उद्योजकासोबत खासगी फोटो समोर आल्यानंतर लग्नबंधनात अडकणार होती सुष्मिता सेन? म्हणालेली….

माजी आयपीएल अध्यक्ष ललित मोदी आणि बॉलिवूड अभिनेत्री सुष्मिका सेन यांच्या नात्याची चर्चा तेव्हा रंगली जेव्हा दोघांचे खासगी फोटो सोशल मीडियावर तुफान व्हायरल झालेले. सर्वात महत्त्वाची गोष्ट म्हणजे हे खासगी फोटो खुद्द ललित मोदी याने सोशल मीडियावर पोस्ट केलेले आणि सुष्मिता हिला ‘बेटर हाफ’ म्हटलं होतं. फोटो पाहिल्यानंतर अनेकांनी दोघांना शुभेच्छा दिल्या, तर काहींनी सुष्मितावर निशाणा साधला. एवढंच नाही तर, त्यांच्या ब्रेकअपनंतरही त्यांच्या अफेअरबद्दल अनेक प्रश्न उपस्थित केले गेले. ‘सुष्मिता गोल्ड डिगर आहे…’ आशा देखील चर्चांनी जोर धरलेला. मात्र, सुष्मिताने या टीकेला तिच्या खास शैलीत प्रत्युत्तर दिलं आणि नंतर लग्नाच्या चर्चांवर उघडपणे भाष्य केलं.

सांगायचं झालं तर, काही वर्षांपूर्वी, रोहमन शॉलसोबत ब्रेकअप झाल्यानंतर, उद्योगपती ललित मोदी याने सुष्मिता सेनसोबतच्या मालदीव आणि सार्डिनिया येथील सुट्टीचे फोटो शेअर करून तिच्यावरील प्रेम व्यक्त केलं होतं, ज्यामुळे एकच खळबळ उडाली होती. पोस्टमध्ये ललित मोदी यांनी सुष्मिताला आपली ‘बेस्ट हाफ’ म्हटलं होतं आणि हे एका नवीन आयुष्याची सुरुवात असल्याचं लिहिलं होतं. पण दोघांचं लग्न झालेलं नव्हतं. यानंतर सुष्मिता हिला प्रचंड ट्रोल करण्यात आलं.

अनेकांना असं वाटलं की दोघे लवकरच लग्नबंधनात अडकतील. अशा चर्चांनी जोर धरला, कारण सुष्मिता हिचं रोहमन याच्यासोबत ब्रेकअप झालं होतं. अशात सुष्मिता हिला मोठया प्रमाणात ट्रोलींगचा सामना करावा लागला. अखेर यावर अभिनेत्रीने सडेतोड उत्तर दिलं होतं.

सुष्मिता म्हणालेली, ‘जेव्हा एखादी व्यक्ती गप्प राहते, तेव्हा त्या व्यक्तीची कमजोरी समजली जाते. जे काही सुरु होते, त्याचा मला जराही त्रास झाला नाही. मी तर सोशल मीडियावर व्हायरल होत असलेल्या मीम्सचा आनंद घेत होता…’ याच दरम्यान तिला ‘गोल्ड डिगर’ देखील म्हणण्यात आलं. यावर अभिनोत्री म्हणाली, ‘मला गोल्ड नाही तर, डायमंड आवडतात…’ एवढंच नाही तर, चर्चा करण्याआधी सत्य नेमकं काय आहे… हे देखील जाणून घ्या… असं देखील सुष्मिता म्हणालेली.

लग्नाबद्दल देखील अभिनेत्रीने मोठं वक्तव्य केलं होतं. ‘जर मला लग्ना करायचं असतं तर, मी केलं असतं. मी प्रयत्न करणाऱ्यांपैकी नाही… मी थेट करते नाही तर करतच नाही…’, सांगायचं झालं तर, वयाच्या 50 व्या वर्षी देखील अभिनेत्री अविवाहित आहे. सुष्मिता दोन दत्तक मुलींसोबत आनंदी आयुष्य जगत आहे.