AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

‘दयाबेन’ला बिग बॉसकडून तब्बल 65 कोटींची ऑफर? नेमकं सत्य काय?

दिशाने 2017 मध्ये 'तारक मेहता..' ही मालिका सोडली होती. बाळंतपणाच्या रजेवर गेलेली दिशा पुन्हा मालिकेत परतलीच नाही. तिला मालिकेत परत आणण्यासाठी दिग्दर्शक आणि निर्मात्यांनी बरेच प्रयत्न केले. मात्र दिशा सध्या तिच्या खासगी आयुष्यावर लक्ष केंद्रीत करत असल्याचं म्हटलं गेलं.

'दयाबेन'ला बिग बॉसकडून तब्बल 65 कोटींची ऑफर? नेमकं सत्य काय?
| Updated on: Oct 08, 2024 | 8:24 AM
Share

‘तारक मेहता का उल्टा चष्मा’ या मालिकेत दयाबेनची भूमिका साकारून अभिनेत्री दिशा वकानी घराघरात पोहोचली. मात्र काही वर्षांपूर्वी तिने ही मालिका सोडली. त्यानंतर ती मालिकेत परतलीच नाही. दिशाला पुन्हा एकदा छोट्या पडद्यावर पाहण्यासाठी चाहते प्रचंड उत्सुक आहेत. अनेकदा तिच्या कमबॅकविषयी मालिकेच्या निर्मात्यांना प्रश्न विचारले जातात. अशातच सलमान खानच्या ‘बिग बॉस 18’मध्ये स्पर्धक म्हणून सहभागी होण्यासाठी दिशाला ऑफर मिळाल्याच्या चर्चांना उधाण आलं होतं. इतकंच काय तर तिला तब्बल 65 कोटी रुपयांची ऑफर मिळाल्याचंही म्हटलं जात होतं. ही आतापर्यंतची सर्वांत मोठी ऑफर आहे. तरीही दिशाने एवढी मोठी ऑफर नाकारल्याचं म्हटलं गेलं. या सर्व चर्चांमध्ये किती तथ्य आहे, असाही सवाल नेटकऱ्यांनी केला.

नेमकं सत्य काय?

‘इंडिया टुडे’नं दिलेल्या वृत्तानुसार, दिशाबद्दल होणाऱ्या चर्चांमध्ये काही तथ्य नाही. 65 कोटी रुपये हा आकडा सहजच पसरवला जात असून इतकं मानधन कोणत्याच स्पर्धकाला दिलं जात नाही, असं कळतंय. याविषयी ‘इंडिया टुडे’च्या सूत्रांनी म्हटलंय, “एका संपूर्ण सिझनसाठी स्पर्धकांसाठी जे बजेट असतं, तेसुद्धा इतकं जास्त नसतं. 65 कोटी रुपयांची फक्त अफवा पसरवली जात आहे. एकाच स्पर्धकाला ते इतकी मोठी रक्कम कसं काय देऊ शकतात? फक्त लोकांचं लक्ष वेधण्यासाठी या अफवा पसरवल्या जात आहेत. बिग बॉसच्या स्पर्धकांना संपूर्ण सिझनसाठी रक्कम ठरवून दिली जात नाही. त्यांना फक्त साइनिंग फी मिळते. त्यानंतर ते शोमध्ये किती आठवडे राहतात, त्यावरून त्यांचं मानधन ठरवलं जातं.”

“जरी दिशाला काही कोटी रुपयांची ऑफर मिळाली असेल आणि ती दोन आठवड्यांतच घराबाहेर पडली असेल, तर अशात निर्मात्यांचं किती मोठं नुकसान असेल. ते एवढी मोठी रिस्क का घेतील”, असाही सवाल संबंधित सूत्रांनी केला आहे. जरी दिशा संपूर्ण सिझनमध्ये टिकली आणि फिनालेपर्यंत पोहोचली, तरी दर आठवड्याला तिला एकटीला चार कोटी रुपये मानधन मिळणं कल्पनेपलीकडचं आहे.

“दिशा वकानी ही दयाबेन म्हणून प्रचंड लोकप्रिय झाली. गेल्या बऱ्याच काळापासून ती छोट्या पडद्यावरून दूर आहे. लोकांना तिला पुन्हा एकदा पडद्यावर पहायचं आहे. त्यामुळे अशा अफवा पसरवल्या गेल्या असतील. दिशा पडद्यावर जितकी मनोरंजक होती, तितकीच ती खऱ्या आयुष्यातही असेल असं नाही. त्यामुळे तिच्यावर इतकी मोठी रक्कम गुंतवून निर्माते रिस्क का घेतील”, असा प्रश्न त्यांनी उपस्थित केला. बिग बॉसचा अठरावा सिझन 6 ऑक्टोबरपासून सुरू झाला आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी