AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

“दिवाळीला मला लक्ष्मीकांतची खूप आठवण येते कारण…”, प्रिया बेर्डेंनी सांगितला ‘तो’ खास किस्सा

प्रिया बेर्डे यांनी दिवाळीच्या आठवणींना उजाळा दिला आहे. यावेळी त्यांनी पारंपारिक फराळ तयार करणे, रांगोळी काढणे आणि कुटुंबासोबत वेळ घालवण्याचा अनुभव सांगितला आहे.

दिवाळीला मला लक्ष्मीकांतची खूप आठवण येते कारण..., प्रिया बेर्डेंनी सांगितला 'तो' खास किस्सा
प्रिया बेर्डे लक्ष्मीकांत बेर्डे
| Updated on: Nov 01, 2024 | 3:26 PM
Share

Priya Berde Lakshmikant Berde Memories : नव्वदीचा काळ गाजवणाऱ्या आणि आजही तितक्यात लोकप्रिय असलेल्या मराठी अभिनेत्री म्हणून प्रिया बेर्डेंना ओळखले जाते. नाटक, चित्रपट, राजकारण या सगळ्याच गोष्टीत त्या कायम सक्रीय असतात. सध्या प्रिया बेर्डे या सन मराठी वाहिनीवरील ‘मुलगी पसंत आहे’ या मालिकेत झळकत आहेत. या मालिकेत त्यांनी शकुंतला हे पात्र साकारले आहे. त्यांच्या या पात्राला प्रेक्षकांचा चांगला प्रतिसाद मिळताना दिसत आहे. काही दिवसांपूर्वी लक्ष्मीकांत बेर्डे यांच्या वाढदिवसानिमित्त त्यांनी एक भावूक पोस्ट शेअर केली होती. यानंतर आता दिवाळीनिमित्त त्यांनी काही खास जुन्या आठवणींना उजाळा दिला आहे.

“दिवाळी हा माझा अत्यंत आवडता सण आहे. पण तो माझ्यासाठी खास असतो कारण लक्ष्मीकांत आणि आमचा मुलगा, अभिनय या दोघांचा वाढदिवसही याच काळात असतो. पूर्वी आम्ही दिवाळी आणि वाढदिवस मोठ्या थाटात साजरे करायचो. संपूर्ण सिनेसृष्टीतील मान्यवरांना आमंत्रित करून हा उत्सव मोठ्या आनंदात पार पाडायचो. दिवाळी आली की लक्ष्मीकांतची खूप आठवण येते कारण त्याच्या उपस्थितीमुळे घरात एक सकारात्मक ऊर्जा असायची. त्याला घर सजवण्यापासून पाहुणचार करण्यापर्यंत सगळ्या गोष्टींचा खूप आनंद असायचा”, असे प्रिया बेर्डे म्हणाल्या.

“तो मला मदतही करायचा”

“आमच्या घरी दिवाळीची मजा पारंपरिक गोड पदार्थ आणि फराळाशिवाय अपूर्ण असते. आमच्या घरी बाहेरचं विकतचं फराळ फार आवडत नाही. त्यामुळे मी स्वतःच चकल्या, करंज्या, लाडू, आणि चिवडा बनवते. लक्ष्मीकांतला तर माझ्या हातचा फराळ विशेष आवडायचा. खास करून लाडू त्याला आवडायचे. तो मला मदतही करायचा”, अशी आठवणही प्रिया बेर्डेंनी सांगितली.

छोटी तरी रांगोळी दरवर्षी काढतेच

“दिवाळी आली की रांगोळी आलीच. मला रांगोळी काढायला खूप आवडते. पूर्वी मी मोठ्या रांगोळ्या काढायची आणि लक्ष्मीकांत त्या रांगोळ्यांचे कौतुक करायचा. त्यामुळे माझं रांगोळीविषयीचं प्रेम अजूनच वाढलं, आणि दरवर्षी मनापासून रांगोळी काढते. मात्र आता ‘मुलगी पसंत आहे’ मालिकेत काम करत असल्यामुळे वेळ कमी मिळतो, तरीदेखील छोटी तरी रांगोळी दरवर्षी काढतेच”, असेही प्रिया बेर्डेंनी सांगितले.

प्रिया बेर्डेंची पोस्ट

दरम्यान प्रिया बेर्डे यांनी काही दिवसांपूर्वी लक्ष्मीकांत बेर्डे यांच्या वाढदिवसानिमित्त एक पोस्ट शेअर केली होती. “70वर्ष….आज जन्मदिवस अजूनही तुमचं गारुड लोकांच्या मनावर आहे. एक अभिनेता, चांगला माणूस म्हणून आज ही लोक तुमच्याबद्दल तेवढ्याच उत्साहाने बोलतात. विनोद अनेक रुपाने समोर आला कधी दादागिरीने तर कधी विनोदाचा सम्राट, तर कधी भोळा भाबडा राजा म्हणून पण या महारथींच्या मांदियाळीत या कर्त्याने स्वतःची शैली, स्वतःच वेगळेपण सिद्ध केलं. त्यांना कुठलीच पदवी दिली गेली नाही तो कायम सगळ्यांसाठी लक्ष्याच राहिला.. आणि राहणार फक्त ‘लक्ष्या’…”, असे प्रिया बेर्डे यांनी म्हटले होते.

Follow Us
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा