिवसात सुशांत सिंग राजपूतशी निगडीत ड्रग्ज प्रकरणात अनेक जण साक्षीदार होण्यासाठी पुढे येत आहेत. गेल्या आठवड्यात सुशांतचे नोकर नीरज सिंग आणि केशव बचनेर हे दोघे साक्षीदार झाले. तर सुशांतचा बॉडीगार्ड सागर सोहिल काल साक्षीदार झाला.

मध्यरात्रीपर्यंत सागरची चौकशी

नार्कोटिक्स कंट्रोल ब्युरोच्या अधिकाऱ्यांनी सागरला चौकशीसाठी बोलावलं होतं. मालाडमध्ये एका ठिकाणी त्याची अनेक तास चौकशी झाली. ही चौकशी मध्यरात्रीपर्यंत चालली होती. यानंतर त्याला काल सकाळी त्याला पुन्हा चौकशीसाठी बोलावण्यात आलं होतं. तेव्हा त्याने आपल्याला साक्षीदार व्हायचं असल्याचं तपास अधिकाऱ्यांना सांगितलं. यानंतर त्याला किल्ला कोर्टातील एका न्यायाधीशांच्या समोर उभं करण्यात आलं. तिथे सागर याचा सीआरपीसी 164 नुसार जबाब नोंदवण्यात आला. त्यानंतर त्याला सोडून देण्यात आलं.

सुशांतच्या फ्लॅटमेट्सची पांगापांग

अभिनेता सुशांत सिंग याने आत्महत्या करण्यापूर्वी त्याच्या घरात अनेक व्यक्ती राहत होत्या. मात्र, त्याने आत्महत्या केल्यानंतर बहुतांश जण निघून गेले. कुणी परदेशात गेलं तर कुणी देशाच्या कानाकोपऱ्यात गेले. याबाबत एनसीबीच्या अधिकाऱ्यांना माहिती मिळताच त्यांनी या सर्वांना शोधायला सुरुवात केली.

आधी सिद्धार्थ पिठाणी याला अटक करण्यात आली. त्यानंतर केशव आणि नीरज यांना ताब्यात घेऊन त्यांची चौकशी सुरु केली. यानंतर बॉडीगार्ड सागरला साक्षीदार करण्यात आलं. याच पद्धतीने अनेक व्यक्तींची नावं एनसीबी अधिकाऱ्यांच्या तपासात उघड झाली आहेत. त्यांना लवकरच समन्स बजावून चौकशीसाठी बोलवलं जाणार आहे.

संबंधित बातम्या :

सुशांतसिंह राजपूत आत्महत्याप्रकरणात सर्वात मोठी कारवाई, रुममेट सिद्धार्थ पिठाणीला अटक

सुशांतसिंह राजपूत आत्महत्या प्रकरणात 35 वी अटक, डॅशिंग अधिकारी समीर वानखेडेंवर कौतुकाचा वर्षाव

सुशांत सिंग राजपूत ड्रग्ज प्रकरण, दोन फरार ड्रग्ज पेडलर एनसीबीच्या ताब्यात

(Sushant Singh Rajput Bodyguard witness)

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें