Kaun Banega Crorepati 13 : नेत्रहीन हिमानी बुंदेलांचे 7 कोटी जिंकण्याचे स्वप्न भंगले, तुम्हाला ‘या’ प्रश्नाचे योग्य उत्तर माहित आहे का?

मुंबई : सोनी टीव्हीच्या रिअॅलिटी शो ‘कौन बनेगा करोडपती सीझन 13’च्या (Kaun Banega Crorepati 13) कालच्या एपिसोडमध्ये हिमानी बुंदेला (Himani Bundela) यांनी सर्व लाईफ लाईन वापरून 50 लाख रुपये जिंकले. मात्र, नंतर हिमानीने कोणत्याही लाईफ लाईनशिवाय दमकदार खेळ करत त्याच्या नावावर 1 कोटी रुपये कमावले आहेत. मात्र, हिमानीचे 7 कोटी जिंकण्याचे स्वप्न अपूर्ण राहिले. पण तिच्या खेळामुळे अमिताभ बच्चनसह तिथे उपस्थित असलेल्या प्रत्येकाला प्रभावित केले.

सर्व लाईफ लाईन संपल्यानंतर, अमिताभ बच्चन यांनी हिमानीला 10 लाखांसाठी 15वा प्रश्न विचारला, दुसरे महायुद्ध असताना फ्रान्समध्ये ब्रिटिश गुप्तहेर म्हणून काम करताना नूर इनायत खानने कोणत्या नावाचा वापर केला होता? या प्रश्नाचे उत्तर म्हणून दिलेले पर्याय वेरा अटकिन्स, क्रिस्टीना स्कारबेक, ज्युलियन आयस्नर, जीन मेरी रेनियर होते. या प्रश्नाचे योग्य उत्तर जीन मेरी रेनियर होते. 1 कोटीसाठी असलेल्या या प्रश्नाचे उत्तर देताना हिमानीने एक कोटी रुपये जिंकले

हिमानी यांना ‘लंडन स्कूल ऑफ इकॉनॉमिक्समध्ये डॉ बी आर आंबेडकर यांनी सादर केलेल्या थीसिसचे शीर्षक काय आहे ज्यासाठी त्यांना 1923 मध्ये डॉक्टरेट देण्यात आली?’ हा प्रश्न 7 कोटी रुपयांसाठी विचारण्यात आला होता. ‘द वांट्स अँड मीन्स ऑफ इंडिया’, ‘द प्रॉब्लम ऑफ रूपी’, ‘नॅशनल डिविडेंट ऑफ इंडिया’, आणि ‘द लॉ ऑफ लॉयर’ हे हिमानीसमोर चार पर्याय होते. या प्रश्नाचे अचूक उत्तर ‘द प्रॉब्लम ऑफ रूपी’ होते. मात्र, हिमानी या प्रश्नाचे योग्य उत्तर देऊ शकली नाही आणि तिने खेळ बंद केला.

Himani Bundela, the first visually impaired contestant is coming tomorrow on KBC hotseat to tell us, that courage & determination can make you win every hurdle of life. Witness her journey of becoming a crorepati & watch her attempt ₹7 crore question in KBC at 9PM, only on Sony. pic.twitter.com/reXtTmGuKZ

— sonytv (@SonyTV) August 29, 2021

कौन बनेगा करोडपतीची पहिली अंध स्पर्धक

हिमानी बुंदेला ‘कौन बनेगा करोडपती’मध्ये सामील होणारी पहिली दृष्टिहीन स्पर्धक आहे. तिच्यासाठी, फास्टेस्ट फिंगर फर्स्टच्या जागी आलेल्या तीन प्रश्नांची उत्तरे देण्यासाठी फेरीत काही बदल करण्यात आले. साधारणपणे स्पर्धकांना प्रश्न विचारले जातात आणि ते लगेच पर्याय दाबून पुढे जाण्याचा प्रयत्न करतात. पण, हिमानी बुंदेला प्रश्न पाहू शकली नाही, म्हणून तिला संधी देण्यासाठी, सर्व स्पर्धकांना सांगण्यात आले की प्रश्न विचारल्यानंतर आणि त्यांची उत्तरे सांगितल्यानंतर प्रत्येकाला 10 सेकंद दिले जातील आणि त्यांना त्या दहा सेकंदात योग्य उत्तर द्यावे लागेल.

बालपणीचे स्वप्न साकार

हिमानीला लहानपणापासूनच टीव्हीवर यायचे होते. जेव्हा तिने टीव्हीवर कौन बनेगा करोडपती पाहिले, तेव्हा तिने निश्चित केले की, ती या शोमध्ये नक्कीच सहभागी होईल. ती आधीच अभ्यासात खूप हुशार होती. जेव्हा तिची दृष्टी गेली, तेव्हा तिने ऑडिओ नोट्स बनवून वाचायला सुरुवात केली. हिमानीची भावंडे तिच्यासाठी व्हॉईस नोट्स बनवायचे, हिमानी स्वतः व्हॉईस नोट्सद्वारे अभ्यास करायची. त्याच्या ज्ञानामुळे, ‘कौन बनेगा करोडपती’मध्ये 1 कोटी जिंकणे तिच्यासाठी इतके अवघड असल्याचे वाटले नाही.

हेही वाचा :

जबरदस्त कॉमिक टायमिंग साधणारे ‘ऑफिस-ऑफिस’चे ‘भाटियाजी’, वाचा अभिनेता मनोज पाहवा यांच्याबद्दल…

पती अंगद बेदीसोबत रोमान्स; गर्ल गँगसोबत धमाल, पाहा नेहा धुपियाच्या ‘Baby Shower’चे खास फोटो